SALM 16:7 - Lai (Hakha) Common Language Bible 2006

⁷ Bawipa nih a ka hruai caah amah cu ka thangṭhat, zan ah ka lungthin nih ralrinnak a ka pek.

Laibaibal Thiang (BSI)

⁷ Aka ṭanpitu BAWIPA cu ka thangṭhat lai; zan cân hmanh ah ka lungthin nih nun aka chimh tawn.

SALM 16:7 ပူးပေါင်းရင်းမြစ်များ

SALM 119:148

Zan khuadei mit cungtang chin loin ka um, cucu na cawnpiakmi ka ruahnak ah a si.

SALM 119:55

Bawipa, zan ah nangmah kha kan ruat i, na phunglam kha ka zul.

SALM 119:7

Na biakhiahnak a dingmi kha ka hngalh hna lai i lung thiang in kan thangṭhat lai.

SALM 17:3

Ka lung cu na hngalh, zan ah ka sinah na ra. Ṭha tein na ka hneksak cikcek i ka chungah duhnak ṭhalo zeihmanh a um lo kha na hmuh.

SALM 22:2

Chun ah nangmah cu kan auh, maw ka Pathian, sihmanhsehlaw na ka let lo; zan zongah kan auh, sihmanhsehlaw dinh ka hmu kho hlei lo.

SALM 42:8

Bawipa nih a dawtnak fek cu nifa kan sinah langhter ko seh! Amah cu zan fate in hla in thangṭhat ning law ka nunnak a ka pe ṭhantu Pathian sinah cun thlacam ko ning.

SALM 63:6

Ihkhun cung i ka ih tikah nangmah cu kan thei, zan khuadei nangmah kha kan ruat,

SALM 73:21

Ka cekne tiangin a ka runh i ka thin a ka khenh tikah;

SALM 73:24

Ka kalnak dingah khan lungthin na ka cheuh i a donghnak ah cun upatnak he na ka cohlan lai.

SALM 77:2

Harnak caan ah Bawipa sinah cun thla ka cam; zan khuadei thlacam in ka kut cu ka hler hna, sihmanhsehlaw hnangamnak ka hmu kho lo.

SALM 77:6

Zan khuadei fak piin khua ka ruat; khua ka ruat lengmang i keimah le keimah kaa halmi cu hihi a si:

PHUNGTHLÛKBIA 8:14

Hngalhthiamnak le ṭhawnnak zong keimah ta an si.

ISAIAH 26:9

Zan ah nangmah kha kan ngai; vawlei le a cung i a ummi kha an bia na ceih tikah dinnak hi zeidah a si ti kha an hngalh lai.

ISAIAH 48:17

Israel Pathian thiang, nanmah an khamhtu hna Bawipa, nih, “Keimah cu Bawipa nan Pathian, nan ca ṭhatnak cawnpiak an duhtu hna le nan zulh awk hnga lam an hmuhsaktu hna ka si.

ISAIAH 50:4

Bawipa Pathian nih chim awk kha a ka cawnpiak caah tha a bami kha thazang ka pek khawh hna. A ka cawnpiak ding theih kha zing fate in a ka hngahhlangter.

JEREMIAH 12:2

Nangmah nih na phun hna i hram an thla, An ṭhang i thei an tlai. An hmur ah cun na cuang lengmang ko, Asinain an lung cu nangmah he aa hlat ko.

JEREMIAH 17:10

Bawipa nih minung ruahnak cu ka dah dih i an lungthin cu ka zet dih, An tuahnak nih a phut ningin le an ziaza ning cio in ka cham hna.

LUKA 6:12

Cu caan lioah cun ni khat cu tlang cungah thlacam awkah a kal i zan khuadei Pathian sinah thla a cam.

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.