SALM 146:9 - Lai (Hakha) Common Language Bible 2006

⁹ Hi ram chungah a ummi ramdangmi kha a huhphenh hna; nuhmei le ngakṭah kha a bawmh hna, sihmanhsehlaw miṭhalo pawl khuakhannak cu a hrawh.

Laibaibal Thiang (BSI)

⁹ BAWIPA nih khual a zohkhenh hna, pa ngei lo le nu hmei kha a zohkhenh hna; asinain misuaksual hna lam cu a bittaling in a chiah tawn.

SALM 146:9 ပူးပေါင်းရင်းမြစ်များ

2 SAMUEL 15:31

Cun David cu, “Ahithophel kha ralthli khua a khangtu hna lakah Absalom sinah aa tel ve,” tiah an chimh. Cun David nih, “Maw Bawipa, Ahithophel khuaruah thiamnak cu hruhnak ah canter ko sawh, tiah kan nawl,” tiah a ti.

2 SAMUEL 17:23

Ahithophel nih a ruahnak chuahmi kha an zul lo ti a hmuh tikah, a laa kha a danh i inn leiah a khua ah a tlung. Cun a innchungkhar khuasak ding ning kha a ningcang tein a tuahpiak tak hna i amah le amah cu aa awk; cun a thi i a pa thlan ah khan an vui.

ESTHER 5:14

Cun a nupi Zeresh le a hawikom vialte nih cun an thawh i, “Mi thlainak dong sawm nga a sangmi ser si seh law, cun cuka ah cun Mordekai kha thlai si seh, tiah zingka ah siangpahrang cu chim; cun siangpahrang he cun lunglawm ngaiin rawl danghnak ah cun kal te u,” tiah an ti. Hi ruahnak cheuhmi nih Haman cu a lung a ton ngaingai i mi thlainak cu a serter hna.

ESTHER 7:10

Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Khi tikah siangpahrang thinhunnak cu a dam.

ESTHER 9:25

sihmanhsehlaw Esther cu siangpahrang hmaiah a rat tikah, Judah mi hna cung i ṭhat lonak khua a khan mi kha amah lu cungah tla in amah le a fapa hna cu thlainak ah thlai an si nakhnga, caṭial in nawlbia kha a chuah.

SALM 10:14

Nang nih cun na hmuh ko hna; temhinnak le ngaihchiatnak a ingmi cu na hngalh ko hna i bawmh awkah naa tim zungzal ko. Bawmhnak a herhmi kha na bawmh zungzal hna caah vanchiami nih nangmah kha an in fuh.

SALM 145:20

Amah a dawtu cu an dihlak in a huhphenh hna, sihmanhsehlaw miṭhalo cu a hrawh dih hna lai.

SALM 147:6

Mi toi i aa dormi cu a cawi hna, sihmanhsehlaw miṭhalo cu vawlei ah a rial hna.

SALM 18:26

A thiangmi sinah na thiang i asinain miṭhalo cu na huat hna.

SALM 68:5

A biakinn thiang chungah a ummi Pathian nih, ngakṭah le nuhmei kha an zawn a ruah hna.

PHUNGTHLÛKBIA 15:25

Bawipa nih aa porhlawmi inn cu a ṭheh, sihmanhsehlaw nuhmei thilri kha a humhak hna.

PHUNGTHLÛKBIA 4:19

Miṭhalo hna lam cu zan muihnak bantuk a si, Zei cungah dah kan tluk i kan rilh ti kha an hngal lo.

JEREMIAH 49:11

Ngakṭah na fale cu ka sinah kaltak hna law keimah nih nungdam tein ka zohkhenh hna lai; Na nuhmei hna nih keimah cu ka hngal ṭhan hna seh, a ti.

HOSEA 14:3

Assiria nih a kan khamh kho bal lai lo, raltuknak rang nih a kan huppheng kho lai lo; Kannih nih kanmah kut in kan sermi siasal kha, “Nannih cu kan pathian nan si,” tiah kan ti ṭhan ti hna lai lo. Bawipa, bawmtu dang a ngei lomi cu na zaangfah tawn hna tiin, kan sualnak kha kan i phuang.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

1 KORIN 3:19

Zeicahtiah hi vawlei nih fimnak i a ruahmi cu Pathian hmaiah cun pakpalawng a si. Cathiang nih, “Pathian nih mifim hna cu an zernak lila ah khan a foihter hna,” tiah a ti bang hin a si taktak.

DEUTERONOMI 16:11

cun Bawipa nan Pathian nih a min umnak dingah a thim laimi hmun ah cun nanmah le nan fapa le nan fanu le nan salpa le nan salnu le nan khua chung i a ummi Levi mi le nan lak i khua a sami khual le pangeilo le nuhmei hna he cun Bawipa nan Pathian hmaiah nan i lawm lai.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.