SALM 148:8 - Lai (Hakha) Common Language Bible 2006

⁸ Nimtlau le rial, hawhra le khuadawm, a nawl a ngaimi thlichia, nannih nih Bawipa cu thangṭhat ko u!

Laibaibal Thiang (BSI)

⁸ Mei le rial, khuadawm le hawhra hna, a bia tlintertu thlipi hna;

SALM 148:8 ပူးပေါင်းရင်းမြစ်များ

GENESIS 19:24

Bawipa nih Sodom le Gomorrah cungah cun kat mei kha a surter i

JOB 37:12

Amah nih nawl a pekmi hna kha um khawhnak vawlei cungah hin tuah awkah, Amah hruainak thawngin an i hel lengmang.

SALM 103:20

Nannih a ṭhawng i a liannganmi vancungmi hna, Bawipa cu thangṭhat tuah u; a nawlbia kha a ngai i a chimmi a tuahmi vialte hna, Bawipa cu thangṭhat tuah u!

SALM 18:12

A hmai i aa lekmi nimtlau chungin rial le meiṭil an tla, khuadawm nakpi chung khan an rung tla.

EXODUS 10:13

Cun Moses nih a ṭhiangṭhunh cu a hler i Bawipa nih nichuahlei in thli kha cu ram cungah cun chun nitlak le zan khuadei a hranter. Zinglei ah cun khaubawk kha thli nih cun a chuahpi hna.

EXODUS 10:19

Bawipa nih thlitu cu nitlaklei kap in ṭhawng ngaiin a hranter i khaubawk cu a choih hna i Rili Sen ah khan a thlak dih hna. Izipt ram chung a dihlak ah khaubawk pakhat hmanh an tang lo.

EXODUS 14:21

Moses nih rili cungah khan a kut a hler i zan khuadei a ṭhawngmi nichuahlei thli kha a hrang i cu thli nih cun rili cu a nam i vawlei ro ah a canter. Ti cu aa ṭhen i

ISAIAH 66:16

A sual tiah a hmuhmi vawleicung mi vialte kha mei le vainam in dan a tat hna lai i an thi lai.

JOEL 2:30

“Cu ni a rat lai nakding hmelchunhnak hna cu van le vawlei ah ka langhter hna lai: Thisen chuahnak le mei le meikhu tlangtlang an si lai.

LEVITIKAS 10:2

Cun Bawipa hmaika in mei a hung chuak i a kangh hna i Bawipa hmaika ah cun an thi.

AMOS 4:13

Khuari le thlitu a sertu, Vawlei cungah ruah tampi a surtertu, Zinglei khuaceu kha minmei chah piin a hup i Vawlei cung a sannak hmun i aa chawkmi cu amah kha a si — A min cu Bawipa, Ralkapbu Pathian a si.

AMOS 7:4

Bawipa Pathian nih a ka hmuhsak ṭhanmi cu mah hihi a si: Bawipa Pathian nih a thukmi rili le sermi thil vialte kha khangh dih awkah mei kha a auh.

JONAH 1:4

Sihmanhsehlaw Bawipa nih thlichia a hranter cimmam i rili tilet cu a san tuk caah lawng cu kuai dih hnik aa zal.

JONAH 1:5

Lawng cawngtu pawl cu an thin a phang i an pathian sin cio ah khan bawmhnak hal awkah an au. Cun lawng kha zaanter deuh awkah thil kha an hlonh hna, sihmanhsehlaw Jonah tu cu tilawng chung a ken khat ah khan a vung kal i a it i aa hngilh ziar ko.

NAMBAR 16:35

Cun Bawipa sinin mei a chuak i zihmui a pechan liomi minung za hnih le sawm nga kha a kangh dih hna.

JOSHUA 10:11

Cun Israel mi hmai i an zaam i Beth-horon i hung kainak in an va liam lioah khin Bawipa nih Azekah tiang vancung in lung ngan pipi a thlakhnawh hna i an thi; Israel mi nih nam in an thahmi hna nakin rial in a thimi cu an tam deuh.

BIAPHUAN 16:21

Rial ngan pipi, pawng za khat tiang a ritmi kha van in minung cungah an tla. Cun mi nih rial in hremnak an in ruangah cun Pathian kha an thangchiat, an inmi hremnak cu a fak hringhranmi a si ko.