SALM 20:4 - Lai (Hakha) Common Language Bible 2006

⁴ Na duhmi kha in pe seh law na timhmi vialte kha tlinter ko seh.

Laibaibal Thiang (BSI)

⁴ Na lungthin duhnâk pêk kha siang in nâ tinhmi cu tlinter ko seh.

SALM 20:4 ပူးပေါင်းရင်းမြစ်များ

2 SAMUEL 24:23

Mah vialte hi, maw siangpahrang, Araunah nih siangpahrang kan pek” tiah a ti. Cun Araunah nih siangpahrang cu, “Bawipa na Pathian nih in cohlang ko seh,” tiah a ti.

2 CHANRELNAK 9:12

Cun Siangpahrang Solomon nih siangpahrangnu Sheba cu a duhmi vialte, siangpahrang sin i a rak phorhmi hleiah a halmi vialte kha a pek dih. Cucaah aa let i a sinum hna he amah ram ah khan an tlung ṭhan.

SALM 145:19

Amah a ṭihmi paoh cu an herhmi vialte kha a pek hna i an aunak kha a theih i a khamh hna.

SALM 21:2

A duhmi kha na pek i an halnak kha na leh. Selah

SALM 37:4

Bawipa kha i bochan u law nan lungthli tum kha an pek hna lai.

PHUNGTHLÛKBIA 11:23

Miṭha duhnak cu ṭhatnak ah a chuak tawn, sihmanhsehlaw miṭhalo nih an duhmi kha an hmuh tikah mi vialte an thin a hung dih.

MATTHAI 21:22

Nan zumh ahcun thlacamnak in nan halmi paoh kha nan hmuh lai,” a ti.

JOHAN 11:42

Ka bia na ka theihpiak zungzal ti cu ka hngalh ko, sihmanhsehlaw hi ka chimnak cu hika i a ummi hna caah hin a si, annih nih keimah cu nangmah thlahmi ka si kha an ka zumh khawh nakhnga caah a si,” tiah a ti.

JOHAN 16:23

“Cu ni a phak tikah cun keimah cu zeihmanh nan ka hal lai lo. Biatak kan chimh hna: Ka Pa nih ka min in nan halmi paoh cu an pek hna lai.

BIACEIHTU 13:23

Sihmanhsehlaw a nupi nih amah cu, “Bawipa nih thah a rak kan timh a si ahcun, khangh thawinak le chang thawinak kha kan kut chungin a kan cohlanpiak hnga lo, cun hi thil vialte zong hi a kan hmuhsak hnga lo i hi bantuk thil hna zong hi a kan chim hnga lo,” tiah a ti.

1 SAMUEL 26:19

Cucaah ka bawipa siangpahrang nih hin a salpa ka bia hi ka ngaihpiak tuah seh. Keimah doh awkah an forhtu hi Bawipa a si ahcun, pekchanhnak hi cohlang ko seh; sihmanhsehlaw minung an si ahcun, BAWIPA hmaiah chiat si ko hna seh, zeitintiah annih nih nihin ah hin Bawipa ro chungah covo ka ngeih nakhnga lo an ka dawi i, ‘Va kal law, pathian dang kha va bia hna,’ an ka ti.