SALM 27:6 - Lai (Hakha) Common Language Bible 2006

⁶ Cucaah ka velchum i a ummi ka ral cu ka tei hna lai. Lunglawmhnak au thawng he a biakinn chungah ka raithawinak cu ka pekchanh lai; hla ka sa lai i Bawipa cu ka thangṭhat lai!

Laibaibal Thiang (BSI)

⁶ Cun atu i aka dûmtu ka ral hna cungah kalu hi cawi a si lai, cucaah a puanthlâm ah lunglawmh raithawinâk ka pêkchanh lai i hla ka sa lai, asi, BAWIPA thangṭhat in hla ka sa lai.

SALM 27:6 ပူးပေါင်းရင်းမြစ်များ

GENESIS 40:13

Ni thum chungah Faro nih an chuahter lai i an ngaihthiam lai i na hmun ah an chiah ṭhan lai; Faro cu a zu bawi na rak si lio i na rak pek tawn bang khan a hrai cu na pek ṭhan lai.

GENESIS 40:20

A ni thum ni ah cun Faro chuah ni kha a hung si, a bawi vialte hna caah rawl danghnak pakhat a ser i a zu bawi le a changreu sertu upa bik kha a bawi vialte hna hmaiah cun a chuahter hna.

2 SAMUEL 22:1

Cun Bawipa nih David a ral vialte hna kut chung le Saul kut chungin a chuahter ni ah, hi hla hin Bawipa cu a hloi.

2 SAMUEL 22:49

Ka ral hna chungin a ka chuahtu Pathian cu hlorh si ko seh; Nangmah nih ka ral hna cungah na ka hlorh, Mipuar hna lakin na ka luatter.

2 SAMUEL 7:9

cun khuazeika na kalnak hmanh ah nangmah sinah ka um i na hmai in na ral vialte kha ka hloh dih hna; cun vawlei cung i mi lianngan hna min bantukin min ngan kan serpiak lai.

2 SIANGPAHRANG 25:27

Judah siangpahrang Jehoiachin sal i a tan kum sawm thum le kum sarihnak, thla hleihnihnak thla a ni kul le ni sarihnak ni ah, Babilon siangpahrang Evil-merodak nih, Judah siangpahrang cu a zaangfah caah thong chungin a chuah, cu kum cu siangpahrang a can kum a si;

1 CHANRELNAK 22:18

“Bawipa nan Pathian cu nan sinah a um lo mei? Cun amah nih kam kip ah daihnak an pe hna lo mei? Zeitintiah hi ram chung i a ummi hna cu nan kut chungah an pek hna i ram cu Bawipa le a mi hna hmaiah tei a si cang.

SALM 107:22

Raithawinak in an lawmh awk a si i a tuahmi thil vialte kha lunglawmhnak hla in an thanh awk a si.

SALM 110:7

Lam pawng i a luangmi tiva kha siangpahrang nih cun a din lai, a tha aa hrim lai i teitu a si lai.

SALM 119:108

Maw Bawipa, ka lunglawmhnak thlacamnak cu ka cohlang law, na nawlbia kha ka cawnpiak tuah hna.

SALM 138:5

Bawipa nih na tuahmi thil kong kha hla in an sak lai i a liannganmi na sunparnak kha hla in an thangṭhat lai.

SALM 21:1

Bawipa, nangmah nih thazang na pek caah siangpahrang cu aa lawm; teinak na pek caah lawmhnak in a khat.

SALM 21:13

Bawipa, na ṭhawnnak he ra tuah. na ṭhawnnak cu hla in kan thangṭhat lai.

SALM 3:3

Sihmanhsehlaw Bawipa, nangmah nih phaw bantukin na ka huhphenh zungzal i teinak kha na ka pek i ka lung na ka ṭhawnter ṭhan.

SALM 3:4

Bawipa kha ka auh i a tlang thiang cungin a ka leh.

SALM 47:1

Mi vialte hna, lunglawm in nan zapei beng tuah u, hla dawhdawh in Pathian cu thangṭhat u!

SALM 57:8

Ka nunnak, i hlau tuah, ka tingtang le ka thonglawi hna, i hlau tuah u. Zinglei cu ka ṭhangh lai.

SALM 81:1

A kan chanhtu Pathian cu lunglawmhnak in hla in thangṭhat u; Jakob Pathian cu hla in thangṭhat u!

SALM 95:1

Ra u law Bawipa cu thangṭhat u sih. Kannih a kan khamhtu Lungpi cu lunglawmhnak in hla in thangṭhat u sih.

ISAIAH 12:6

Zion i a ummi paohpaoh cu au u law hla sa u. Israel Pathian thiang cu a lianngan i a mi hna sinah khua a sa.”

JEREMIAH 31:7

Zeicahtiah mah hihi Bawipa bia cu a si: Jakob ruangah lunglawmhnak in thang piin au tuah u, Miphun lakah phun ngan bik a si; Thangṭhatnak cu hla in sa u law, Bawipa nih a mi cu a khamh cang hna i Israel mi a tangmi hna cu a zuah hna, tiah chim u.

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

HEBRU 13:15

Cucaah Pathian cu thangṭhat zungzal ko u sih. Cu thangṭhatnak cu Jesuh min kan kaa in kan phuan kha a si i cucu Jesuh thawngin Pathian sinah kan pekchanhmi kan raithawinak a si.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.