SALM 19:9 - Lai (Hakha) Common Language Bible 2006

⁹ Bawipa biak cu a ṭha, cu biaknak cu zungzal in a hmun lai. Bawipa biakhiahnak cu an ding, zungzal in ahmaanmi an si.

Laibaibal Thiang (BSI)

⁹ BAWIPA ṭihnâk cu a thiang i zungzal in a hmun; BAWIPA biaceihnâk cu a dik i a dihlak in a ding.

SALM 19:9 ပူးပေါင်းရင်းမြစ်များ

GENESIS 22:12

Vancungmi nih cun, “Ngakchiapa kha fahnak zeihmanh pe hlah, a cungah zeihmanh zong tuah fawn hlah. Fapa pakhat lawngte na ngeihmi hmanh pek sian loin na ka um lo caah Pathian nawl ngaih cu na duh ngaingai ti kha ka hngalh,” tiah a ti.

GENESIS 42:18

A ni thumnak ni ah Josef nih a thawh hna i, “Kei cu Pathian biami ka si caah hi ka chimmi nan tuah ahcun nan nunnak cu nan luat lai:

1 SIANGPAHRANG 18:12

Nangmah sinin ka kal cangka, Bawipa thlarau nih ka hngalh lomi hmun ah an kalpi lai i cucaah ka rat i Ahab kha ka chimh i an hmuh khawh lo tikah, a ka thah lai, keimah na salpa nih hin ka tlanval lio in Bawipa cu ka upat ko dahkaw.

NEHEMIAH 5:15

Keimah hlan i a rak ummi uktu bawi hna nih cun mi zapi cungah khan thilrit an chuan i annih sin cun ngun shekel sawm li hleiah rawl le mitsur hang kha an lak hna. An sinum hna hmanh nih mi zapi cu an lalhnawh hna. Sihmanhsehlaw kei nih cun Pathian ka ṭih caah cu bantuk cun ka tuah lo.

SALM 10:5

A rianṭuannak ah a hlawh a tling. Pathian biaceihning kha a hngalthiam lo; a ral kha a nih in a nihsawh hna.

SALM 111:10

Bawipa ṭih hi fim hram i thawh cu a si; cu bantukin a nungmi cu hngalhnak ah an ṭhang, Bawipa cu zungzal in thangṭhat si ko seh.

SALM 115:13

Amah a ṭihmi vialte cu thluachuah a pek hna lai, a hme a ngan thleidang loin a pek hna lai.

SALM 119:1

An nunning ah soisel awkj mi lunglawm an si.

SALM 119:106

Na ka cawnpiaknak a dingmi, ka zulh hna lai tiah bia kaa kammi kha, ka zulh taktak hna lai.

SALM 119:111

Na nawlbia cu zungzal ka ro an si, ka lung a ka lawmhtertu an si.

SALM 119:142

Na dinnak cu zungzal in a hmun lai, na phunglam cu ahmaan zungzal ko.

SALM 119:39

Ka ṭihmi thangchiatnak khan ka khamh ko; zeitluk in dah na nawlbia cu a ṭhat!

SALM 119:62

Na biakhiahnak an din ruangah khan zanṭim i ka hun i hlauh tikah nangmah cu kan thangṭhat.

SALM 119:7

Na biakhiahnak a dingmi kha ka hngalh hna lai i lung thiang in kan thangṭhat lai.

SALM 119:75

Bawipa, na nawlbia kha an ding ti ka hngalh i zumhawktlakmi na si caah dan na ka tat cu a si.

SALM 12:7

Miṭhalo cu a kenkip ah an um i mi zeipaoh nih thilṭhalo kha an hlawrh, Maw Bawipa, hi mi hna sin hin kan kilveng law him tein kan umter zungzal ko.

SALM 147:19

Jakob cu a bia kha a chimh, Israel cu a nawlbia le a phunglam kha a pek.

SALM 36:1

Sualnak nih miṭhalo cu a lungchung thukpi ah bia a chimh i Pathian kha a hlawt i a ṭih lo.

SALM 36:6

Na dinnak cu tlang nganpi bantukin a fek i na biakhiahnak cu rilipi bantukin a thuk. Bawipa, nangmah nih minung le saram cu na zohkhenh hna.

EXODUS 21:1

“Hi phung hi Israel mi na pek hna lai:

PHUNGTHLÛKBIA 8:13

Bawipa ṭihzah cu sualnak huat khi a si. Porhlawtnak, ruamkainak le sualnak lam le biadik lo kha ka huat hna.

ISAIAH 26:8

Nangmah duhnak kha kan zul i nangmah kha kan in bochan; kan duhmi cu nangmah na si ko.

ISAIAH 45:19

A thlithup in bia ka chim lo, kaa tinhmi zong kha ka thup lo. Thil aa tuaitamnak hmun ah khan ka kawl u, tiah Israel mi kha ka ti hna lo. Keimah hi Bawipa cu ka si i biatak kha ka chim; a hmaanmi kha ka langhter,” a ti.

LAMKALTU 10:22

Annih nih cun an leh i, “Kepṭen Kornelias nih a kan thlahmi kan si. Amah cu miṭha le Pathian a biami a si i Judah mi vialte nih an hmaizah ngaingaimi a si. Amah nih cun na bia kha a theih ve nakhnga Pathian vancungmi pakhat nih nangmah cu a inn rat va sawm awkah amah cu a chimh,” tiah an ti.

ROM 11:22

Hika ah hin zeitluk in dah Pathian nih mi a zaangfah hna ti le zeitluk in dah Pathian cu ṭih a nun ti kha kan hmuh. A tlumi hna caah cun ṭih a nung ngaingai ko, sihmanhsehlaw nannih cungah cun zaangfahnak a ngei — a zaangfahnak chung i nan um paoh ahcun an zaangfah ko hna lai, sihmanhsehlaw nan um lo ahcun nannih zong khiah nan si ve ko lai.

ROM 2:2

“Hi bantuk thil a tuahmi hna cu Pathian nih sual a phawt hna tikah Pathian cu ahmaan ko ti kha kan hngalh,” na ti.

DEUTERONOMI 4:8

Nihin ah nan hmai i ka chiahmi phungbia vialte, hi tlukin a ding hringhranmi hna bantuk, nawlbia le phunglam hna a ngeimi miphun ngan ahodah a um ve?

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

BIAPHUAN 16:7

Cun biakṭheng khan aw pakhat a rak chuak i “Bawipa, Lian Ngan Bik Pathian, na biakhiahnak cu a dingmi le a hmaanmi an si taktak,” tiah a ti thawng kha ka theih.

BIAPHUAN 19:2

A biaceihmi cu dingte le hmaan tein a ceih. Vawlei a hornak in a thurhnawmhtertu hlawhhlangnu milianngan nu kha sual a phawt cang. Pathian sal kha a thah hna caah Pathian nih dan a tat cang,” a ti.

1 SAMUEL 12:24

Bawipa cu a ṭih bel ṭih ko u law, nan lungthin dihlak in a rian kha zumhawktlak tein ṭuan ko u; zeitintiah nan ca i thil lianngan a tuahmi kha ruat tuah hna u.