SALM 40:16 - Lai (Hakha) Common Language Bible 2006

¹⁶ Nangmah sinah a rami vialte cu lunglawm le thanuam in um hna seh. Na khamhnak a duhmi vialte nih, “Bawipa cu a lianngan hringhran ko,” ti zungzal hna seh.

Laibaibal Thiang (BSI)

¹⁶ Nangmah kawltu vialte hna cu nangmah ah i nuam in i lawm hna sehlaw, na khamhnâk a tlaihchantu hna nih, “BAWIPA cu hlawrh in um ko seh!” tiah dong cat loin ti hna seh.

SALM 40:16 ပူးပေါင်းရင်းမြစ်များ

SALM 105:3

Kannih cu amah mi kan si caah kan i lawm, Bawipa rian a ṭuanmi vialte i lawm u.

SALM 119:111

Na nawlbia cu zungzal ka ro an si, ka lung a ka lawmhtertu an si.

SALM 119:123

Na khamhnak hi ka mit hram fak in ka cuan, na ka kamhmi luatnak cu.

SALM 119:81

Maw Bawipa, na khamhnak ka hngahnak ah hin ka ba tuk hringhran cang; na bia cu kaa bochanmi a si.

SALM 22:26

Sifakmi nih an duh zat in an ei lai, Bawipa sinah a rami nih Bawipa cu an thangṭhat lai. Zungzal in thluachuak in um ko hna seh.

SALM 35:21

Annih nih an au i, “Na tuahmi kha kan hmuh,” an ti.

SALM 35:27

Ka luat caah a lung aa lawmmi cu lawmhnak in au hna seh law, “Bawipa cu a lianngan ko, a sal nih hlawhtlinnak a hmuh i amah cu a lawmhpi,” tiah chim lengmang hna seh.

SALM 68:3

Sihmanhsehlaw miding mi cu an i lawm lai i a hmaiah khan an tha a nuam lai; lunglawm ngaingai in an um lai.

EZEKIEL 26:2

“Mipa, Tair nih Jerusalem cu a thawh i, A! miphun hna kutka a simi kha a bauh cang, A kutka hna cu keimah leiah an i hung; Kei cu ka rum chin lengmang, anih tu cu rawk relrul in a um ko, a ti.

LAMKALTU 19:17

Efesa khua i a ummi Judah mi le Grik mi vialte hna nih cu kong cu an theih i an thin a phang i Bawipa Jesuh min cu an upat chinchin.