SALM 128:3 - Lai (Hakha) Common Language Bible 2006

³ Na nupi cu na inn chungah a thei a ṭhami mitsur ruang bantuk a si lai, na fapale nih oliv thing tuaino bantukin na cabuai kha an kulh lai.

Laibaibal Thiang (BSI)

³ Na nupi cu na innchung laifang ah, theitlai a chuah ngaimi misur ruang bantuk a si lai i na cabuaiah na fale hna cu Olive keuh bantuk an si lai.

SALM 128:3 ပူးပေါင်းရင်းမြစ်များ

GENESIS 49:22

“Josef hi laa le a si, Cerh pawng i a ummi laa le a si, a fale cu tlangpang ah an um.

1 CHANRELNAK 8:40

Ulam fapa hna cu ralkap ṭhawng, li le thalkah thiam, fapa tampi le tufa tampi a ngeimi an si, za khat le sawm nga an si. Hi hna hi Benjamin mi an si dih.

SALM 127:3

Fale hi Bawipa sinin kan hmuhmi ro an si, thluachuah a kan pekmi an si.

SALM 127:5

Cu bantuk cantiang a thalbawm khat in a ngeimi cu mi lunglawm a si! Biaceihnak hmun ah a ral kha a ton hna tikah a sung bal lai lo.

SALM 144:12

Kan fapale hna cu an tlanval lioah, a ṭhawngmi thingkung bantuk si hna seh law, kan fanule hna cu bawi inn ṭamhnak tung bantuk si hna seh.

SALM 52:8

Sihmanhsehlaw kei cu Pathian inn pawng i a khomi oliv kung bantuk ka si; a fekmi a dawtnak cu zungzal in kaa bochan zungzal.

JEREMIAH 11:16

Hlan ah cun Bawipa nih, ‘Oliv thingkung, a hnah hring dildel tein a um i aa dawhmi,’ tiah a rak in ti. Sihmanhsehlaw atu cu puak cukmak in fahnak na in lai; mei nih na hnah cu a kangh hna lai i na nge cu a hrem dih hna lai.

EZEKIEL 19:10

Nan nu cu ti kam i phunmi mitsur ruang a rak si, Ti tampi a um caah thei tampi a tlai i a hnah cu hring hlerhhlurh in an um.

ROM 11:24

Nannih Jentail mi cu ramlak oliv kung, a nge khiah i cu nge cu a phung a si lo nain cinmi oliv kung i pehmi bantuk cu nan si ahcun a kungpi nge taktak a rak simi peh ṭhan kha cu Pathian caah a fawi deuh ngaingai lai.