SALM 40:3 - Lai (Hakha) Common Language Bible 2006

³ Hla thar kha a ka cawnpiak, ka Pathian thangṭhatnak hla kha a ka cawnpiak. Hi thil cu mi tampi nih an hmuh lai i Bawipa kha an i bochan lai.

Laibaibal Thiang (BSI)

³ Kan Pathian thangṭhatnâk hla thar cu ka kâ ah a chiah; mitampi nih cucu hmu in an ṭih lai i BAWIPA cu an i bochan lai.

SALM 40:3 ပူးပေါင်းရင်းမြစ်များ

SALM 119:133

Bia na ka kamh bantukin tlu loin ka khamh law ṭhat lonak nih khan ka tei sawh hlah seh.

SALM 142:7

Na min cu ka thangṭhat khawh nakhnga thong chung hin ka chuah ko sawh. Ka hmuh awk hnga a simi laksawng kha na ka pek tikah a dingmi hna nih cun pangpar ṭhi kha an ka oih lai.

SALM 144:9

Maw Pathian, nangmah cu hla thar in kan thangṭhat lai, tingtang kha kaa tum lai i kan thangṭhat lai.

SALM 27:5

Harnak caan ah him tein a thla tangah a ka dorter; a biakinn chungah him tein a ka chiah i a sangmi lungpi cungah a ka chuan.

SALM 33:3

Hla thar in thangṭhat u, dawh ngaiin hri hra tingtang cu tum u law fak piin hla sa u.

SALM 35:27

Ka luat caah a lung aa lawmmi cu lawmhnak in au hna seh law, “Bawipa cu a lianngan ko, a sal nih hlawhtlinnak a hmuh i amah cu a lawmhpi,” tiah chim lengmang hna seh.

SALM 37:23

Minung hi a kalnak ding lam a hmuhsaktu cu Bawipa a si, Amah duhnak a tuahmi cu a huhphenh hna.

SALM 52:6

Miding nih hihi an hmuh lai i an ṭih lai, an in nihsawh lai i,

SALM 69:3

Ka bawm tuah tiin ka aunak ah ka baa cang i ka or zong a fak dih cang; bawmhnak a ka pe lai maw tiin ka mithram cat in kan zoh.

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

LAMKALTU 4:4

Sihmanhsehlaw an chimmi a theimi mi tampi nih khan an zumh i an dihlak ah thong nga hrawng an hung si.

BIAPHUAN 14:3

Sing khat sang li le thong li hna cu bawiṭhutdan le saram nung pali hna le upa hna lei hoih khan an dir. Vawlei cungin tlanh a simi hna lawng nih an thiam khawhmi hla thar kha an sa.