SALM 16:1 - Lai (Hakha) Common Language Bible 2006

¹ Maw Pathian, nangmah cu kan fuh ko, ka huppheng ko sawh.

Laibaibal Thiang (BSI)

¹ Maw Pathian, ka himter ko, zeitintiah nangmah ah ka zumhnâk ka chuan.

SALM 16:1 ပူးပေါင်းရင်းမြစ်များ

SALM 116:6

Bawipa nih a awlok a chongmi kha a huhphenh hna, ṭihnung chung i ka um tikah a ka khamh.

SALM 125:1

Bawipa aa bochanmi cu Zion Tlang bantuk an si; Zion Tlang, hninh khawh zong a si lo i ṭhial khawh zong a si lomi bantuk an si.

SALM 146:5

Jakob Pathian kha bawmtu ah aa serhmi cu mi lunglawm an si, Bawipa a Pathian kha aa hngatchanmi cu mi lunglawm an si;

SALM 17:5

Na lam kha ka zulh zungzal i zeitikhmanh ah ka pialtak bal lo.

SALM 17:8

A ka dohtu miṭhalo hna sin hin Na mitfang bantukin ka veng law Na thlazung in ka hup tuah. Huatnak in a khatmi ka ral nih khan an ka dum,

SALM 22:8

An i thawh i, “Bawipa naa bochan ṭung, zeicahdah an khamh kun lo? Bawipa nih an dawt ahcun, zeicahdah an bawmh kun lo?” an ti.

SALM 25:20

Ka huppheng law ka khamh tuah, himnak hmuh duh ah nangmah cu kan fuh caah mualpho in ka umter sawh hlah.

SALM 31:23

Nannih a mithiang vialte hna, Bawipa cu daw ko u! Bawipa nih zumhawktlakmi cu a huhphenh hna, sihmanhsehlaw miporhlaw cu fak piin dan a tat hna.

SALM 37:28

zeicahtiah a hmaanmi thil kha Bawipa nih a duh i zumhtlak a simi a mi kha a kaltak bal hna lo. Annih cu a huhphenh zungzal hna, sihmanhsehlaw miṭhalo mi hna an tefa cu ṭhawl an si lai.

SALM 56:1

Ka ral nih an ka hrem thluangthluan i an ka cil lengmang caah hin Maw Pathian, ka zaangfah ko sawh.

SALM 60:1

Maw Pathian, na kan hlawt cang i kan ralhau kha na chim dih cang hna; kan cungah na thin a hung — sihmanhsehlaw atu cu kanmah leiah i mer ko sawh.

SALM 7:1

Maw Bawipa ka Pathian, nangmah cu ka himnak na si; a ka dawitu vialte hna sin hin ka khamh law ka chanh tuah.

SALM 7:2

Cu ti na ka khamh lo ahcun ahohmanh khamhtu ngei loin, chiandeih bantukin an ka hnuh lai i an ka thleh an ka baoh dih ko lai.

SALM 84:12

Maw Lianngan Bik Pathian, nangmah an bochanmi cu lunglawmmi an si.

SALM 9:10

Maw Bawipa, nangmah an hngalmi nih cun an in bochan lai, nangmah sinah a rami cu ahohmanh na dawn bal hna lo.

SALM 97:10

Ṭhat lonak a huami kha Bawipa nih a dawt hna, a mi kha a huhphenh hna i miṭhalo mi pawl kut chung khan a chuah hna.

PHUNGTHLÛKBIA 2:8

Biading lam kha a ven i a mithiang mi hna lam kha a congh.

2 KORIN 1:9

Kannih cu thi dingin biakhiah kan si ko cang tiin kan i ruah. Asinain hi ti thil a rak um cu kanmah le kanmah kha i bochan loin, mithi a thawhtertu Pathian kha kan i bochan deuhnak hnga caah a rak si.

2TIMOTE 1:12

hi bantukin sifahnak ka inmi vialte hna hi, hi ruangah hin a si. Asinain ka lung a dong naisai lo, zeicahtiah kaa bochanmi cu ahodah a si kha ka hngalh i ka kut chungah a ka pekmi thil kha khi Ni tiang him tein a ken khawh ti kha fiang tein ka zumh.