SALM 23:2 - Lai (Hakha) Common Language Bible 2006

² Ramhring lakah a ka bawhter, dinh hmun ti pawngah a ka hruai.

Laibaibal Thiang (BSI)

² Ram hring lakah aka bawhter i dinhnâk tikam ah aka hruai.

SALM 23:2 ပူးပေါင်းရင်းမြစ်များ

JOB 34:29

Dai tein a um zongah aho nih dah sual an phawt khawh lai? A hmai kha a thuh tikah aho nih dah an mawhchiat khawh lai? Lung a khongmi miphun le a mi vialte hna cungah, Pathian zei i a rel lomi siangpahrang kha an bawi i a ser bel ah zeitindik a si hnga?

SALM 46:4

Pathian khua, Cung Nung Bik Pathian inn thiang ah lawmhnak a ratpitu tiva pakhat a um.

EXODUS 15:27

Cun Elim kha an va phan i cuka ah cun cerh pahleihnih le ungkung sawm sarih an rak um; cun ti pawngah khan an riak.

ISAIAH 30:23

Thlaici nan tuh tikah Bawipa nih ruah a surter lai i a khohter hna lai i kumvui ṭha an pek hna lai. Cun nan saṭil nih ram hno tampi an hmuh lai.

ISAIAH 8:6

“Hi mi hna nih hin, dai tein a luangmi Shiloah tiva ti kha an duh lo i Rezin le Remaliah fapa hmaiah a ther in an ther caah,

BIAPHUAN 21:6

Cun aa thawh i, “Rian ka lim dih cang. Kei cu Alfa le Omega, hramthawknak le donghnak ka si. Tihal paoh nunnak tiput ti kha man loin ka dinter hna lai.

BIAPHUAN 22:1

Vancungmi nih cun nunnak tiva zong a ka hmuhsak, cu tiva cu Pathian le Tuufa bawiṭhutdan hram in khuapi laifang ah a rung luangmi a si i thlalang bantukin a fiim.

BIAPHUAN 22:17

Thlarau le va ngei laimi ngaknu nih khan, “Ra u,” an ti. Hi bia a theimi paoh nih khan, “Ra u,” ti ve hna seh. Ti a halmi paoh cu ra u, nunnak ti hi a duhmi paoh nih man loin i lak u.

BIAPHUAN 7:17

Zeicahtiah bawiṭhutdan laifang i a ummi Tuufa kha an tuukhal a si lai i nunnak tiput cerhkam ah a kalpi hna lai. Cun Pathian nih an mitthli vialte kha a hnawhpiak dih hna lai,” a ti.