SALM 21:7 - Lai (Hakha) Common Language Bible 2006

⁷ Siangpahrang nih Cung Nung Bik cu aa bochan i Bawipa dawtnak a fekmi thawngin siangpahrang a si zungzal lai.

Laibaibal Thiang (BSI)

⁷ Zeitintiah siangpahrang nih BAWIPA kha â bochan, Cungnung Bik vêl thawngin â hnin lai lo.

SALM 21:7 ပူးပေါင်းရင်းမြစ်များ

SALM 13:5

Sihmanhsehlaw a fekmi na dawtnak kha kaa bochan i na ka khamh lai ti ka zumh caah kaa lawm lai.

SALM 16:8

Bawipa ka sinah a um cu ka hngalh zungzal, amah cu keimah he naihte ah a um i zeihmanh nih an ka hnin kho lo.

SALM 18:2

Bawipa cu ka khamhtu a si, amah cu a fekmi ka ralhruang a si. Ka Pathian cu a ka hupphengtu a si, amah sinah cun him tein ka um. Phaw bantukin a ka huhphenh, a ka ven i him tein a ka umter.

SALM 26:1

Bawipa, nangmah kha ka lung a dih-umnak in kan bochan i a dingmi thil kha ka tuah caah, misual lo ka sinak kha ka thanhpiak tuah.

SALM 45:3

A ṭhawngmi siangpahrang, na vainam kha i bei tuah; nang cu a ṭhawngmi le a liannganmi siangpahrang na si.

SALM 61:4

Na thlam chungah a zungzal in ka umter tuah, na thla tangah him tein i dor ko ning.

SALM 72:17

A min cu zeitikhmanh ah philh si ti hlah seh; a minthannak cu ni a um chung paohpaoh dai loin um zungzal ko seh. Miphun zakip nih amah cu thangṭhat hna seh, mi vialte nih Pathian cu, siangpahrang thluachuah na pek bantukin kannih zong ka pe ve, tiin nawl hna seh.

SALM 9:2

Nangmah thawngin lunglawm in hla ka sa lai, maw Cung Nung Bik, nangmah cu kan thangṭhat lai.

SALM 91:2

“Bawipa, nangmah cu a ka chanhtu le a ka hupphengtu na si! Nangmah cu ka Pathian na si; nangmah cu kan bochan,” an ti lai.

DANIEL 7:14

Bawinak le sunparnak le siangpahrang ṭhawnnak kha amah cu pek an si i cucaah miphun zakip le holh phun zakip nih a rian kha an ṭuan. Bawi a sinak cu zungzal in a hmunmi bawi sinak, zeitikhmanh ah a dong lo ding a si i siangpahrang ṭhawnnak a ngeihmi cu zeitikhmanh i hrawh khawh lomi ṭhawnnak a si.

MATTHAI 27:43

Pathian kha aa bochan i Pathian Fapa ka si a ti. Pathian nih a khamh le khamh lo kan zoh fam lai ta!” an ti.

HEBRU 2:13

Cun, “Pathian cu kaa bochan,” tiah a ti i, “Pathian nih a ka pekmi ngakchia hna sinah hika ah ka um,” ti zongah a ti fawn.

1 SAMUEL 30:6

Cun David cu a lungre a thei ngaingai; zeitintiah mi vialte kha an fapa hna le an fanu hna kongah khan an ngaih a chiat ngaingai caah mi nih khan amah kha lung i cheh awk an ceih lengmang. Sihmanhsehlaw David cu Bawipa a Pathian ah khan aa hriim ṭhan.