SALM 2:4 - Lai (Hakha) Common Language Bible 2006

⁴ Bawipa nih vancung i a bawiṭhutdan cung khin a run nih hna i capo ah a saih hna.

Laibaibal Thiang (BSI)

⁴ Van i a ṭhumi a nih lai i Bawipa nih nichuak ah a saih hna lai.

SALM 2:4 ပူးပေါင်းရင်းမြစ်များ

2 SIANGPAHRANG 19:21

Mah hihi amah kong ah Bawipa nih a chimmi bia cu a si: Maw Sennakherib, nangmah cu Zion fanu nih an zawmhtaih i an nihsawh, Jerusalem fanu nih na hnulei in a lu an thinhnawh.

SALM 11:4

Bawipa cu a biakinn thiang chungah a um ko i a bawiṭhutdan cu van ah khin a um ko. Mi vialte kha a zoh hna i an tuahmi vialte kha a hngalh dih.

SALM 115:3

Kan Pathian cu vancung ah khin a um i a duhmi paoh kha a tuah ko.

SALM 123:1

Bawipa, nangmah lawng kei cu kan cuan ko, na umnak hmun van lei lawng ka zoh ko.

SALM 37:13

Sihmanhsehlaw Bawipa nih cun miṭhalopa cu a nihsawh men ko, zeicahtiah luklak ah a rawh lai kha a hngalh.

SALM 53:5

Sihmanhsehlaw Pathian nih nan ral hna cu an ruh kha a ṭhek dih hna caah an thin a phang ngaingai lai; hmasa i an thin a rak phan tawnning bantuk sawhsawh kha si loin atu cu an thin a phang taktak lai. Annih cu a hlawt cang hna caah an sung cikcek lai.

SALM 59:8

Sihmanhsehlaw Maw Bawipa, nang nih cun na nihsawh ko hna; miphun vialte cu capo men ah na saih ko hna.

SALM 59:9

Maw a ka Vengtu, nangmah nih na ka huhphenh; Maw Pathian, nangmah cu ka ralhruang na si.

SALM 68:33

Van a citmi, a hlunmi van aa citmi cu thangṭhat u. Aw thang piin a au cu ngai tuah u.

PHUNGTHLÛKBIA 1:26

Kei zong nih vanchiatnak nan ton ni ah le Launak nih an den hna tikah kan nihsawh men ve hna lai.

ISAIAH 40:22

Vawlei leng le van pin i a bawiṭhutdan cung i a ṭhumi nih khin vawlei cu a ser; a cung i a ummi hna cu khaubawk bantuk men an si. Van cu puanzar bantukin a zam i mi umnak thlam bantukin a samh.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

ISAIAH 66:1

Bawipa nih aa thawh i, “Van hi ka ṭhutnak a si i vawlei hi ka ke chiahnak a si. Cucaah zei bantuk inn dah nan ka sakpiak khawh lai i ka umnak ding caah zei bantuk hmun dah nan ka serpiak khawh lai?