SALM 14:4 - Lai (Hakha) Common Language Bible 2006

⁴ Bawipa nih, “An hngal hnga lo maw? Ṭhat lonak a tuahmi vialte hi mihrut maw an si dih hnga? ka mi kha an ramh hna i cucu an i cawmnak, ka sinah thla an cam bal lo,” a ti.

Laibaibal Thiang (BSI)

⁴ Sualpalhnâk a tuahtu hna nih hngalhnâk an ngei lo maw? Rawl an ei bangin ka mi le an ei hna i BAWIPA kha an au lo.

SALM 14:4 ပူးပေါင်းရင်းမြစ်များ

JOB 21:15

Lianngan Bik cu an i thawh i, ‘Ahodah na si i na rian kan ṭuan hnga cu? Na sin i thla kan cam ah zei miaknak dah kan hmuh?’ an ti.

JOB 27:10

Lianngan Bik cu aa bochan hnga maw? Pathian cu a au camcin hnga maw?

SALM 27:2

Miṭhalo nih an ka doh i thah an ka zalh tikah, an ril tawn i an tlu tawn.

SALM 79:6

Nangmah an bia lomi miphun cu na thinhunnak kha toih hna law nangmah an hlawmi cu na thinhunnak kha langhhnawh ko hna.

SALM 82:5

“Nan va hrut thiam dah, nan va fim lo thiam dah! Khuamui chungah nan um i vawlei cungah hin dinnak zeihmanh a um ti lo.

PHUNGTHLÛKBIA 30:14

Sifakmi kha ṭam dih awkah le chambaumi kha ei dih awkah, a ha vainam a si i a khabe ah kawngthun aa bunhmi an um.

ISAIAH 27:11

Thing nge cu an kiak i an car i nu nih mei tih awkah an khawmh hna. Mi nih khan zeihmanh an hngalh khawh lo caah, anmah a sertu Pathian nih khan a zaangfah hna lai lo i vel zong a ngeih hna lai lo.

ISAIAH 29:14

Cucaah cun a tlung lai tiah a ruah in an ruah hrimhrim lomi thil kha pakhat hnu pakhat in an cungah ka tlunter lai i cu nih cun a hlauh in an hlauh hna lai. An mifim cu mihrut ah an cang lai i an fimnak cu an caah zeihmanh ṭhathnemnak a ngei lai lo,” a ti.

ISAIAH 45:20

Bawipa nih aa thawh i, “Miphun kip chung mi hna, hmunkhat ah i pum tuah u; rampi a rawk hnuah a nung rihmi hna, nan bia ceih awkah chuak tuah u. Thing siasal put in aa pummi hna le anmah a khamh kho lomi pathian sinah thla a cammi cu, zeihmanh a hngal lomi an si.

ISAIAH 5:13

Cucaah cun nannih cu sal ah kalpi nan si lai. Nan hruaitu pawl cu rawlṭam in an thi lai i nan zapi pawl cu tihal in an thi lai.

ISAIAH 64:6

Kan dihlak in misual kan si, kan thil tuahmi ṭha bik kan timi hna hmanh hi puanchia fihnung an si. Kan sualnak ruangah cun hnahchawl thli nih a choihmi bantuk khi kan si.

ISAIAH 64:7

Ahohmanh nih thlacam in nangmah lei kan hoih lo, ahohmanh nih bawmhnak hal in kan in fuh lo. Kan sinin naa thup i kan sual ruangah na kan kaltak cang.

JEREMIAH 10:25

Nangmah an hngal duh lomi miphun hna cungah le Na min an au lomi miphun hna cungah, na thinhunnak cu bung tuah; Zeicahtiah Jakob cu an ei cang i an lim cang, A inn cu an hrawh cikcek cang.

HOSEA 7:7

Changreu rawhnak bantukin linsa in an um i an uktu bawi hna kha an thah hna. An siangpahrang cu pakhat hnu pakhat in an nawn hna, Sihmanhsehlaw ahohmanh nih keimah sinah khan thla an cam lo.

AMOS 8:4

“Sifakmi kha a rialchih i retheimi kha a ramhmi hna, hihi ngai tuah u;

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

GALATI 5:15

Asinain saram bantukin nan um i pakhat le pakhat nan i seh nan i kaoh ahcun, i ralring tuah u, nan i ralrin lo ahcun pakhat le pakhat nan i hlo dih ko lai.