SALM 18:2 - Lai (Hakha) Common Language Bible 2006

² Bawipa cu ka khamhtu a si, amah cu a fekmi ka ralhruang a si. Ka Pathian cu a ka hupphengtu a si, amah sinah cun him tein ka um. Phaw bantukin a ka huhphenh, a ka ven i him tein a ka umter.

Laibaibal Thiang (BSI)

² BAWIPA cu ka lungpi, kâ kulhnâk le ka khamhtu a si. Ka Pathian, ka ṭhawnnâk, kâ bochan dingmi; ka phaw le ka khamhnâk ki le ka ralhruang a si.

SALM 18:2 ပူးပေါင်းရင်းမြစ်များ

2 SAMUEL 22:3

Ka Pathian, a chung i kaa dornak lungpi, ka phaw le ka khamhnak ki, ka ralhau le ka himnak; Ka khamhtu, nangmah nih zaang-ennak chungin na ka khamh.

SALM 116:1

Bawipa nih ka thlacamnak kha a ka ngaihpiak i a ka theihpiak caah Bawipa cu ka dawt.

SALM 132:17

Hika hmun ah hin Siangpahrang David tefa pakhat cu siangpahrang ngan pakhat ah ka ser lai, hika hmun ah hin ka thimmi siangpahrang uknak cu ka hmunhter lai.

SALM 144:2

Amah cu a ka hupphengtu lungpi ka ralhruang a si, a fekmi ralvenbuk le himnak hmun a si, kaa bochanmi phaw a si. Miphun dang kha ka ke tangah amah nih a chiah hna.

SALM 19:14

Ka kaa chung bia hna le ka lung chung ruahnak hna cu, nangmah cohlan awk tlak si ko hna seh, maw Bawipa, ka lungpi le ka tlantu.

SALM 28:1

Maw Bawipa, nangmah cu kan auh, ka himnak lungpi, ka aunak cu ka theihpiak tuah. Na ka leh lo ahcun mithi khua i a kalmi hna bantuk ka si ve sual lai.

SALM 59:11

Annih cu that hna hlah, ka mi hna nih an philh sual ai hnga, na ṭhawnnak in ṭhek hna law hrawk hna, Maw Bawipa kannih kan phaw!

SALM 62:2

Amah lawnglawng hi a ka hupphengtu le ka Khamhtu a si, amah cu ka ralhruang a si i ahohmanh nih an ka tei bal lai lo.

SALM 62:7

Khamhnak ka hmuhmi le upatnak ka hmuhmi cu amah thawng lawnglawng in a si; amah cu a ṭhawngmi lungpi ka him a si.

SALM 75:10

Miṭhalo mi hna ṭhawnnak cu a hrawh lai, sihmanhsehlaw miding mi ṭhawnnak kha cu a karh chin lai.

SALM 91:2

“Bawipa, nangmah cu a ka chanhtu le a ka hupphengtu na si! Nangmah cu ka Pathian na si; nangmah cu kan bochan,” an ti lai.

SALM 91:4

A thla in an huh lai i him tein na um lai; zumhawktlak a sinak nih khan an huhphenh lai i him tein an umter lai.

EXODUS 15:2

Bawipa nih a ṭhawngmi le a liannganmi ah a ka ser, amah cu a ka khamhtu kha a si. Amah cu ka Pathian a si i ka thangṭhat lai, ka pupa hna Pathian a si i a lianhngannak cu hla in ka sak lai.

PHUNGTHLÛKBIA 18:10

Bawipa min cu a fekmi innsang a si, miding cu khika ah khan an va tli i an him.

PHUNGTHLÛKBIA 2:7

Miding mi hna caah fimnak ṭha kha a khon i ding tein a kalmi hna caah amah cu phaw a si i

ISAIAH 32:2

Annih cu thlitu a hran tikah dornak le thlichia a hran tikah i thuhnak hmun bantuk an si lai. Annih cu thetse ram i tiva luang bantuk le ramcar i lungpi naidem bantuk an si.

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

HEBRU 2:13

Cun, “Pathian cu kaa bochan,” tiah a ti i, “Pathian nih a ka pekmi ngakchia hna sinah hika ah ka um,” ti zongah a ti fawn.