SALM 146:4 - Lai (Hakha) Common Language Bible 2006

⁴ An thih tikah leidip ah an kir ko; cu ni ah cun an khuakhannak vialte cu an dong fawn ko.

Laibaibal Thiang (BSI)

⁴ A thlarau nih a chuahtak i amah cu lei ah a kir ṭhân; cu ni lila ah â tinhmi thil kha an tlau lai.

SALM 146:4 ပူးပေါင်းရင်းမြစ်များ

GENESIS 2:7

Cun Bawipa Pathian nih vawlei khan tlak tlawmpal a lak i mipa ah a ser; nunnak petu thaw kha a hnar chungah a chuahhnawh i mipa cu a hung nung.

GENESIS 3:19

Rawl na hmuh khawhnak dingah, vawlei i na kir ṭhan hlan tiang, thlan hripi puak in na cawl a hau lai; Nangmah cu, cu vawlei cun sermi na si. Leidip na si i leidip ah na kir ṭhan lai,” a ti.

GENESIS 6:17

A nungmi thil vialte hrawhnak ding caah vawlei cungah buanchukcho ka tlunter lai. Vawlei cung i a ummi thil vialte an thi dih lai,

JOB 14:10

Sihmanhsehlaw minung cu a thi i an vui, Mi nih cun a thaw hmanung bik a chuah i khuazei ah dah a um ti.

JOB 14:21

A fapa hna nih upatnak an hun hmu, asinain a hngal lo; Annih cu ṭhumh an rung si, sihmanhsehlaw a hngal hlei lo.

JOB 17:1

“Ka lungthin cu a kuai cang, ka ni cu rel an si cang; Thlan nih a ka hngah ko cang.

JOB 17:11

“Ka ni cu an liam cang, ka timhmi cu an rawk cang, Ka ruahchannak cu a lo cang.

JOB 27:3

Ka thaw cu ka chungah a um i Pathian thaw kha ka hnar chungah a um chung paoh ah cun,

SALM 104:29

Naa mer tikah an awlok a chong, na thaw kha na tlaihkanh hna tikah an thi i an chuahkehnak vawlei ah khan an kir ṭhan.

SALM 33:10

Miphun dang nih tuah an i timhmi kha Bawipa nih pakpalawng ah a canter i tling kho loin a umter hna.

SALM 90:3

Minung cu an rak sining ah khan kir ṭhan u na ti hna, vawlei ah na canter ṭhan hna.

PHUNGCHIMTU 12:7

Kan pum cu vawlei leidip ah a kir ṭhan lai i kan thaw cu a kan petu Pathian sinah a kir ṭhan lai.

PHUNGCHIMTU 9:6

Dawtnak, huatnak, duhnak an ngeihmi vialte kha anmah sinah cun a thi ve. Hi vawlei cung i a ummi thil ah hin an i tel ve bal ti lai lo.

ISAIAH 2:22

Thih thiammi minung cu i bochan hna hlah u. Zeihmanh an ṭhathnem ṭung lo.

ṬAHNAK HLA 4:20

Bawipa chiti thuhmi, kan nunnak thaw a simi kha, Amah cu miphun hna lakah a thlazung in a ka hupphengtu a si lai, tiah kan rak i ruahchan.

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

1 KORIN 2:6

Asinain nutling patling a si cangmi hna sinah cun fimnak bia kha ka chim ko. Sihmanhsehlaw cu ka chimmi fimnak bia cu, hi a liam lio lengmangmi chan fimnak hi a si lo, hi a liam lio lengmangmi chan a uktu hna ṭhawnnak fimnak zong a si lo;