SALM 148:4 - Lai (Hakha) Common Language Bible 2006

⁴ Van sang bik hna, amah cu thangṭhat u, vancung i a ummi ti hna, amah cu thangṭhat u!

Laibaibal Thiang (BSI)

⁴ Van hna le van hna amah cu thangṭhat u, van cung i a ummi ti hna amah cu thangṭhat u.

SALM 148:4 ပူးပေါင်းရင်းမြစ်များ

GENESIS 1:6

Cun Pathian nih cun, “Ti le ti a ṭhentu hna ding caah aa kuaimi van pakhat in um seh law, ti cu hmun hnih ah um hna seh,” tiah a ti i cu tining cun a hung si.

GENESIS 1:7

Cuticun Pathian nih cun van kuai cu a ser i a tang i a ummi ti le a cung i a ummi ti cu a ṭhen hna;

GENESIS 7:11

Noah kum za ruk a si kum, thla hnihnak thla a ni hleisarih ni ah, vawlei tang i a ummi rilipi a hna vialte kha an i hung i van i awng vialte zong khi an i hung ve i ti cu vawlei cungah an tla,

1 SIANGPAHRANG 8:27

“Sihmanhsehlaw Pathian cu vawlei cungah cun khua a sa taktak hnga maw? Zohhmanh, van le a sang bik van nih hin an in tlum lo, zeitindah hi keimah sakmi inn chinchin nih cun an tlum hnga!

2 CHANRELNAK 2:5

Kan Pathian cu pathian vialte nakin a ngan deuh caah ka sak laimi inn cu a nganmi a si lai.

NEHEMIAH 9:6

Nangmah lawnglawng hi Bawipa cu na si; nangmah nih van cu na ser, a sang bik van cu a chung i a ummi thil vialte he na ser hna i vawlei le a cung i a ummi thil vialte zong hi na ser hna i rili le a chung i a ummi thil vialte zong hi na sermi an si dih. An dihlak hin nangmah nih na hmunhter hna i van i a ummi thil vialte nih khin nangmah cu an in biak.

SALM 104:3

cunglei i a ummi ti cungah khin na inn cu na sak. Khuadawm cu rangleng ah na hman hna i thlitu cu an thla cung cit awkah na hman hna.

SALM 113:6

asinain van le vawlei run zoh awkah hin a rung kun.

SALM 68:33

Van a citmi, a hlunmi van aa citmi cu thangṭhat u. Aw thang piin a au cu ngai tuah u.

SALM 69:35

Zion cu a khamh lai i Judah ram chung khua cu a remh ṭhan hna lai; a mi cu cuka ah cun khua an sa lai i ram cu an co lai;

2 KORIN 12:2

Kan hnulei kum hleili ah khan Khrihfa mipa pakhat cu a van thumnak ah khin an cawi (langhnak a hmuh maw a si, a si taktak dik a si ka hngal lo, Pathian lawng nih a hngalh).

DEUTERONOMI 10:14

Zohhmanh, a sang bik van hna le, vawlei le a chungah a ummi thil vialte hi, Bawipa na Pathian ta an si dih;