SALM 4:4 - Lai (Hakha) Common Language Bible 2006

⁴ Ṭihnak ngei u law nan sualnak kha ngol hna u; hi thil hi nanmah lawng tein nan inn khaan chungah thuk piin ruat tuah u. Selah

Laibaibal Thiang (BSI)

⁴ Thinhung ko law, sualnâk tu tuah hlah, na ihkhun cungah lungthin in ruat u law, dai tein um.

SALM 4:4 ပူးပေါင်းရင်းမြစ်များ

JOB 28:28

Cun minung cu a thawh i, ‘Zohhmanh, Pathian ṭih hi fimnak cu a si, ṭhat lonak hrial hi hngalhthiamnak cu a si,’ tiah a ti,” a ti.

SALM 119:161

Miṭhawng nih ding lo piin an ka serhsat, sihmanhsehlaw na phunglam cu ka hmaizah.

SALM 17:6

Maw Pathian, na sinah thla ka cam i na ka leh: cucaah atu zongah hin keimah leiah i mer law ka bia cu ka ngaihpiak ko.

SALM 2:11

Bawipa cu ṭih bu tein a rian ṭuan tuah u, therphang in um u law

SALM 3:2

An ka thangchiat i, “Pathian nih a bawm lai lo,” an ka ti.

SALM 3:4

Bawipa kha ka auh i a tlang thiang cungin a ka leh.

SALM 33:8

Vawlei vialte, Bawipa cu ṭih tuah; vawleicung mi vialte hna, Bawipa cu ṭih tuah u.

SALM 46:10

“Raldohnak kha ngol u” a ti hna, “Cun keimah cu Bawipa ka si hi hngal tuah u, miphun vialte hna a uktu cu ka si i, vawlei pumpi ah a ngan bikmi cu ka si,” a ti.

SALM 63:6

Ihkhun cung i ka ih tikah nangmah cu kan thei, zan khuadei nangmah kha kan ruat,

SALM 77:6

Zan khuadei fak piin khua ka ruat; khua ka ruat lengmang i keimah le keimah kaa halmi cu hihi a si:

PHUNGTHLÛKBIA 16:17

Miding hna nih cun ṭhat lonak a hrialtu lam kha an zulh, cucaah khuazei i na kal kha zoh tuah, na nunnak an khamh khawh lai.

PHUNGTHLÛKBIA 16:6

Pathian leiah felte le zumhawktlak tein um ko law na sualnak cu an ngaihthiam lai. Cun Bawipa kha ṭih law ṭhat lonak nih an tlunhnawh lai lo.

PHUNGTHLÛKBIA 3:7

Mah mithmuh i a fimmi va si hlah; Bawipa kha ṭih law ṭhat lonak kha mertak ko.

JEREMIAH 5:22

Nan ka ṭih lo maw? tiah Bawipa nih a ti; Ka hmaiah nan tha a ther lai lo maw? Rili caah thetse kha ramri ah a chia i A lonh khawh lo zungzalmi dawntu a caah a chiatu keimah hmaiah hin nan tha ther loin maw nan um ko lai? Rili tilet cu an tho ko lai, sihmanhsehlaw an lonh kho lo; Tilet cu an awn ko lai, sihmanhsehlaw an pah kho lo.

HABAKKUK 2:20

Bawipa cu a biakinn thiang chungah a um, vawleicung mi vialte hna a hmaiah dai zirziar in um tuah u.

2 KORIN 13:5

Nanmah le nanmah kha ṭha tein i hneksak tuah u: zumhnak nunning khan a nungmi nan si maw? I hneksak tuah u. Hneksaknak nan innak ah khan nan tluk sual dah ti lo ahcun, Khrih Jesuh cu kan chungah a um ti kha nan hngalh ko a si lo mei?

EFESA 4:26

Na thin a hun ahcun na thinhunnak kha sualnak chung i an luhpitu siter hlah; cun na thinhunnak cu ni tlakter hlah.