SALM 13:4 - Lai (Hakha) Common Language Bible 2006

⁴ Cu ti na ka tuah ahcun ka ral nih, “Amah cu kan tei cang,” an ti kho lai lo i ka sunghnak ah khan an di a riam kho lai lo.

Laibaibal Thiang (BSI)

⁴ Culoahcun ka ral nih, “Amah ka ngamh cang,” a ti lai; culoahcun kâ hninh tikah aka buaitertu an i lawm sual lai.

SALM 13:4 ပူးပေါင်းရင်းမြစ်များ

EZRA 9:8

Sihmanhsehlaw atu cu caan tawite chung kha Bawipa kan Pathian nih zaangfahnak kan cungah a langhter, kannih cu Pathian nih kan mit kha a ceuter i kan saltannak chungah khan nun ṭhannak tlawmte a kan pek nakhnga, a tangmi a kan nganhpiak i a hmunthiang chungah a himmi hmun a kan pek.

SALM 10:11

Miṭhalopa nih cun aa thawh i, “Pathian cu a zeihmanh a poi lai lo, a mit aa chinh i a ka hmu bal lai lo,” a ti.

SALM 112:6

Miṭha cu an sung bal lai lo, philh an si bal lai lo.

SALM 25:2

Sungh ningzahnak chung khan ka khamh law ka ral cu ka cungah an di riamhter hna hlah.

SALM 35:19

Khi milihchim hna, ka ral hna khi, ka sungh ruangah an di riamhter hna hlah; sullam um loin a ka huami hna khi ka ngaihchiatnak an hmuh ruangah mit diriam in umter hna hlah.

SALM 35:25

“A cungah tlung seh, ti kan duhmi te kha a cungah a tlung cang,” titer hna hlah. “Amah cu kan tei diam cang,” titer hna hlah.

SALM 38:16

Harnak ka in ruangah ka ral hna hi diriam in umter hna hlah, ka tluk hi an i porhlawtnak ah canter hlah.

SALM 55:22

Na thilri cu Bawipa sinah ṭhum ta law amah nih an bawmh lai; miṭha cu zeitikhmanh ah a sunghter bal lai lo.

SALM 62:2

Amah lawnglawng hi a ka hupphengtu le ka Khamhtu a si, amah cu ka ralhruang a si i ahohmanh nih an ka tei bal lai lo.

SALM 62:6

Amah lawnglawng hi a ka hupphengtu le Khamhtu a si, amah cu ka ralhruang a si i ahohmanh nih an ka tei bal lai lo.

SALM 9:19

Bawipa, ra tuah, mi nih zeirello in in um hna hlah seh! Lawkihmi cu na hmaiah chuahter hna law an bia ceih hna.

PHUNGTHLÛKBIA 12:3

Mi hi ṭhat lonak nih a fehter kho lo, sihmanhsehlaw miṭha hna hram cu ṭhial khawh lomi hram an si.

JEREMIAH 1:19

Annih nih nangmah cu an in tuk lai, sihmanhsehlaw na sinah ka um i kan huhphenh lai caah an in tei lai lo, tiah Bawipa nih a ti,” tiah a ti.

ṬAHNAK HLA 1:16

Hi thil hna ruangah hin ka ṭap i Ka mit cu mitthli in a luang; Keimah hnemtu ding le ka thazang hrimhtertu ding cu lamhlapi lawngah an um. Ka fapale hna cu lileng in an um, Ral nih a tei hna caah.

JOSHUA 7:9

Zeitintiah Kanaan mi hna le hi ram chung i a ummi vialte nih an theih lai i an kan kulh lai i vawlei cung hin kan min an hloh lai; na min lianngan cu zeidah na tuahpiak lai?” tiah a ti.