SALM 32:5 - Lai (Hakha) Common Language Bible 2006

⁵ Khi tikah ka sualnak cu nangmah sinah ka phuan hna; ṭhat lonak ka tuahmi cu ka thup hna lo. Nangmah sinah khan ka phuan dih hna i ka nawlbuarnak vialte cu na ka ngaihthiam dih. Selah

Laibaibal Thiang (BSI)

⁵ Ka sualnâk kha na sinah ka phuan, ka palhsualnâk zong ka thup hna lo. “BAWIPA sinah ka sualnâk ka phuan lai,” ka ti. Nangmah nih ka sualnâk kha narak ngaihthiam hna.

SALM 32:5 ပူးပေါင်းရင်းမြစ်များ

2 SAMUEL 12:13

Cun David nih Nathan sinah cun, “Bawipa sinah ka sual cang,” tiah a ti. Cun Nathan nih David cu, “Bawipa zong nih na sualnak kha an ngaihthiam cang, na thi lai lo.

2 SAMUEL 12:9

Zeicahdah ka mithmuh i ṭhat lonak tuah awkah Bawipa ka bia cu na zawmhtaih? Hit mi Uriah cu vainam in na tuk i a nupi cu nupi ah naa lak i amah cu Ammon mi hna vainam in na thah.

2 SAMUEL 24:10

Sihmanhsehlaw mi an rel dih hna hnuah khan David cu lung sivang in a um. Cun David nih Bawipa sinah cun, “Ka tuahmi ah hin fak piin ka sual cang. Sihmanhsehlaw, maw Bawipa, hruhnak piin ka tuah cang caah, na salpa ka ṭhat lonak hi ka hlohpiak ko sawh, tiah kan nawl,” tiah a ti.

2 SAMUEL 24:17

Cun mi a that lentu vancungmi kha a hmuh tikah David nih Bawipa sinah bia a chim i, “Zohhmanh, ka sual cang i ṭhalo ngaiin ka tuah cang; sihmanhsehlaw hi tuu hna nih hin zeidah an tuah? Na kut cu keimah le ka pa innchungkhar cungah si ko seh, tiah kan nawl,” tiah a ti.

1 SIANGPAHRANG 8:50

nangmah cungah a sualmi cu ngaithiam hna law nangmah cungah an palhnak vialte cu ngaithiam ko hna; cun sal ah a kalpitu hna nih khan an cungah zaangfahnak an ngeih nakhnga an hmuh hngan ah cun annih cu zaangfahnak pe ko hna,

2 CHANRELNAK 6:29

Israel mi nih an dihlak in siseh, ahopaoh nih siseh, zei bantuk thlacamnak zong si ko seh, zei bantuk nawlnak zong si ko seh, an tuah i hremnak an in ciomi le an ngaihchiatnak cio kha an hngalh i hi inn leiah hin an kut an zao hna ahcun,

EZRA 10:11

Atu cu nan pupa hna Pathian, Bawipa sinah khan sual phuannak tuah u law, amah duhnak kha tuah tuah u; hi ramchung mi hna le ramdang nu hna sin khan i ṭhen ko u,” tiah a ti.

JOB 31:33

Zapi congoih kha ṭih in ka minung hawi nihsawh kha ka phan caah Midang nih ṭhat lonak an tuahmi an thuh bangin ka thup bal maw? Ka sualnak cu keimah theih awk lawngah ka chia bal maw?

JOB 33:27

Cun mi vialte hmaiah, ‘Ka sual cang, Dinnak kha dinlonak ah ka ser cang i cucu ka rak ruat bal lo,’ a ti ahcun,

SALM 103:12

Nichuahlei le nitlaklei an i hlat tluk khin kan sualnak cu kanmah he i hlat ah a kan ṭhialpiak.

SALM 103:3

Ka sualnak vialte kha a ka ngaihthiam i ka zawtnak vialte kha a ka damter;

SALM 25:16

Maw Bawipa, keimah lei hoi law, ka zaangfah tuah, zeitintiah ka um a har i ka thazang a der.

SALM 25:18

Ka retheihnak vialte le ka innak vialte kha ka ruahpiak hna law Ka sualnak vialte cu ka ngaithiam ko hna.

