SALM 15:3 - Lai (Hakha) Common Language Bible 2006

³ mi congoih a hmang lo i hawikom cungah ṭhat lonak a tuah lo i a innpa a congoih lo i

Laibaibal Thiang (BSI)

³ A lei in mikong a caih bal lo i a innpa cungah ṭhatlonâk a tuah bal lomi, a hawile min zong a thangchiat bal lomi a si lai.

SALM 15:3 ပူးပေါင်းရင်းမြစ်များ

PHUNGTHLÛKBIA 22:10

Mi lungpuam kha dawi u law rem lonak a lo lai, siknak le holh ṭhalo a dong lai.

PHUNGTHLÛKBIA 25:3

San leiah van, thuh leiah rili, cu bantuk cun siangpahrang lungthin cu purh khawh lo a si.

ISAIAH 56:2

Sabbath ni a ul zungzal i a buar lomi kha thluachuahnak ka pek hna lai. Ṭhat lonak zeihmanh a tuah lomi kha thluachuahnak ka pek hna lai,” a ti.

LEVITIKAS 19:16

Na mi hna lakah mi kongthang ceih in vak len ko hlah, na innpa nunnak hrawh awkah dir hlah: keimah hi Bawipa cu ka si.

MATTHAI 7:12

“Mi nih kan cungah tuah hna seh ti nan duh bantuk khan midang cung zongah va tuah ve u; hihi Moses Nawlbia le profet hna cawnpiaknak an sullam cu a si.

ROM 1:30

an i thangchiat, Pathian kha zei ah an rel lo, an lung a puam, tla ngialngual in an um, an i porhlaw, ṭhat lo tuahnak lam kha an ruat, nu le pa nawl an ngai lo;

ROM 12:17

Mi nih nan cungah ṭhat lonak an tuah ahcun ṭhat lonak in va lehrul hna hlah u. Mi vialte nih a ṭha tiah an ruahmi kha tuah i zuam u.

ROM 13:10

A innpa a dawmi nih cun a innpa cungah ṭhat lonak a tuah bal lo. Cucaah Nawlbia tling tein zulh cu dawt hi a si ko.

TITAS 3:2

Ahohmanh i congoih hlah u, pakhat le pakhat i rem le i daw le lungnem cio tu in nan um lai, tiah na chimh hna lai.

JEIM 4:11

Ka u le ka nau hna, pakhat le pakhat i soi hlah u. Ahohmanh a u a nau kha a soi i sual a phaw lengmangmi cu Nawlbia kha a soi i sual a phawmi a si. Nawlbia cu sual na phawt a si ahcun nang cu nawlbia a zulmi kha na si ti lo, Nawlbia sual a phawtu kha na si lehlam.

3 JOHAN 1:11

Ka dawtmi ka hawi, a ṭha lomi nawl cu i cawn hlah, a ṭhami nawl tu i cawn ko. Thil ṭha a tuahmi paoh cu Pathian mi an si, thil ṭhalo a tuahmi paoh nih cun Pathian kha an hmu lo.

1 SAMUEL 24:11

Zohhmanh, ka pa, ka kut chung i na puanki par hi zohhmanh; na puanki par ka hlep nain nangmah kan thah lonak ah hin, ka kut chungah ṭhat lonak siseh, rawinak siseh, a um lo ti kha na hngalh lai i na hmuh ko lai. Nangmah nih ka nunnak kha lak awkah na kawl lengmang nain, na cungah ka sual lo.