SALM 24:7 - Lai (Hakha) Common Language Bible 2006

⁷ Kutka hna, kau piin i hung u, zungzal in a ummi innka hna, kau piin i hung u; a liannganmi siangpahrang cu a lut lai.

Laibaibal Thiang (BSI)

⁷ Maw kutkâ hna, nan lucung kha sânter hna u! nannih zungzal innkâ hna, sângah i cawi u! cun sunparnâk Siangpahrang cu a lut lai.

SALM 24:7 ပူးပေါင်းရင်းမြစ်များ

2 SAMUEL 6:17

Cun Bawipa kuang kha an luhpi i a umnak ding hmun caah David nih a rak bunhmi thlam chungah khan an chiah. Cun David nih khangh thawinak le daihnak thawinak kha Bawipa hmaiah a pekchanh.

1 SIANGPAHRANG 8:11

cucaah minmei ruangah khan rianṭuan awkah tlangbawi hna cu an dir kho lo; zeitintiah Bawipa sunparnak cu Bawipa inn kha a khat.

1 SIANGPAHRANG 8:6

Cun tlangbawi hna nih khan Bawipa biakamnak kuang cu amah hmun ah inn chung chungchin hmunthiang, hmunthiang bik, cherubim hna thla toiah khan an chiah.

SALM 132:8

Maw Bawipa, biakamnak kuang he cun naa dinhnak hmun ah khan ra tuah, na ṭhawnnak hmelchunhnak a simi kuang he cun ra law zungzal in um tuah.

SALM 21:1

Bawipa, nangmah nih thazang na pek caah siangpahrang cu aa lawm; teinak na pek caah lawmhnak in a khat.

SALM 21:5

Nangmah nih na bawmh caah a sunparnak cu a ngan, minthannak le lianhngannak na pek,

SALM 97:6

Van nih khin a dinnak kha an chim i mi vialte nih a sunparnak kha an hmuh.

ISAIAH 26:2

Khuapi kutka cu hung hna u law zumhawktlak a simi miphun kha luhter u, dinnak a tuahmi miphun kha luhter u.

ISAIAH 62:10

Jerusalem khuami hna, i thawh u law nan mi a ra kir liomi hna caah lam va ser u. Lam nganpi pakhat in va ser u law lung vialte kha hlonh dih hna u.

MIKAH 4:8

Cun nang, lung in sermi innsang, Zion fanu tlang, Nangmah sin i biakamnak sermi vialte kha ka tlinter lai; Hmasa lio na bawinak kha a ra kir ṭhan lai i Jerusalem fanu nih uknak na rak ngeihmi zong kha a ra kir ṭhan lai.

HAGGAI 2:7

Cun miphun vialte cu ka hninh hna lai i an chawhlawn cu nan sinah an rak put lai i hi inn hi sunparnak in ka khahter lai, tiah ralkapbu Bawipa nih a ti.

HAGGAI 2:9

Hi inn a hmanung u sunparnak hi a hmasa u sunparnak nakkhan a ngan deuh lai, tiah ralkapbu Bawipa nih a ti; cun hi hmun ah hin rumnak ka chiah lai,” tiah ralkapbu Bawipa nih a ti.

MALAKHI 3:1

Zohhmanh, ka hmaiah ka lam a sialtu ding ka lamkal ka thlah lai. Nan kawlmi Bawipa cu chikkhatte ah a biakinn ah a ra lai; nannih nih nan duhmi biakamnak lamkaltu cu hika ah a ra cang, hika ah hin a um cang, tiah ralkapbu Bawipa nih a ti.

MARKA 16:19

Jesuh nih bia a ruah dih hna cun vancung ah a kai i Pathian orhlei kamah khan a hung ṭhu.

1 KORIN 2:8

Hi vawlei a uktu hna nih hin, cu fimnak cu an rak hngal lo. Rak hngal hna seh law cu, sunparnak Bawi kha vailam ah an rak khenh hnga lo.

JEIM 2:1

Ka u le ka nau hna, sunparnak Bawi, Bawipa Jesuh Khrih a zummi nan si bantukin mi thleidannak lungthin zeihmanh ngei hlah u.

1 PETER 3:22

amah cu vancung ah a kai i Pathian orhlei kamah a um i vancungmi vialte le vancung nawl ngeihnak vialte le ṭhawnnak vialte kha a uk dih hna.

2 PETER 3:18

Kan Bawipa le kan Khamhtu Jesuh Khrih vel le hngalhnak ah khan ṭhang ko u. Atu le zungzal tiang khin sunparnak cu amah ta si ko seh! Amen.

BIAPHUAN 4:11

“Kan Bawipa le kan Pathian, Nangmah cu sunparnak le upatnak le lianhngannak kha hmuh awkah aa tlakmi na si. Zeicahtiah zeizong vialte kha nangmah nih na ser hna i Nangmah duhnak bangin annih cu ser an si i nunnak an ngei,” tiah an ti.