SALM 3:3 - Lai (Hakha) Common Language Bible 2006

³ Sihmanhsehlaw Bawipa, nangmah nih phaw bantukin na ka huhphenh zungzal i teinak kha na ka pek i ka lung na ka ṭhawnter ṭhan.

Laibaibal Thiang (BSI)

³ Asinain maw BAWIPA, nang cu ka phaw na si, ka sunparnâk le ka lu cawitu na si.

SALM 3:3 ပူးပေါင်းရင်းမြစ်များ

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

GENESIS 40:13

Ni thum chungah Faro nih an chuahter lai i an ngaihthiam lai i na hmun ah an chiah ṭhan lai; Faro cu a zu bawi na rak si lio i na rak pek tawn bang khan a hrai cu na pek ṭhan lai.

2 SIANGPAHRANG 18:30

“Bawipa nih a kan chuahter ṭheo lai; hi khuapi cu Assiria siangpahrang kut chungah pek a si lai lo,” ti bia in Hezekiah cu Bawipa kha i hngatchanter hlah u.

2 SIANGPAHRANG 25:27

Judah siangpahrang Jehoiachin sal i a tan kum sawm thum le kum sarihnak, thla hleihnihnak thla a ni kul le ni sarihnak ni ah, Babilon siangpahrang Evil-merodak nih, Judah siangpahrang cu a zaangfah caah thong chungin a chuah, cu kum cu siangpahrang a can kum a si;

SALM 110:7

Lam pawng i a luangmi tiva kha siangpahrang nih cun a din lai, a tha aa hrim lai i teitu a si lai.

SALM 119:114

Nangmah cu a ka khamhtu le a ka hupphengtu na si, na biakam cu kaa bochan.

SALM 18:2

Bawipa cu ka khamhtu a si, amah cu a fekmi ka ralhruang a si. Ka Pathian cu a ka hupphengtu a si, amah sinah cun him tein ka um. Phaw bantukin a ka huhphenh, a ka ven i him tein a ka umter.

SALM 27:6

Cucaah ka velchum i a ummi ka ral cu ka tei hna lai. Lunglawmhnak au thawng he a biakinn chungah ka raithawinak cu ka pekchanh lai; hla ka sa lai i Bawipa cu ka thangṭhat lai!

SALM 28:7

Bawipa nih a ka huh i a ka phenh; amah cu kaa bochan ko. A ka bawmh i kaa lawm, cucaah amah thangṭhatnak hla ka sa.

SALM 4:3

Bawipa nih amah ta si awkah a ka thim i ka auh tikah a ka theih ti kha philh hlah u.

SALM 62:7

Khamhnak ka hmuhmi le upatnak ka hmuhmi cu amah thawng lawnglawng in a si; amah cu a ṭhawngmi lungpi ka him a si.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

ISAIAH 45:25

Bawipa nih Jakob tefa vialte cu ka chuah dih hna lai i annih nih an ka thangṭhat lai.

ISAIAH 60:19

“Chun ah ni cu na ceunak a si ti lai lo i zan ah thlapa cu na ceunak a si ti lai lo. Bawipa cu zungzal in na ceunak ka si cang lai i ka sunparnak ceunak cu na cungah a tlang lai.

LUKA 2:32

Cucu Jentail mi hna caah na lam a langhtertu a simi ceunak le na mi Israel mi hna ca i sunparnak cu a si,” tiah a ti.

DEUTERONOMI 33:29

Maw, Israel, na van a ṭha ko! Nangmah bantuk ahodah a um? Bawipa nih a khamhmi na si, Amah cu an hupphengtu phaw le teinak vainam a si! Na ral hna cu na hmaiah bawk in an ra lai i An khuahrum bo hna cu na lamh hna lai,” tiah a ti.

BIAPHUAN 21:11

Cu khua cu Pathian sunparnak in a cer. Khualipi cu lung man sung, jasper lungvar bantukin a tleu i thlalang bantukin a fiim.

BIAPHUAN 21:23

Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.