SALM 4:2 - Lai (Hakha) Common Language Bible 2006

² Nannih minung hna, zei can dah na ka serhsat lai? Zei can dah santlailo thil kha nan duh lai i lihbia kha nan dawi lai? Selah

Laibaibal Thiang (BSI)

² Maw minung fale hna, zeicahdah ka sunparnâk ningzahnâk ah nan mer lai? zeicandah santlailo thil nan tlaihchan lai i palhnâk nan kawl lai?

SALM 4:2 ပူးပေါင်းရင်းမြစ်များ

SALM 106:20

Pathian sunparnak cu ram a eimi saram mui ah an thlen.

SALM 14:6

Miṭhalo hna nih sifakmi an khuakhannak cu dawnkhan hna hmanh seh law a humhaktu hna cu Bawipa a si ko.

SALM 2:1

Zeicahdah miphun hna nih ral thawhnak khua an khan i An mi hna nih thil ṭhahnem lo dohnak khua an ruah?

SALM 3:3

Sihmanhsehlaw Bawipa, nangmah nih phaw bantukin na ka huhphenh zungzal i teinak kha na ka pek i ka lung na ka ṭhawnter ṭhan.

SALM 31:6

Siasal santlailo a biami cu na huat hna, asinain kei cu nangmah kha kan bochan.

SALM 5:6

Lihchim mi cu na hrawh dih hna i mipuarhrang le mihlenhmang cu na nautat hna.

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

SALM 57:4

Mi seh hmang chiandeih hna lakah ka it, an ha cu fei le thal bantuk an si, an lei cu kawngthun har bantuk an si.

SALM 58:1

Nannih uktu bawi hna, bia nan ceih tikah ding tein nan ceih taktak maw? Mi vialte kha aa ruang tein nan ceih hna maw?

SALM 58:3

Miṭhalo cu an chan chung vialte palhnak a tuahmi an si, an chuah ni in lihchim an i thawk.

SALM 63:11

Pathian thawngin siangpahrang cu aa lawm lai; Pathian min in biakamnak a tuahmi vialte hna cu an i lawm lai, sihmanhsehlaw milihchim hna cu an kaa phih a si lai.

SALM 72:2

cun na mi cu dinnak in ka uk hna nakhnga le sifakmi kha ding tein an bia ka ceihpiak hna nakhnga na dinnak kha keimah cu ka hrawm ko.

EXODUS 10:3

Cucaah Moses le Aaron kha Faro sinah cun an va kal i, “Hebru mi Pathian Bawipa nih, ‘Zei can dah ka nawl zul duh loin na um lai? Ka mi hna cu an ka biak khawh nakhnga kalter hna.

PHUNGTHLÛKBIA 1:22

“Zei can dah maw mihrut rual hna, hruh kha nan duh rih ko lai? Zei can dah, mi nihsawh hmangmi hna, mi nihsawh kha a nuam nan ti lai i mihrut nih fimnak kha nan huat lai?

PHUNGCHIMTU 8:11

Zeicahdah mi nih ṭhat lonak kha an tuah lengmang? Ṭhat lonak an tuahmi caah khan khulrang in dantatnak an in lo caah a si.

PHUNGCHIMTU 9:3

Kan dihlak cungah thil pakhat a tlung ko i vawlei cung i a ummi thil vialte hna an hmaan lo tlukin ahmaan lomi thil a si ve. Mi cu an nun chung paoh ahcun an ruahnak cu ṭhat lonak le pakpalawng in a khat i hmakhatte ah an thi ko.

ISAIAH 20:5

Ethiopia aa bochanmi le Izipt a um sawk tiah aa porhlawmi cu an ruahnak a khel ngaingai hna lai i vansang au in an um lai.

ISAIAH 45:17

Sihmanhsehlaw Israel cu Bawipa nih a khamh i teinak a hmuhmi cu zungzal in a hmun lai; a mi cu ningzahnak an phan lai lo.

ISAIAH 59:4

Biaceihnak hmun ah nan kal, sihmanhsehlaw ahohmanh bia hmaan a chimmi nan um lo. Nan bia tei khawhnak caah lih kha nan i bochan. Midang harnak peknak caah khua nan khan i cucu nan tlinter taktak.

JEREMIAH 2:11

Miphun pakhatkhat nih a pathian hna kha, pathian an si lo hmanh ah, a thleng bal hna maw? Sihmanhsehlaw ka mi hna nih cun an Sunparnak kha zeihmanh a ṭhahnem lomi thil ah an thlen.

JEREMIAH 2:5

Bawipa nih hi bangin a ti: “Nan pupa hna nih zei palhnak dah ka cungah an hmuh i Ka sinin lamhlatpi ah an kal i pakpalawng kha an zulh i pakpalawng ah an can?

JEREMIAH 9:3

An lei cu an hriam a si, kuaih ciami likuk bantuk a si, Biatak si loin lih tu kha ram chungah hin bawi a si. Ṭhat lonak pakhat in ṭhat lonak pakhat ah an kal i Keimah cu zeihmanh ah an ka rel lo, tiah Bawipa nih a ti.

HOSEA 4:7

Tlangbawi nan tam chin lengmang paoh ah ka cung i nan sualnak kha a tam chin lengmang ve. Upatnak nan hmuhmi cu ningzahnak ah ka canter lai.

JONAH 2:8

Santlailo siasal a biami hna nih cun nangmah sin i zumhawktlak in um kha an ngol,

NAMBAR 14:11

Bawipa nih Moses cu, “Mah mi hna nih hin zei can dah an ka zawmhtaih lai? Cun zei can dah zum loin an ka um lai, anmah lak i hmelchunhnak mah vialte ka tuah ko ṭung?

LAMKALTU 24:9

Judah mi hna cu, cu bantukin sual a phawtnak ah cun an hun i ṭom ve i a chimmi cu ahmaan dih tiah an hun ti.

1 KORIN 1:31

Cucaah cun Cathiang nih, “Porhlawt a duhmi cu Bawipa nih a tuahmi kha i porhlawtpi ko hna seh,” a ti bang khan, porhlawt a duhmi nih cun Bawipa nih a tuahmi tu kha an i porhlawt awk a si.

EFESA 4:25

Cucaah lihchim um ti hlah seh. Aho cio paoh nih a unau cu biatak chim seh, zeicahtiah kan dihlak in hmunkhat ah Khrih pum chung nge kan si cio.

1 SAMUEL 12:21

cun pakpalawng thil, ṭhathnem zong an ṭhathnem kho hna lo i a khamh zong an khamh kho hna lomi thil hna kha, pialhnawh hna hlah u, zeitintiah pakpalawng an si.