SALM 148:7 - Lai (Hakha) Common Language Bible 2006

⁷ Rili chung thil ṭihnung hna le rilipi thuk hna, Bawipa cu vawlei ah hin thangṭhat u!

Laibaibal Thiang (BSI)

⁷ Vawlei in BAWIPA cu thangṭhat u, nannih ngapi hna le tithuk vialte hna;

SALM 148:7 ပူးပေါင်းရင်းမြစ်များ

GENESIS 1:21

Cuticun Pathian nih cun rili chung i a ummi sahrang ṭihnung pipi le ti lak i a tlongmi thilnung a phunphun le va a phunphun kha a ser hna. A tuahmi kha a zoh i a lung a si.

1 SIANGPAHRANG 13:28

Cun a va kal i a ruak cu lam i a rak rilh ko i laa le chiandeih kha a ruak pawng i an rak dir ko kha a hmuh. Chiandeih nih khan a ruak cu a rak ei lo, laa zong kha a thlek bauh lo.

SALM 104:24

Bawipa, na sermi thil hi an tam hringhran ko! An dihlak in fimnak in na ser hna. Vawlei cu na sermi thil in a khat.

ISAIAH 27:1

Cu ni ah cun Leviathan rulpi, a kualh in aa kual i a ngerh in aa ngerhmi rulpi kha dantat awkah le rili chung i a ummi rulpi kha thah awkah a ṭhawng i a har ngaingaimi a vainam kha Bawipa nih a hman lai.

ISAIAH 43:20

Ka thimmi ka mi hna ti pek awk caah ramcar chung i tiva ka luanter hna tikah cun, ramlak saram hmanh nih khan an ka upat lai, ram-ui le ostrik va hmanh nih khan an ka upat lai.