SALM 142:3 - Lai (Hakha) Common Language Bible 2006

³ Ka thlarau kha ka chungah a bat tikah, zeidah ka tuah awk a si kha nangmah nih na hngalh. Ka kalnak lam ah khan ka ral nih rap an ka chiahhnawh.

Laibaibal Thiang (BSI)

³ Ka thlarau ka chung i a bat lio ah, ka zulhmi lam na hngalh; ka kalnâk lamah a thli in rap an chiah.

SALM 142:3 ပူးပေါင်းရင်းမြစ်များ

JOB 23:10

Sihmanhsehlaw ka ṭuan ah siseh, kaa dinh ah siseh, a ka hngalh ko, A ka hneksak dih tikah, sui ka si kha a lang.

SALM 1:6

Bawipa nih miding cu an lam kha a hngalh, Sihmanhsehlaw miṭhalo cu an lam kha a rawk lai.

SALM 102:1

Maw Bawipa, ka thlacamnak cu ka ngaihpiak law nangmah bawmhnak hal ah ka aunak cu ka theihpiak ko.

SALM 102:4

Ram car bangin ka nunnak cu a uai, rawl ei duhnak zeihmanh ka ngei lo.

SALM 140:5

Miruamkai pawl nih khan rap an ka chiahhnawh, mihrokhrawl pawl nih khan sur rap cu an chiah i lam ah khan keimah foihnak dingah cun an phah. Selah

SALM 141:9

Keimah foihnak dingah an chiahmi rap cun ka huppheng law thil ṭhalo a tuahtu hna chiahmi thang khan ka luatter ko.

SALM 143:4

Cucaah ka celh ti lo i ka hnabei a dong.

SALM 17:3

Ka lung cu na hngalh, zan ah ka sinah na ra. Ṭha tein na ka hneksak cikcek i ka chungah duhnak ṭhalo zeihmanh a um lo kha na hmuh.

SALM 22:14

Ka thazang a dih cang, vawlei i thletmi ti bantukin a dih cang. Ka ruh vialte kha ka hliahhlok in an pong dih, ka lung cu ka chungah a timi khuailul bantuk a si.

SALM 31:4

An ka chiahhnawhmi rap khan ka veng ko; nangmah cu ka himnak hmun na si.

SALM 56:6

Mi hmuh lonak hmun ah khan an i thup i ka tuahmi paohpaoh kha an ka ngiat dih, zeitindah kan thah khawh lai ti kha an i ruahchih.

SALM 61:2

Inn in hlapi ah ka um i khuaruahhar vansang au in ka umnak hmun hin nangmah cu kan auh.

SALM 62:9

Mi vialte hi thaw bantuk menmen an si, a thi khomi minung hi zeihmanh an man lo. Cuaithlainak cungah chia hna u law zeihmanh an tlai lai lo, thaw nak hmanh in an zaang deuh.

SALM 77:3

Pathian kha ka ruat i ka hram, khua ka ruat i ka lung a dong. Selah

JEREMIAH 18:22

Ralrinnak pek hmasa loin an cungah ramhtu kha tlunter hna, An inn chungin kiaonak le ainak thawng kha thang hna seh, Zeicahtiah ka tlaknak ding caah khor an cawh i Kaa foihnak ding caah rap an chiah.

ṬAHNAK HLA 2:19

Zan ah tho law fak piin au tuah; Zan ven thawknak kip ah Bawipa hmaiah cun na lung cu ti bangin bung ko. Na fale hna nunnak caah a sinah na kut hler tuah.

MATTHAI 22:15

Farasi mi pawl cu an kal i Jesuh foihnak ding caah khan bia an kawl.