SALM 40:10 - Lai (Hakha) Common Language Bible 2006

¹⁰ Khamhnak thawngṭha hi keimah ca lawngah kaa chiah bal lo, zumhawktlak na sinak le na kan bawmhnak hi ka chim zungzal. Na dawtnak a fekmi le zumhawktlak na sinak hi na mi vialte an i pumhnak ah chim loin ka um bal lo.

Laibaibal Thiang (BSI)

¹⁰ Na dinnâk cu ka lung chungah ka thup lo i zumhtlâk na sinâk le na khamhnâk kha ka phuan tawn; A liannganmi pumhnâk ah na duhdawtnâk le na biatak cu dai tein ka umpi kho lo.

SALM 40:10 ပူးပေါင်းရင်းမြစ်များ

SALM 22:26

Sifakmi nih an duh zat in an ei lai, Bawipa sinah a rami nih Bawipa cu an thangṭhat lai. Zungzal in thluachuak in um ko hna seh.

SALM 25:10

A biakam le nawlbia a zulmi vialte cu, dawtnak in a hruai hna i zumhawktlak tein a kalpi hna.

SALM 34:6

Santlai lomi nih amah cu an auh i a leh hna; an harnak chungin a khamh dih hna.

SALM 75:9

Sihmanhsehlaw kei cu Jakob Pathian kong chim kha ka bang lai lo i amah thangṭhatnak hla sak zong kha ka ngol bal lai lo.

SALM 89:1

Bawipa, a fekmi na dawtnak cu hla in ka sak zungzal ko lai i zumhawktlak na sinak cu ka chim thluangthluan ko lai.

ISAIAH 49:6

Bawipa nih cun a ka thawh i, “Ka sal, nangmah caah rian ngan deuh chin ka ngei; Israel mi chungin a tangmi hna kha lianhngannak ah phakter ṭhan lawng si loin, Nangmah cu miphun hna ca ceunak ah kan ser lai — cuticun vawlei dihlak nih khamhnak a hmuh lai,” a ti.

EZEKIEL 2:7

Annih cu ral thawh hmangmi an si ko caah hin an ngaih duh zongah an ngaih duh lo zongah ka bia cu na chimh ko hna lai.

MIKAH 7:20

Kan pupa hna sinah chiatser in bia na rak kam cang bantuk khan, Na mi Israel mi kan cungah hin zumhawktlak na sinak kha na langhter lai i kannih Abraham tefa hna hi aa thleng lomi na dawtnak kha na kan hmuhter lai.

LUKA 3:6

Cun minung phun paohpaoh nih Pathian khamhnak kha an hmuh lai,’ a ti,” tiah aa ṭialmi kha a hung tling.

JOHAN 1:17

Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.

ROM 10:3

Pathian nih zei lam in dah minung cu Amah he a remter hna ti kha an hngal lo i anmah tu nih khan cu lam cu an i ser; cucaah Pathian nih minung cu Amah he a remter hnanak lam kha an cohlang duh lo.

FILIPI 3:9

Keimah dinnak timi, Nawlbia zulhnak thawngin hmuhmi phun kha, ka ngei ti lo, atu cu Khrih zumhnak thawngin pekmi dinnak, Pathian sinin a ra i zumhnak chungah aa bunhmi dinnak lawng kha ka ngei cang.

1THESALON 1:8

Zeicahtiah nanmah sinin a chuakmi thawngpang Bawipa kong kha Masidonia le Grik ram leng a phan i Pathian nan zumhnak thawng nih khan khuazakip a cul. Cucaah kan khualtlawnnak kong cu kanmah nih chim a herh ti lo,

1TIMOTE 1:15

Khrih Jesuh cu misual mi hna khamh awkah vawlei ah a rung ṭum, timi hi ahmaanmi le cohlan awk a tlakmi le zumh awk bia a si. Keimah cu an lakah a sual bik ka si ko,

BIAPHUAN 22:17

Thlarau le va ngei laimi ngaknu nih khan, “Ra u,” an ti. Hi bia a theimi paoh nih khan, “Ra u,” ti ve hna seh. Ti a halmi paoh cu ra u, nunnak ti hi a duhmi paoh nih man loin i lak u.