SALM 16:5 - Lai (Hakha) Common Language Bible 2006

⁵ Nangmah dah ti lo cu ka ngeihmi dang zeihmanh a um lo, maw Bawipa, ka herhmi vialte cu nangmah nih na ka pek, ka nunnak cu na kut chungah a um.

Laibaibal Thiang (BSI)

⁵ Maw BAWIPA, nangmah cu ka co hngami ro le ka hrai na si; nangmah nih ka covo kha na fehter.

SALM 16:5 ပူးပေါင်းရင်းမြစ်များ

SALM 11:6

Miṭhalo cungah meiṭil le kaat kha a surter; a alhmi mei in dan a tat hna.

SALM 116:13

A ka khamh caah khan Bawipa cu din awk thawinak ka pekchanh lai.

SALM 119:57

Nangmah lawnglawng hi kan duhmi na si ko, Maw Bawipa; na phunglam zulh awkah bia kaa kam.

SALM 125:3

Pathian mi hna ram cu miṭhalo nih an uk zungzal lai lo, an uk ahcun, Pathian mi hna hrimhrim hmanh nih khan, ṭhat lonak an tuah sual hnga.

SALM 132:11

David sinah biakamnak fek pakhat, na let ṭhan lo dingmi kha na rak ser, cu na biakamnak cu hihi a si: “Na fapa pakhat cu siangpahrang ah ka ser lai i na hnuah amah cu uktu bawi a rung si lai.

SALM 142:5

Bawipa, bawmhnak duh ah nangmah cu kan auh, Bawipa nangmah cu a ka hupphengtu na si; ka nun chungah hin ka duhmi le ka herhmi cu nangmah lawnglawng na si ko.

SALM 2:6

Aa thawh i, “Zion ka tlang thiang cungah ka siangpahrang cu ka chiah cang,” a ti.

SALM 23:5

Ka ral hna hmaika ah rawl na ka dangh, ka lu ah chiti na ka toih i ka hrai cu a liam in a liam.

SALM 73:26

Ka pum le ka ruahnak cu zorchuk hna hmanh seh law Pathian kha ka thazang a si; amah lawnglawng kha ka herhmi cu a si ko.

SALM 89:4

‘Na tefa pakhat cu siangpahrang a si zungzal lai; na pennak cu zungzal in ka hmunhter lai,’ ka ti,” na ti. Selah

SALM 9:4

A dingmi biaceihtu bawi bantukin na bawiṭhutdan cungah na ṭhu i keimah lei ṭanh in biakhiahnak kha na tuah cang.

ISAIAH 42:1

Bawipa nih aa thawh i, “Hi ka sal hi ka dawmhtlaihmi ka sal a si — ka thim i a cung i ka lung a tlingmi a si. Amah cu ka ṭhawnnak in ka khahter i miphun vialte cungah dinnak a tlunter lai.

ISAIAH 53:12

Cucaah amah cu upatnak hmun ka pek lai, milian mingan le miṭhawng hna lakah hmun ka pek lai. A nunnak kha i awṭawm lo tein pek a sian i misual mi kha an in ding cu a inpi hna,” a ti.

JEREMIAH 10:16

Jakob sertu Pathian cu mah hna bantuk hi a si lo, Amah cu zeizong vialte sertu a si i Israel hi amah ca hrimhrim i aa kawhmi miphun a si; Amah a min cu Ralkapbu Bawipa a si.

ṬAHNAK HLA 3:24

Ka ngeihmi dihlak cu Bawipa hi a si ko, ka ti; Cucaah amah cu lungsau in ka ngan ko lai;

LAMKALTU 2:32

Pathian nih hi Jesuh hrimhrim hi mithi hna sin cun a thawhter i hi thil tehte a khangtu cu kanmah hi kan si.

LAMKALTU 5:31

Israel mi kha i ngaihchihnak caan ṭha le sual ngaihthiamnak pek awkah amah cu Pathian nih a orhlei kamah khan Hruaitu le Khamhtu in a ṭhutter cang.

1 KORIN 15:25

Pathian nih ral vialte cu a tei dih hna i a ke tangah a chiah hna hlantiang Khrih nih cun a uk hna lai.

EFESA 5:18

Zu ri hlah u, zu cu nanmah hrawktu lawnglawng a si ko, Thlarau tu khan khat deuh u.

DEUTERONOMI 18:2

An unau hna lakah ro an ngei lai lo; bia a kam hna bangin Bawipa cu an ro a si.

DEUTERONOMI 32:9

Zeitintiah Bawipa vo cu a mi kha an si, Jakob cu amah ro hrimhrim kha a si.

JOSHUA 22:25

Zeitintiah nannih Reuben mi hna le Gad mi hna, nannih le kannih karah Bawipa nih Jordan cu ramri ah a ser ko; Bawipa chungah nannih cu covo nan ngei lo,’ an ti hna lai ti kan phan caah kan tuah cu a si. Cuticun nan fale nih kan fale cu Bawipa biak kha an ngolter sual hna hnga.

JOSHUA 22:27

kannih le nannih karlak ah, kan hnu i kan tefa hna karlak ah biahngaltu a si i Bawipa rian cu kannih nih amah hmaika ah kan khangh thawinak le raithawinak le daihnak thawinak in kan rak ṭuan ve tinak caah biakṭheng pakhat ser u sih; hmailei ah nan tefa hna nih kan tefa hna cu, “Bawipa chungah covo zeihmanh nan ngei lo,” an ti sual hna nakhnga lo,’ tiah kan ti.