SALM 15:5 - Lai (Hakha) Common Language Bible 2006

⁵ a karh la loin mi tangka a cawih i a sual lomi hna sual phawt awkah ziknawh pek khawh lomi cu an si. Hi thil a tuahmi hna cu an i hnin bal lai lo.

Laibaibal Thiang (BSI)

⁵ A karh in tangka a coih bal lo i a sual lomi sualphawtnâk ah ziknawh a la bal lomi, cubantuk thil a tuahtu cu zeitikhmanh ah â hnin lai lo.

SALM 15:5 ပူးပေါင်းရင်းမြစ်များ

SALM 106:3

Amah nawl a zulmi cu mi lunglawm an si, a dingmi thil a tuahmi cu mi lunglawm an si!

SALM 112:6

Miṭha cu an sung bal lai lo, philh an si bal lai lo.

SALM 16:8

Bawipa ka sinah a um cu ka hngalh zungzal, amah cu keimah he naihte ah a um i zeihmanh nih an ka hnin kho lo.

SALM 55:22

Na thilri cu Bawipa sinah ṭhum ta law amah nih an bawmh lai; miṭha cu zeitikhmanh ah a sunghter bal lai lo.

EXODUS 22:24

ka thin a hung lai i raltuknak ah nan thi sual lai. Nan nupile kha nuhmei ah an cang ve ko lai i nan fale kha ngakṭah ah an cang ve ko lai.

EXODUS 22:25

“Nan lakah khua a sami misifak ka mi hna kha ahohmanh tangka nan cawih hna tikah tangka cawihtu nih an tuah tawn bantukin a karh nan la hna lai lo.

PHUNGTHLÛKBIA 10:30

Miding cu hlonh an si bal lai lo, sihmanhsehlaw miṭhalo cu ram chungah hin khua an sa kho lai lo.

PHUNGTHLÛKBIA 12:3

Mi hi ṭhat lonak nih a fehter kho lo, sihmanhsehlaw miṭha hna hram cu ṭhial khawh lomi hram an si.

PHUNGTHLÛKBIA 15:27

A hak a kaumi nih a innchungkhar cungah harnak a tlunter, sihmanhsehlaw nawhthuh a duh lomi cu saupi a nung lai.

ISAIAH 33:15

A dingmi thil kha na chim i na tuah ahcun na celh ko lai. Na lianhngannak cu misifak hlennak ah khan hmang hlah law ziknawh kha la hlah. Lainawnnak tuah awk le thil dang a ṭha lomi tuah awkah khua a khangmi kha kom hna hlah.

EZEKIEL 18:17

Biadinglo kha a hrial i a karh in siseh, dongtanh in siseh phaisa a cawih bal hna lo. Ka phungbia kha a zulh hna i ka nawlbia kha a tuah hna. Cu bantuk mi cu a pa sualnak ruangah khan a thi lai lo; a nung ko lai.

EZEKIEL 18:27

Cu bantukin miṭhalo mipa nih a ṭhat lonak kha a kaltak i a dingmi le a hmaanmi kha a tuah ahcun a nunnak kha a khamh lai.

EZEKIEL 18:8

A miak lak in siseh, a karh in siseh, tangka a cawih bal hna lo.

EZEKIEL 22:12

Nangmah chungah hin mi nih thisen chuahnak caah ziknawh an ei i docawi tikah dongtanh le a karh an lak hna. Nannih nih i miak duh ruangah nan hawile kha nan hrem hna i keimah cu nan ka philh; tiah Bawipa Pathian nih a ti.

MIKAH 7:3

Ṭhat lonak tuah kha a thiam ngaingaimi an si dih. Bawi nih si hna seh, biaceihtu nih si hna seh, ziknawh kha an duh dih. Nawl ngeimipa nih khan a duhnak kha a chimh hna i hmunkhat ah khua an khang ṭi.

MATTHAI 26:15

“Jesuh cu nan kut chung i kan chanh hna ahcun zeidah nan ka pek lai?” tiah a va ti hna. Cucaah ngun tangka sawm thum kha an rel i an pek.

JOHAN 13:17

Atu cu hi biatak hi nan hngalh cang; nan tuah taktak ahcun zeitluk in dik nan i lawmh lai!

DEUTERONOMI 16:19

Dinglo piin bia kha nan ceih lai lo, duhdanh nan ngei lai lo, nawhthuh nan la lai lo, zeitintiah nawhthuh nih mifim mi mit kha a cawtter i miding mi bia kha a lehtalam tawn.

DEUTERONOMI 23:21

“Bawipa nan Pathian sinah biakamnak nan tuah tikah rau loin nan pek lai, zeitintiah Bawipa nan Pathian nih an hal hrimhrim hna lai i nan caah sualnak a si sual lai.

1 SAMUEL 12:3

Hika ah hin ka um hih; Bawipa le a chiti thuhmi hmaiah hin ka soi tuah u. Aho cawtum ka la bal maw? Aho laa ka la bal maw? Aho tal ka hleng bal hna maw? Aho tal ka hrem bal maw? Ka mit phenhtertu ah aho sinin nawhthuh ka la bal maw? Ka chim u law, kan rulh hna lai,” tiah a ti.