SALM 39:1 - Lai (Hakha) Common Language Bible 2006

¹ “Ka tuahmi ah khan kaa ralring lai ka lei kha sualnak ka tuahter lai lo; miṭhalo kha lamnai i an um lioah zeihmanh ka chim lai lo,” ka ti.

Laibaibal Thiang (BSI)

¹ Kâ thawh i, “Ka lam kha ka kilven lai, culoahcun ka lei nih sualnâk a tuah sual lai, misuaksual ka hmai i an um lio ah, kahmur hi chakbanh in ka ṭem lai,” tiah ka ti.

SALM 39:1 ပူးပေါင်းရင်းမြစ်များ

1 SIANGPAHRANG 2:4

Bawipa nih ka sinah keimah kong i, ‘Na fapa hna nih an kalning kha an i ralrin i keimah hmaiah zumhawktlak tein an lung dihlak le an nunnak dihlak in an kal ahcun, Israel mi bawi ṭhutdan cungah a ṭhu dingmi na ṭhing lai lo,’ tiin a chimmi bia kha a fehter lai.

2 SIANGPAHRANG 10:31

Sihmanhsehlaw Jehu cu Bawipa, Israel Pathian nawlbia kha a lungthin a dihumnak in zulh awkah aa ralring lo; Jeroboam nih Israel mi a sualternak hna a sualnak kha a pialtak hna lo.

1 CHANRELNAK 16:41

An sinah cun Heman le Jeduthun le, Bawipa cu a fekmi a dawtnak kha zungzal in a hmunh caah a sinah lawmhnak bia chim awk ca i thimmi hna le fiang tein min chimmi a cheu hna kha an um,

JOB 2:10

Sihmanhsehlaw amah cu a thawh i, “A hrutmi nu bantukin pei bia na chim cu. Pathian kut in ṭhatnak kan hmuh i ṭhat lonak zong kan hmuh awk a si hnga lo maw?” tiah a ti. Hi thil vialte ah hin Job nih a kaa in sualnak a chim lo.

SALM 119:9

Zeitindah tlangval nih thiang tein a um lai? Na nawl ngaihnak thawngin thiang tein a um lai.

SALM 12:4

Annih nih an i thawh i, “Kan duhmi paoh kan chim ko lai, ahohmanh nih an kan kham kho lai lo. Aho nih dah, cucu nan chim awk a si, tiah an kan chimh khawh lai?” an ti.

SALM 141:3

Bawipa, ka kaa ah hin ralvengtu ka chiahpiak law ka hmur ah hin cawngtu ka chiahpiak ko.

SALM 34:13

Nan duh ahcun, bia ṭhalo chim kha i sum u, lih kha chim hlah u.

SALM 62:1

Pathian lawnglawng kaa bochan, amah sinin ka khamhnak cu a ra.

SALM 77:1

Pathian cu fak piin ka auh, fak piin ka auh i a ka theih.

PHUNGTHLÛKBIA 18:21

Lei nih hin thah khawhnak le nunh khawhnak ṭhawnnak a ngei, cucaah na bia chimmi theitlai cu na co a herh lai.

PHUNGTHLÛKBIA 21:23

A ka le a lei aa veng khomi cu harnak chungin aa veng khomi a si.

AMOS 5:13

Cucaah khi caan ah cun khuaruat thiammi cu dai tein an um ziar ko lai, Zeicahtiah khi caan cu caan chia a si lai.

KOLOSE 4:5

A zummi a si lomi hna cung i rian nan ṭuan tikah fimnak in ṭuan u law caan ṭha nan hmuhmi paoh kha ṭha tein hman i zuam u.

HEBRU 2:1

Cucaah a ping i kan kal sual nakhnga lo kan theihmi biatak kha fek chinchin in kan i tlaih awk a si.

JEIM 1:26

Mi pakhatkhat nih, kei cu biaknak leiah aa zuammi ka si, tiah aa ruat ko lai, sihmanhsehlaw a lei kha a uk khawh lo ahcun a biaknak cu pakpalawng a si i amah le amah aa hlengmi a si.