SALM 4:1 - Lai (Hakha) Common Language Bible 2006

¹ Ka au tikah ka let tuah, maw Pathian a ka chanhtu, Harnak chung i ka um tikah nangmah nih na ka bawmh tawn. Atu zong ka zaangfah law ka thlacamnak hi ka theihpiak tuah.

Laibaibal Thiang (BSI)

¹ Maw, dinnâk Pathian, kan auh tikah ka ngaihpiak! ka vansânnâk naka chân; ka zângfah law, ka thlacamnâk ka ngaihpiak.

SALM 4:1 ပူးပေါင်းရင်းမြစ်များ

JOB 36:16

“Harnak kha nuamhnak in thlen awk na hmuh tikah, i ralring tuah, Zeicahtiah na hmaiah thil tampi hunh na si i, Cabuai cung i hunmi rawl cu thau in a khatmi a si;

SALM 11:7

Bawipa cu a ding i tuahsernak ding kha a duh, mi dingmi nih a hmai kha an hmuh lai.

SALM 116:16

Bawipa, kei cu na sal ka si; ka nu nih na rian a rak in ṭuanpiak bang khan kei zong nih ka ṭuan ve.

SALM 116:6

Bawipa nih a awlok a chongmi kha a huhphenh hna, ṭihnung chung i ka um tikah a ka khamh.

SALM 119:132

Na dawtmi hna cu na merhnawh hna i an cungah zaangfahnak na ngeih bantukin kei zong ka merhnawh ve law ka zaangfah ve ko sawh.

SALM 143:2

Keimah na salpa hi na hmaika i biaceihnak ah ka phakter hlah; na hmaiah hin ahohmanh a sual lomi an um lo.

SALM 17:6

Maw Pathian, na sinah thla ka cam i na ka leh: cucaah atu zongah hin keimah leiah i mer law ka bia cu ka ngaihpiak ko.

SALM 22:1

Ka Pathian, ka Pathian, zeicahdah na ka hlawt? Ka bawm ko sawh, tiah fak piin ka au, sihmanhsehlaw bawmhnak cu a ra hlei lo.

SALM 24:5

Bawipa nih thluachuah a pek hna lai i annih a khamhtu hna Pathian nih, nan sual lo, a ti hna lai.

SALM 25:16

Maw Bawipa, keimah lei hoi law, ka zaangfah tuah, zeitintiah ka um a har i ka thazang a der.

SALM 31:8

Ka ral hna kut chungah na ka phakter lo, himte tu in na ka zohkhenh.

SALM 41:12

Ahmaanmi kha ka tuah caah na ka bawmh lai; na hmaika ah a zungzal in na ka umter lai.

SALM 42:1

Sazuk nih rial tidai a ngaih bantukin Maw Pathian nangmah cu kan ngai.

SALM 45:1

Hi hla siangpahrang ka phuah ah hin, ka lungthin cu holh dawh in a khat; ka lei cu ca ṭial thiammi cafung bantuk a si.

SALM 56:1

Ka ral nih an ka hrem thluangthluan i an ka cil lengmang caah hin Maw Pathian, ka zaangfah ko sawh.

SALM 57:1

Ka zaangfah ko, Maw Pathian, ka zaangfah ko, himnak hmuh duh ah nangmah cu ka fuh. Thlichia ṭihnung a dih hlantiang, na thlazung in ka huppheng ko.

SALM 6:1

Bawipa, na thinhung hlah law, ka si hlah! Na thinhun in dan ka tat hlah.

SALM 67:1

Maw Pathian, vawleicung mi vialte nih na duhnak kha an hngalh i

SALM 76:1

Pathian cu Judah ram chungah an hngalh ngaingai i Israel ram ah a min a thang.

ISAIAH 45:24

“Nangmah thawng lawnglawng in teinak le ṭhawnnak kha hmuh khawh a si,” an ti lai. Sihmanhsehlaw a ka huami cu ningzahnak an ing lai.

JEREMIAH 23:6

Amah chan ah cun Judah cu him tein khua a sa lai i Israel cu hnahnawh lo tein a um lai. Amah a min cu, Bawipa cu kan Dinnak a si, ti a si lai.

HABAKKUK 3:19

Bawipa Pathian cu ka ṭhawnnak hram a si, Ka ke cu sazuk ke bantukin a khul a ranter hna i tlang sang cungah khan a ka hruai.

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

2 KORIN 1:10

Cu tlukin ṭih a nungmi thihnak chungin a kan khamh i hmailei zongah a kan khamh ko lai.

2 KORIN 1:8

U le nau hna, Asia peng chung i harnak kan tonmi kha hngalhter ṭhan kan in duh hna. Kan cung i an kan khinhmi thil kha rak rit tuk, rak ngan tuk kaw, nun lai hmanh kan i ruah lo.

1 SAMUEL 17:37

Cun David nih, “Chiandeih tin chung le vom tin chungin a ka chuahtu Bawipa nih hi Filistin mipa kut chung hin a ka chuah ko lai,” tiah a ti. Cun Saul nih David cu, “Va kal law, Bawipa cu na sinah um ko seh,” tiah a ti.