SALM 17:3 - Lai (Hakha) Common Language Bible 2006

³ Ka lung cu na hngalh, zan ah ka sinah na ra. Ṭha tein na ka hneksak cikcek i ka chungah duhnak ṭhalo zeihmanh a um lo kha na hmuh.

Laibaibal Thiang (BSI)

³ Ka lungthin hi na hniksak cang; zan zongah naka lên cang; naka hniksak cang i zeihmanh na hmu lo; ka hmurkâ nih palhnâk a chim lai lo, tiah timhnâk ka ngei.

SALM 17:3 ပူးပေါင်းရင်းမြစ်များ

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

1 CHANRELNAK 29:17

Ka Pathian, nangmah nih lung kha na hneksak i dinnak kha na duhmi a si ti kha ka hngalh; ka lung dinnak in hi thil vialte hi lungtho tein kan pekchanh i atu cu hika i a ummi na mi hna nih lungthote le lunglawm tein an in pekchanh kha ka hmuh cang.

JOB 23:10

Sihmanhsehlaw ka ṭuan ah siseh, kaa dinh ah siseh, a ka hngalh ko, A ka hneksak dih tikah, sui ka si kha a lang.

JOB 24:14

Lainawng cu sifak le retheimi kha thah awkah ceu hlan in a tho;

SALM 11:5

Miṭha zong, miṭhalo zong ṭha tein a dothlat hna; zaang-ennak a duhmi kha a thinlung dihlak in a huat hna.

SALM 119:106

Na ka cawnpiaknak a dingmi, ka zulh hna lai tiah bia kaa kammi kha, ka zulh taktak hna lai.

SALM 139:1

Bawipa, na ka kawl dih hirhiar i na ka hngalh dih cikcek!

SALM 139:23

Maw Pathian, ka pur cikcek law ka lungthin hi hngal ko; ka hneksak law ka ruahnak hi hmu ko.

SALM 16:7

Bawipa nih a ka hruai caah amah cu ka thangṭhat, zan ah ka lungthin nih ralrinnak a ka pek.

SALM 26:2

Ka hneksak law ka hlathlai cikcek tuah, Maw Bawipa, ka lung duhnak le ruahnak hi zoh tuah hna.

SALM 39:1

“Ka tuahmi ah khan kaa ralring lai ka lei kha sualnak ka tuahter lai lo; miṭhalo kha lamnai i an um lioah zeihmanh ka chim lai lo,” ka ti.

SALM 66:10

Maw Pathian, nangmah nih na kan hneksak; ngun cu mei in an thianh bantukin kannih zong na kan hneksak ve.

SALM 7:4

hawikom rawi le zei ruangah ti awk um set loin ral cungah ṭhat lonak tuah hi, hi hna lakah hin pakhatkhat ka tuah a si ahcun,

PHUNGTHLÛKBIA 13:3

Na biachimmi kha i ralring law na nunnak kha naa veng kho lai, ralrin loin bia a chimmi nih cun amah lila kha aa hrawk ko.

JEREMIAH 12:3

Sihmanhsehlaw maw Bawipa, nangmah nih na ka hngalh i ka tuahmi cu na hmuh ko, Zeitluk in dah kan dawt kha nangmah nih fiang tein na hngalh ko. Hi mi ṭhalo hna hi, thah awkah kalpimi tuu hna bantukin kalpi hna law Thah ni caah a dang in chia ko hna.

JEREMIAH 50:20

Cu caan a phak tikah Israel mi hna chungah sualnak hmuh a si lai lo i Judah mi hna chungah ṭhat lonak hmuh a si lai lo; zeicahtiah ka nuntermi hna cu an sualnak kha ka ngaihthiam hna lai, tiah Bawipa nih a ti.

HOSEA 7:6

Annih an lung cu changreu rawhnak linh bangin a lin. Zan khuadei dai tein an i dinh tikah an thinhunnak cu a hngilh in aa hngilh, Sihmanhsehlaw zinglei ah cun mei alh in a alh ṭhan.

MIKAH 2:1

An ihkhun cungin ṭhat lonak le sualnak khua a ruat i An ruahmi cu kan tuah khawh sawk tiin tuah awkah deika tein a thomi hna cungah cun ningzahnak tlung ko seh!

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

MALAKHI 3:2

Aho nih dah a rat ni cu an in khawh lai? A hung langh tikah ahodah fek tein a dir kho hna lai? Amah cu thianhtu somei bantuk a si, thil sutu chatpiat bantuk a si; a ṭhu lai i ngun an thianh bantukin a thianh hna lai;

LAMKALTU 11:23

A va phak i zeitluk in dah Pathian nih annih kha thluachuahnak a pek hna ti kha a hmuh tikah a lung aa lawm i annih cu an dihlak tein Bawipa cu an lungthin a dihumnak in i tlaih awk le a sinah zumhawktlak tein um awk kha a forh hna.

LAMKALTU 16:9

Cu zan ah cun Paul nih langhnak pakhat a hmuh i cu ah cun mipa pakhat, Masidonia mi a simi kha a dir i, “Masidonia leiah hin ra law ra kan bawm,” tiah a ti lengmangmi kha a hmuh.

1 KORIN 4:4

Ka chiaṭha thleidannak hi a thiang ko, asinain cuti in a thiang ko ti tikah hin ka sual lo tinak a si lo. Ka cung i bia a khiaktu cu Bawipa kha a si.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

JEIM 3:2

Kan dihlak hin palhnak kan tuah cio tawn. A biachim ah palhnak a tuah lomi cu mitling a si i a pum aa uk khomi a si.

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.

1 SAMUEL 24:10

Zohhmanh, zeitintiah Bawipa nih nangmah cu nihin ah, lungkua ah khan, keimah kut chung i an pek kha, nangmah mit nih nihin hrimhrim ah a hmuh cang; mi cheu nih cun nangmah thah awk kha an ka fial, sihmanhsehlaw keimah nih kan zuah. ‘Ka bawipa cu Bawipa chiti thuhmi a si caah a cungah ka kut ka samh lai lo,’ tiah ka ti.

1 SAMUEL 24:12

Keimah le nangmah karlakah Bawipa nih bia kan ceih ko seh, Bawipa nih nangmah cungah phu ka hlampiak ko seh; sihmanhsehlaw ka kut nih cun an tu lai lo.

1 SAMUEL 26:11

Bawipa chiti thuhmi cung i ka kut samh awk cu Bawipa nih ka kham ko seh; sihmanhsehlaw a lu hram i a ummi fei kha le hranthawl kha la law kal u sih,” tiah a ti.

1 SAMUEL 26:23

Bawipa nih mi zeipaoh kha a dinnak ca le zumhawktlak a sinak caah laksawng a pek cio hna; zeitintiah Bawipa nih nangmah cu nihin ah ka kut chungah an pek, asinain Bawipa chiti thuhmi cungah khan ka kut ka samh duh lo.