SALM 143:7 - Lai (Hakha) Common Language Bible 2006

⁷ Bawipa, atu ah ka let ko sawh, ruahchannak zeihmanh ka ngei ti lo! Ka thuh tak hlah, na ka thuh tak ahcun mithi khua i a vung kalmi bantuk ka si ko lai.

Laibaibal Thiang (BSI)

⁷ Maw BAWIPA, khulrangin ka let, ka thlarau a ba; ka sin in na hmai cu thup sawh hlah; culoahcun khor chung i a tlami bantuk ka si sual lai.

SALM 143:7 ပူးပေါင်းရင်းမြစ်များ

SALM 102:2

Harnak ka in tikah hin ka thuhtak hlah! Ka aunak cu ka ngaihpiak law khulrang in ka let tuah.

SALM 22:24

Sifakmi kha anih nih cun a hrelh hna lo i an nganfahnak kha zeirello in a um lo; annih kha a hlaat hna lo i bawmhnak hal in an aunak kha a leh hna,” ka ti lai.

SALM 27:9

keimah cu ka thuhtak sawh hlah. Ka cungah na thinhung hlah, na sal hi ka ṭhawl sawh hlah. Maw Pathian, ka Khamhtu, nangmah cu a ka bawmtu na si, ka kaltak hlah, ka chia ta sawh hlah.

SALM 28:1

Maw Bawipa, nangmah cu kan auh, ka himnak lungpi, ka aunak cu ka theihpiak tuah. Na ka leh lo ahcun mithi khua i a kalmi hna bantuk ka si ve sual lai.

SALM 40:17

Kei cu ka si a fak i ka re a thei, sihmanhsehlaw Bawipa, nangmah nih na ka ruah ko. Nangmah cu ka Khamhtu le a ka Bawmtu na si — rau sawh hlah, Maw ka Pathian!

SALM 69:17

Na sal hi ka thuhtak hlah; harnak nganpi ka tong — atu hrimhrim ah ka let ko sawh!

SALM 69:18

Ra ka zuanhnawh law ka khamh tuah; ka ral hna kut chungin ka chuah tuah.

SALM 69:3

Ka bawm tuah tiin ka aunak ah ka baa cang i ka or zong a fak dih cang; bawmhnak a ka pe lai maw tiin ka mithram cat in kan zoh.

SALM 70:5

Kei cu ka thazang a der i zeihmanh ka tuah kho lo; cucaah run ka zuanhnawh ko, Maw Pathian. Nangmah cu a ka bawmtu le Khamhtu na si — rau sawh hlah, Maw Bawipa! rau sawh hlah, Maw Bawipa!

SALM 71:12

Maw Pathian, lamhlatpi ah ka umtak hlah; ka Pathian, atu ah ka bawm ko.

SALM 84:2

Cuka i um cu ka duh hringhran! Bawipa biakinn chung tual cu ka ngai hna. A nungmi Pathian cu ka nunnak dihlak in hla in ka thangṭhat.

PHUNGTHLÛKBIA 13:12

Ruahchannak cu a nikhua rauhter tikah hin lung a fak, sihmanhsehlaw saduhthahmi cu a tlin tikah hin nunnak thingkung a si.

ISAIAH 38:18

Mithi khuami nih cun ahohmanh nih an in thangṭhat kho lo, mithi nih cun zumhawktlak na si kha an i bochan kho lo.

ISAIAH 57:16

Ka mi cu nunnak kha ka pek hna i sual ka phaw lengmang hna lai lo, a zungzal in an cungah ka thin zong a hung lai lo.

ISAIAH 8:17

Bawipa nih a mi cu a thuhtak cang hna, sihmanhsehlaw kei nih cun ka zumh i kaa bochan.

LUKA 21:26

Vawlei cung pumpi i a tlung dingmi thil an ruah ah khan mi cu ṭihnak in a ther in an ther lai; zeicahtiah vancung ṭhawnnak cu an i hnin lai.