SALM 16:4 - Lai (Hakha) Common Language Bible 2006

⁴ Pathian dang a zuan lengmangmi nih cun, an cungah harnak an i tlunter. An raithawinak ah kaa tel duh lai lo i an pathian cu ka bia hna lai lo.

Laibaibal Thiang (BSI)

⁴ Pathian dang â thimtu hna ngaihchiatnâk cu karhter a si lai; din awk i an pêkchanhmi thisen cu ka pe ve lai lo, ka hmurkâ in an min zong ka chim lai lo.

SALM 16:4 ပူးပေါင်းရင်းမြစ်များ

GENESIS 35:14

Cuka ah cun Jakob nih rolung pakhat a bunh i a cungah cun din awk thawinak a toih i chiti zong a toih.

SALM 32:10

Miṭhalo nih cun temhnak an in a hau ko lai, sihmanhsehlaw Bawipa aa bochanmi cu a dawtnak fek nih khan a huhphenh hna.

SALM 97:7

Siasal a biami vialte kha an ning a zak dih, an siasal aa porhlawmi vialte kha an ning a zak dih; pathian vialte cu a hmaiah an kun dih.

EXODUS 23:13

Kan chimhmi hna hi ṭha tein ngai u. Nannih nih pathian dang sinah thla nan cam hrimhrim lai lo, an min hmanh a chim in nan chim lai lo.

ISAIAH 57:6

Cu tiva kam cun lungmil tete kha nan lak hna i pathian ah nan biak hna. Zu le laksawng kha nan pek hna i rawl kha nan hunh hna. Hi ti nan tuahmi nih hin a ka lawmhter ko, ti ah maw nan ruah?

ISAIAH 65:11

“Sihmanhsehlaw keimah a ka hlaw i Zion ka tlang thiang kha zeirello in a um i Gad le Meni a biami nan caah cun thil dang a si lai.

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

JEREMIAH 7:18

Ngakchia nih thing kha an khawmh, an pale nih mei an kau i nu nih changvut cet an nen i vancung bawinu caah changreu thlum an ser, cun thlet thawinak kha pathian dang hna sinah an pekchanh — hi vialte hi keimah thin hunter awk caah an tuahmi a si.

LEVITIKAS 23:13

Cun cu he a si ṭimi changvut thawinak cu changvut dip ephah cheu hra cheu hnih, chiti he cawhmi, Bawipa sinah mei in thawi awk rimthaw cu a si lai; cun cu he a si ṭimi thlet thawinak cu mitsur hang hin cheu li cheu khat a si lai.

JONAH 2:8

Santlailo siasal a biami hna nih cun nangmah sin i zumhawktlak in um kha an ngol,

JOSHUA 23:7

Nannih nih hika i nan lakah a tang rihmi miphun hna he hin i cawh lo le, an pathian hna min kha chim lo le, cu hna cun chiatser lo le, an rianṭuan lo le an hmaiah kun loin,