SALM 30:5

A thinhun cu caan tawite chung lawng a si; a ṭhatnak tu nih cun chantlung a nguh. Zan ah mitthli tlaknak um hmanh seh law zinglei ah cun lawmhnak a ra ṭhan ve.

SALM 38:18

Ka sualnak cu ka phuan hna. asinain lungrethei in ka um ṭhiamṭhiam.

SALM 38:19

Ka ral cu ngandam le thazang ṭhawng in an um ṭung; sullam um loin a ka huami an tam tuk.

SALM 51:6

Zumhawktlak lungthin hi na duhmi a si, ka lung chung hi na fimnak in khahter ko.

SALM 86:15

Bawipa, nang cu zaangfahnak le dawtnak in a khatmi Pathian na si; thin a fual i zaangfahnak a ngei zungzal i zumhawktlak a si zungzalmi na si.

SALM 86:5

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw Bawipa.

PHUNGTHLÛKBIA 28:13

A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.

PHUNGTHLÛKBIA 30:20

Zumh awk tlak lomi nupi lam cu mah hihi a si: a ei i vaibar lote bangin, “Thil sual zeihmanh ka tuah lo,” a ti.

ISAIAH 65:24

Ka sin i thla an cam tikah an thlacam a dih hlan hmanh in ka leh hna lai.

JEREMIAH 2:23

Zeitindah, ‘Kaa thurhhnawmh lo, Baal kha ka zul hna lo,’ na ti khawh? Nelrawn i na kalnak na lam khi zoh ngat; Na thil tuahmi kha philh hlah ngat. Hrem khawh lomi kalauk-la, a tlik tik i a ping le a pang i a tlimi,

JEREMIAH 2:35

Nangmah nih cun naa thawh i, ‘ka sual lo, a thinhunnak a dam diam cang,’ na ti. Zohhmanh, ‘Ka sual lo,’ na timi cu kan zuam lai.

JEREMIAH 3:13

Palhnak na tuahmi kha ka tuah taktak ti ko law Bawipa na Pathian na dohnak kha i phuang ko. Thing thladem toi kip ah ram dang pathian hna he nan i duhnak kha i phuang law Ka bia na ngaih lonak kha i phuang ko, tiah Bawipa nih a ti.

JEREMIAH 31:20

“Efraim, nangmah cu ka dawt bikmi fa na si. Na min ka chim fate, nangmah kha dawtnak in kan ruat tawn. Nangmah cu ka lung nih an ngai i na cungah zaangfahnak ka ngei lai,” tiah Bawipa nih a ti.

HOSEA 6:1

Ra u law Bawipa sinah kir cang u sih; Zeicahtiah a kan thlehbaoh dih cang i atu cu a kan damter cang lai, a kan tuk cang i atu cu kan hma kha a kan menpiak cang lai;

LEVITIKAS 5:5

Hi thil pakhatkhat cungah a mawh ahcun, sualnak a tuahmi kha a phuan lai i

MALAKHI 3:8

Minung nih Pathian cu hlen awk a si hnga maw? Si hrimhrim hlah, asinain nan ka hlen.

LUKA 16:15

Jesuh nih a thawh hna i, “Nannih hi minung mithmuh i miding aa lawhtermi pawl nan si, sihmanhsehlaw Pathian nih cun nan lungthin cu a hngalh ko. Zeicahtiah minung nih man sung ngai i an ruahmi cu Pathian mithmuh ah cun pakpalawng a si ko.

LUKA 7:47

Cucaah hihi kan chimh, dawtnak nganpi a langhtermi nih khan a sualnak tampi a simi cu ngaihthiam an si cang, ti kha a langhter. An sualnak tlawmte lawng ngaihthiam a simi hna nih cun dawtnak tlawmte lawng an langhter ve,” tiah a ti.

EFESA 4:32

Pakhat le pakhat cungah zaangfahnak lungthin le nemnak lungthin ngei u law Pathian nih Khrih thawngin an ngaihthiam hna bantukin pakhat le pakhat i ngaithiam u.

JOSHUA 7:19

Khi tikah Joshua nih Akhan sinah cun, “Ka fapa, Bawipa Israel Pathian sinah sunparnak pe law, amah cu thangṭhat tuah; na tuahmi kha ka chim tuah; ka sinin thup hlah,” tiah a ti.