SALM 149:2 - Lai (Hakha) Common Language Bible 2006

² Israel, nangmah an sertu ruangah cun i lawm tuah, Zion mi hna, nan siangpahrang ruangah cun i lawm tuah u!

Laibaibal Thiang (BSI)

² Israel mi kha an Sertu cungah i lawm hna sehlaw, Zion fale kha an Siangpahrang cungah i lawm hna seh.

SALM 149:2 ပူးပေါင်းရင်းမြစ်များ

JOB 35:10

Sihmanhsehlaw ahohmanh nih, ‘A ka Sertu Pathian, zan ah him tein a kan zohkhenh i,

SALM 47:6

Pathian cu hla in thangṭhat tuah u, kan siangpahrang cu thangṭhat tuah u.

SALM 95:6

Ra tuah u, kun u sih law bia u sih; a kan Sertu Bawipa hmaiah cun kan khuk i bil u sih!

ISAIAH 43:15

Keimah Bawipa cu nan Pathian thiang ka si, Israel, nangmah Sertu cu keimah ka si i na siangpahrang cu keimah hi ka si,” a ti.

ISAIAH 52:7

Daihnak thawng ṭha i phorh in tlang cungin a rami lamkaltu ke cu zeitluk in dah aa dawh! Teinak kong kha amah nih cun a run thanh i Zion cu a thawh i, “Na Pathian cu siangpahrang a si,” a ti.

ISAIAH 54:5

Nangmah an sertu cu na va bantuk a si lai — a min cu Ralkapbu Bawipa a si! Israel Pathian thiang nih cun an khamh lai — amah cu vawlei cung dihlak uktu a si.

JOEL 2:23

“Nannih Zion mi hna, Bawipa nan Pathian cungah i lawm u law nan tha nuam tuah u, Amah nih fur ruah cu a za tawk tein an pek hna, Khuasik caan ruah kha a surter i ṭhal caan ruah kha hmasa bantukin a ratter.

HABAKKUK 1:12

Maw Bawipa, nangmah cu hlanlio piin na um cang lo maw? Ka Pathian, nangmah cu a thiang i zungzal in a nungmi na si. Maw Bawipa, annih kha biaceihtu ah a sertu hna cu nangmah na si, Maw Lungpi, annih kha biaceihnak ah biakhiaktu i a sertu hna cu nangmah na si.

ZEFANIAH 3:14

Zion fanu, lunglawmhnak in au tuah, Israel, teinak au in au tuah; Jerusalem fanu, i lawm law na lungthin dihlak in i lawm tuah.

ZEFANIAH 3:15

Bawipa nih nangmah an dohtu hna kha an ṭhawlpiak cang i Na ral kha a dawi cang hna; Bawipa Israel siangpahrang cu nan lakah a um i Rawhralnak kha na ṭih awk zeihmanh a um ti lo.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

MATTHAI 21:5

“Zion fanu cu va chim u law, ‘Na siangpahrang cu nangmah lei ah a ra lio, Amah cu mi nunnem a si i laa cu a hun i cit, Laa note a hun i cit,’ va ti u,” tiah a timi tlinternak caah khan a si.

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

LUKA 19:27

Cun an siangpahrang si awkah a ka duh lotu ka ral hna kha cu, hika ah hin ratpi hna u law ka hmaiah that hna u, a ti,’ ” tiah a ti.

LUKA 19:38

“Bawipa min in a rami siangpahrang cu Pathian nih thluachuahnak pe ko seh. Vancung ah daihnak um seh law, Pathian cu sunparnak pek si ko seh,” tiah an au.

JOHAN 19:15

An au i, “That ko! That ko! Vailam ah khenh chih ko!” an ti. Pilat nih cun, “Nan siangpahrang cu vailam ah ka khenh chih ko lai maw?” tiah a hal hna. Tlangbawi upa hna nih cun, “Sizar dah ti lo cu ahohmanh siangpahrang dang kan ngei lo,” tiah an leh.

DEUTERONOMI 12:7

cun khika ah Bawipa nan Pathian hmaiah nan ei lai i nan tuahmi kip i Bawipa nan Pathian nih thluachuah an pekmi hna ah cun nanmah le nan chungkhar hna he nan i lawm lai.

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

BIAPHUAN 19:6

Cun mibu nganpi aw bantuk, tisor nganpi thawng bantuk, khuari thawng bantuk a simi aw pakhat kha ka theih. “Bawipa, Lianngan Bik, kan Pathian cu Siangpahrang a si caah, thangṭhat ko u!

1 SAMUEL 12:22

Nannih cu amah ca miphun i ser kha Bawipa lawmhmi a si caah, a min ngan ruang ah hin, Bawipa nih a mi cu an hlonh hna lai lo.