SALM 141:2 - Lai (Hakha) Common Language Bible 2006

² Ka thlacamnak cu zihmui bangin ka cohlanpiak law ka kut ka hlermi cu zanlei raithawinak sa bangin ka cohlanpiak ko.

Laibaibal Thiang (BSI)

² Ka thlacamnâk hi na hmaiah rimhmui bangin um seh law, ka kut ka thlirmi hi zanlei raithawinâk bang si ko seh.

SALM 141:2 ပူးပေါင်းရင်းမြစ်များ

1 SIANGPAHRANG 18:36

Cun thlet thawinak caan ah khin profet Elijah cu a pawngah a ra i, “Maw Bawipa, Abraham, Isak le Israel i Pathian, nangmah cu Israel mi chungah hin Pathian na si i keimah cu na sal ka si i hi thil vialte hi nangmah bia in ka tuah ti kha nihin ah hin langhter ko.

EZRA 9:4

Cun salchuak pawl zumhtlak loin an um ruang i Israel Pathian bia ah a thermi hna cu, zanlei raithawinak tiang khuaruahhar in ka ṭhut ko lioah khan ka sinah an rak i pum.

SALM 134:2

Thlacam in a biakinn chungah nan kut hler u law Bawipa cu thangṭhat u.

SALM 28:2

Nangmah bawmhhal awkah ka au i na biakinn thiang lei hoih in ka kut ka hler tikah ka aunak kha ka theihpiak tuah.

SALM 5:3

Zinglei ah ka aw kha na ka theihpiak: nichuak kate ah na sinah thla ka cam tawn i na ka lehnak kha ka hngah tawn.

SALM 63:4

Ka nun chung paohpaoh cu kan lawmh lai; nangmah leiah ka kut ka hler lai i thla ka cam lai.

EXODUS 29:39

Tuufa pakhat cu zinglei ah nan thawi lai i tuufa pakhat cu zanlei ah nan thawi lai.

EXODUS 35:15

zihmui khanghnak biakṭheng le a zawnhnak lang, thuhnak chiti, a rim a thawmi zihmui, Pathian umnak thlam chung luhnak innka ca puanzar,

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

DANIEL 9:21

Thla ka cam lioah cun langhnak i ka rak hmuh cang mipa, Gabriel kha zanlei raithawi caan ah khin khulrang ngaiin ka pawngah a ra zuang.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

NAMBAR 16:35

Cun Bawipa sinin mei a chuak i zihmui a pechan liomi minung za hnih le sawm nga kha a kangh dih hna.

LAMKALTU 3:1

Ni khat cu, zanlei suimilam pathum, thlacam caan ah khin, Peter le Johan cu biaknak inn ah khan an hung kal.

1TIMOTE 2:8

Pa paohpaoh nih hmun kip ah thlacam hna seh ti ka duh, Pathian sinah i pe in thinhunnak zeihmanh um lo le bia alnak zeihmanh um loin Pathian sinah cun an kut hler hna seh.

BIAPHUAN 5:8

Cu ti a va lak ahcun saram nung pali hna le upa kul le pali hna kha Tuufa hmaiah cun an kun. Pakhat nih tingtang pakhat cio le zihmui a khatmi sui kheng pakhat cio an i put, sui kheng chung zihmui cu Pathian mi hna thlacamnak kha a si.