SALM 24:1 - Lai (Hakha) Common Language Bible 2006

¹ Vawlei le a chung i a ummi thil vialte hi Bawipa ta an si, vawlei le a cung i a ummi minung vialte zong hi amah ta kan si dih.

Laibaibal Thiang (BSI)

¹ Vulei le a chung i a ummi thil vialte le, vawlei cungah a ummi vialte he BAWIPA ta an si.

SALM 24:1 ပူးပေါင်းရင်းမြစ်များ

1 CHANRELNAK 29:11

Maw Bawipa, lianhngannak le ṭhawnnak le sunparnak le teinak le upatnak cu nangmah ta an si ko; zeitintiah vancung le vawlei cung i a ummi thil vialte cu nangmah ta an si dih; maw Bawipa, pennak cu nangmah ta a si i nangmah cu zeizong vialte cungah cungnung bik na si.

1 CHANRELNAK 29:16

Maw Bawipa, kan Pathian, na min thiang ca i inn pakhat saknak ah thil tampi kan damhmi vialte hna hi, nangmah kut chungin a chuakmi an si i nangmah ta an si dih.

2 CHANRELNAK 25:9

Cun Amaziah nih Pathian mi cu a thawh i, “Sihmanhsehlaw Israel ralkapbu ka pek cangmi talen za khat tluk cu zeitindah ka tuah kun lai?” tiah a ti. Pathian mi nih cun a leh i, “Mah hi nak hin tam deuh pei Bawipa nih cun an pek khawh cu,” tiah a ti.

JOB 34:13

Aho nih dah amah cu vawlei hi na zohkhenh lai tiah nawl an pek i a cungah vawlei pumpi hi an khinh?

JOB 41:11

Amah a dotu paoh cu, ahodah hmapu loin a um hna? Van kaupi tangah hin pakhat hmanh an um lo.

JOB 41:3

Ka zaangfah ko tiah an nawl hnga maw? Bianem in, ka nunnak cu ka zuah ko, tiah an lem hnga maw?

SALM 50:10

zeicahtiah ramlak i a ummi saram vialte hi keimah ta an si dih i tlang thong khat cung i a tlongmi saṭil vialte khi keimah ta an si dih.

SALM 50:12

“Ka rawl ṭam seh law kan chim hna lai lo, zeicahtiah vawlei le a cung i a ummi thil vialte cu keimah ta an si dih.

SALM 89:11

Vawlei hi na ta a si, van zong khi na ta a si ko; vawlei le a cung i a ummi thil vialte hi na sermi an si;

SALM 89:12

nangmah nih Chaklei le Thlanglei kha na ser hna, Tabor Tlang le Hermon Tlang nih lunglawmhnak in hla in an in thangṭhat.

SALM 98:7

Rili le a chung i a ummi thilnung vialte hna, awn tuah u! Vawlei le a cung i a ummi thilnung vialte hna, hlasa tuah u!

EXODUS 19:5

Cucaah ka nawlbia kha nan ngaih i ka biakamnak kha nan zulh ahcun, ka mi hrimhrim nan si lai. Vawlei hi a dihlak in ka ta a si, asinain, ka thimmi miphun cu nanmah hi nan si lai.

EXODUS 9:29

Cun Moses nih amah cu, “Khuapi chungin ka chuah cangka tein Bawipa sinah ka kut ka va hler lai. Vawlei hi Bawipa ta a si ti kha na hngalh naklai khuari cu a dai lai i rial cu a dih lai.

DANIEL 4:25

Minung bu sinin nang cu ṭhawl na si lai i ram sa sinah na um lai; cawtum bantukin ram kha na ei lai i vandap nih cin cikcek in kum sarih chung an tlak lai. Khi tikah nangmah nih Cung Nung Bik cu minung pennak cungah khan bawi a si i cu pennak cu pek a duhmi hna sinah khan a pek ko, ti na vun hngalh ruangmang te lai.

MIKAH 4:13

Na facang cil cu thawk cang tuah, Maw Zion fanu, Zeicahtiah na ki cu thir in ka ser lai i na tin cu dar in ka ser hna lai i Miphun tampi kha na naan hna lai. A ding loin an rak lakmi thil kha Bawipa sinah na pek ṭhan hna lai i, An chawva hna cu vawlei cung dihlak uktu Bawipa sinah na chanh hna lai.

NAHUM 1:5

A hmaiah tlang pipi kha an i hnih i tlang hme deuhdeuh hna kha an i let, A hmaiah vawlei le a cung i a ummi vialte hna cu i tuaibur in an um.

1 KORIN 10:26

Zeicahtiah Cathiang zong nih pei, “Vawlei le a cung i a ummi thil vialte cu Bawipa ta an si,” a ti cu.

DEUTERONOMI 10:14

Zohhmanh, a sang bik van hna le, vawlei le a chungah a ummi thil vialte hi, Bawipa na Pathian ta an si dih;