SALM 140:5 - Lai (Hakha) Common Language Bible 2006

⁵ Miruamkai pawl nih khan rap an ka chiahhnawh, mihrokhrawl pawl nih khan sur rap cu an chiah i lam ah khan keimah foihnak dingah cun an phah. Selah

Laibaibal Thiang (BSI)

⁵ Porhlawmi hna nih hrihrual in awh an ka timh i a thli in rap an chiah, lamkam ah sur an phah i kâ foih nâk ding rap an chiah. (Selah)

SALM 140:5 ပူးပေါင်းရင်းမြစ်များ

JOB 18:9

Rap nih a kedil in a foih i a val nih khan fek tein a hren.

SALM 119:110

Miṭhalo nih keimah foihnak caah rap an chiah, sihmanhsehlaw na nawl zul loin ka um lo.

SALM 119:69

Mi porhlaw hna nih lih in ka thang an ka chiat, sihmanhsehlaw kei nih cun ka lungthin dihlak in na nawlbia kha ka zulh hna.

SALM 119:85

Na nawlbia a zul duh lomi miruamkai pawl nih khan, ka tlaknak dingah khor an cawh.

SALM 142:3

Ka thlarau kha ka chungah a bat tikah, zeidah ka tuah awk a si kha nangmah nih na hngalh. Ka kalnak lam ah khan ka ral nih rap an ka chiahhnawh.

SALM 31:4

An ka chiahhnawhmi rap khan ka veng ko; nangmah cu ka himnak hmun na si.

SALM 35:7

Sullam zeihmanh um loin keimah foihnak ding caah rap an chiah i keimah tlaknak ding caah khor thukpi an cawh.

SALM 36:11

Miruamkai nih khan ka tu hna hlah seh, miṭhalo nih khan ka zamter hna hlah seh.

SALM 43:1

Pathian, ka sual lo kha ka thanhpiak law Pathian zei i a rel lomi hna lakah hin ka bia ka chimpi tuah; lihchim hmangmi le miṭhalo hna kut chung hin ka chuah tuah.

SALM 57:6

Ka ral nih keimah foihnak ah sur rap an chiah, lungretheihnak nih a ka tei; ka kalnak lam ah khor an cawh, sihmanhsehlaw anmah tu an tla.

PHUNGTHLÛKBIA 24:15

Miṭha mi cu a inn ah miṭhalo nih an bawh bangin va bawh hlah, a lo zong kha va chut hlah;

PHUNGTHLÛKBIA 29:5

A innpa a fakmi cu a ke caah sur rap a chiahpiak a si.

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

JEREMIAH 18:20

Ṭhatnak hi ṭhat lonak in maw lehrulh a si lai? Na thinhunnak kha an sinin aa ṭhial khawh nakhnga anmah aiawh in nangmah cu kan nawl i na hmai i ka dir kha philh sawh hlah.

JEREMIAH 18:22

Ralrinnak pek hmasa loin an cungah ramhtu kha tlunter hna, An inn chungin kiaonak le ainak thawng kha thang hna seh, Zeicahtiah ka tlaknak ding caah khor an cawh i Kaa foihnak ding caah rap an chiah.