SALM 135:7 - Lai (Hakha) Common Language Bible 2006

⁷ Vanhramdeng in khuadawm kha a ratpi hna, thlichia chungin ṭek kha a chuahter i a thil khonnak inn chungin thli kha a chuahter.

Laibaibal Thiang (BSI)

⁷ Amah nih minmei kha vanhram dengin a kaiter, ruahpi caah nimtlau hna a ser i a ponnâk hmun in thli kha a chuahter tawn hna.

SALM 135:7 ပူးပေါင်းရင်းမြစ်များ

1 SIANGPAHRANG 18:1

Caan saupi hnuah, a kum thumnak ah khin Bawipa bia cu Elijah sinah a ra i, “Va kal law Ahab sinah vaa langh tuah; cun vawlei cungah ruah ka surter lai,” tiah a ti.

JOB 5:10

Vawlei cungah ruah a surter i Lo chungah ti kha a luanter hna;

SALM 107:25

Nawl a pek i thlichia a hrang i tilet a tho.

SALM 148:8

Nimtlau le rial, hawhra le khuadawm, a nawl a ngaimi thlichia, nannih nih Bawipa cu thangṭhat ko u!

SALM 78:26

Cun nichuahlei thli kha a hranter i a ṭhawnnak in thlanglei thli kha a thawhter,

JEREMIAH 10:13

A aw thawng ah van i ti khi an awn, Van hram deng in minmei kha a thawhter, Ruah caah awng kha a ser hna i A thil khonnak inn chungin thli kha a chuahter hna.

JEREMIAH 14:22

Miphun dang pathian, pathian deu a simi hna lakah ruah surter kho an um maw? Asiloah, van hna nih khin ruahpi an surter kho maw? Nangmah cu kan in bochan nakhnga, Pathian na si lo maw, Maw Bawipa? Hi thil vialte hna a tuahtu hi nangmah lawnglawng na si.

JEREMIAH 51:16

Nawl a pek hna bangin vancung i ti khi an awn, Vanhramdeng in minmei kha a thawhter. Ruah chungah cun nimtlau a lekter hna i A thilkhonnak chungin thli kha a chuahter hna.

JONAH 1:4

Sihmanhsehlaw Bawipa nih thlichia a hranter cimmam i rili tilet cu a san tuk caah lawng cu kuai dih hnik aa zal.

ZEKHARIAH 10:1

Bawipa cu fur caan ah ruah hal u law ṭhal caan ah ruah hal tuah u, Ṭotho khuadawm a sertu Bawipa nih nannih cu ruah kha an pek hna lai i Nan lo cio ah ramhring kha an pek hna lai;

JOHAN 3:8

Thlitu cu a duhnak paoh ah a hrang ko; a thawng cu na theih, sihmanhsehlaw khuazei in dah a rat le khuazei ah dah a kal kha na hngal lo. Thlarau in hrin a simi cu, cu bantuk cun an si ve,” tiah a ti.