SALM 145:3 - Lai (Hakha) Common Language Bible 2006

³ Bawipa cu a lian a nganmi a si, fak piin thangṭhat awk a si; a lianhngannak cu kan hngalh khawh leng a si.

Laibaibal Thiang (BSI)

³ BAWIPA cu a lianngan i liannganngai i thangṭhat awk a si. A lianngannâk cu dothlat cawk a si lo.

SALM 145:3 ပူးပေါင်းရင်းမြစ်များ

1 CHANRELNAK 16:25

Zeitintiah Bawipa cu a lianngan i fak piin thangṭhat awk a si, Mi hna pathian vialte hna nakin amah cu ṭih awk a si deuh.

JOB 26:14

Zohhmanh, mah hihi a ṭhawnnak tlangri ceo an si rih, Amah kong kan theihmi cu zeitluk in dah a tlawm! A ṭhawnnak khuari chinchin cu aho nih dah a hngalh khawh lai?” tiah a ti.

JOB 36:26

Zohhmanh, Pathian cu a ngan tuk i kan hngal kho lo; A kum zeizat a si kha kan rel khawh leng a si.

JOB 37:23

Lianngan Bik cu kannih nih kan hmu kho lo; Amah a ṭhawnnak cu kannih nih kan hngalh khawh leng a si, A dinnak cu biading tuah awkah khan a khul a nuar lo.

JOB 5:9

Amah nih thil lianngan hna le ruah phak lomi thil hna le khuaruahharmi thil kha rel cawk loin a tuah hna:

JOB 9:10

Amah nih cun hngalh phak lomi thil lianngan le Khuaruahharmi thil relcawklo a ser hna.

SALM 139:6

Na ka hngalhnak hi a thuk tuk hringhran, ka ruahnak nih a phak khawh leng a si.

SALM 147:5

Kan Bawipa cu a lian a ngan i ṭhawnnak in a tling, thil a hngalhning hi tah khawh a si lo.

SALM 48:1

Bawipa cu a lian a ngan i fak piin thangṭhat awk a si; kan Pathian khualipi chungah le a tlang thiang cungah thangṭhat awk a si.

SALM 96:4

Bawipa cu a lian a ngan i sang piin thangṭhat awk a si; pathian dang vialte nakin ṭih awk deuh a si.

ISAIAH 40:28

Nan hngal lo maw? Nan thei lo maw? Bawipa cu zungzal hmunmi Pathian a si i Amah nih vawlei kha a ser dih; zeitikhmanh ah a baa bal lo i a thazang a tlawm bal lo. Ahohmanh nih a lungthin kha an hngal lo.

ROM 11:33

Pathian hi a va rum hringhran dah! A fimnak le a hngalhnak hi an va thuk hringhran dah! Biakhiahnak a tuahmi hi aho nih dah a sullam an purh khawh lai? A thil tining hi aho nih dah an hngalh khawh lai?

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!