SALM 146:7 - Lai (Hakha) Common Language Bible 2006

⁷ A biakam kha a tlolh bal lo; hremmi hna ṭanh in bia kha a ceih i rawl a ṭammi kha rawl a pek hna. Bawipa nih thongtla kha a luatter hna i

Laibaibal Thiang (BSI)

⁷ Lamhchihmi diknâk in bia a ceihpiaktu, rawl ṭammi sinah rawl a petu a si. BAWIPA nih thongtla mi kha zalonâk a pek tawn hna.

SALM 146:7 ပူးပေါင်းရင်းမြစ်များ

SALM 10:18

Hremmi hna le ngakṭah cu an aunak kha na theihpiak hna i anmah lei ṭanh in bia na ceih, cucaah a thi khomi minung nih hin thil ṭihnung kha an umter ti lai lo.

SALM 103:6

Hremnak a ingmi kha biaceih tikah Bawipa nih a ṭanh hna i an hmuh awk hnga a simi kha a pek hna.

SALM 12:5

Bawipa nih aa thawh i, “Sifakmi cu an hrem hna i retheimi cu aihram lengmang in an tuah hna caah atu cu ka ra lai i an ngaihmi himnak cu ka pek hna lai,” a ti.

SALM 136:25

Minung le saram kha rawl a pek dih hna, a dawtnak cu zungzal in a hmun.

SALM 142:7

Na min cu ka thangṭhat khawh nakhnga thong chung hin ka chuah ko sawh. Ka hmuh awk hnga a simi laksawng kha na ka pek tikah a dingmi hna nih cun pangpar ṭhi kha an ka oih lai.

SALM 35:10

Ka lungthin dihlak in Bawipa cu ka thawh lai i, “Nangmah bantuk ahohmanh an um lo! A dermi kha a ṭhawngmi hna kut chungin na huhphenh hna i sifakmi le retheimi kha mi hrem mi hrem hmangmi hna kut chungin na khamh hna,” ka ti lai.

SALM 68:6

Lungleng le umhar in a ummi kha umnak inn a pek hna i thongtla kha luatnak lawmhnak chungah a chuahpi hna; sihmanhsehlaw ralthawh hmangmi cu ramcar ah an um lai.

SALM 68:7

Maw Pathian, na mi na hruai hna tik le thetse ram tan in na kalpi hna tikah khan

SALM 72:4

Siangpahrang nih khan sifakmi kha an bia duhdanh lo tein ceihpiak hna seh law retheimi kha bawm hna seh law mi hremtu kha tei hna seh.

SALM 9:16

Ding tein bia a ceihnak ah khan Bawipa cu amah le amah aa phuang i miṭhalo hna cu anmah tuahnak lila ah khan an i foih. Higgaion. Selah

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

ISAIAH 9:4

Zeicahtiah rit piin an phorhmi hngawngkual kha na khiahpiak hna i an liang i a tu lengmangtu hna fung kha na khiah dih. Hlan liopi ah Midian ralkapbu na rak tei hna bantuk khan, na mi a hremtu hna le a serhsattu hna cu Bawipa nangmah nih na tei cang hna.

JEREMIAH 31:14

Tlangbawi hna cu hi ram thau kha ka vuaiter hna lai i Ka mi hna cu ka ṭhatnak in an khim lai,” tiah Bawipa nih a ti.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

LUKA 1:53

Rawl a ṭammi kha thil ṭhaṭha in a khimter hna i Mirum kha kut lawngin a kalter hna.

LUKA 4:18

“Bawipa Thlarau cu ka cungah a um. Sifakmi hna sin i Thawngṭha chim awkah chiti a ka thuh i Saltangmi hna sin i luatnak thanh awkah a ka thlah. Mitcaw mi hna sin i khuahmuh ṭhannak pek awk le Hremmi hna luatter dingah a ka thlah,

LUKA 9:17

An dihlak in an ei i an khim dih; an nganhmi cu a zultu hna nih khan an khawmh hna i bawm hleihnih khat a si.

LAMKALTU 16:26

Chikkhatte ah khin li a hun i hnin i thonginn cu a hram tiangin a hninh dih. Hmakhatte ah innka vialte kha an i hung dih i thongtla pawl thir cikcin vialte kha an i phoih dih.

LAMKALTU 5:19

Sihmanhsehlaw cu zan ah cun Bawipa vancungmi nih thonginn kutka kha a hun hna i lamkaltu kha a chuahpi hna i,