SALM 128:2 - Lai (Hakha) Common Language Bible 2006

² Rian na ṭuan tikah nangmah pawcawmnak khim na hmuh lai i na lung aa lawm lai i khua awng na pem lai.

Laibaibal Thiang (BSI)

² Na kutchuak ṭheipar kha na ei tikah, nâ lawm lai i an tluanter lai.

SALM 128:2 ပူးပေါင်းရင်းမြစ်များ

GENESIS 3:19

Rawl na hmuh khawhnak dingah, vawlei i na kir ṭhan hlan tiang, thlan hripi puak in na cawl a hau lai; Nangmah cu, cu vawlei cun sermi na si. Leidip na si i leidip ah na kir ṭhan lai,” a ti.

SALM 1:3

Tiva kamah a khomi thingkung, a caan hmaan tein a thei a tlai i a hnah a uai bal lomi bantuk an si. An tuahmi thil kip ah khua awng an tong.

SALM 109:11

Tangka a rak cawihtu hna nih khan a ngeihmi thil vialte cu, lakpiak dih hna seh law, a rianṭuanmi vialte cu khual nih chut dih hna seh.

PHUNGCHIMTU 8:12

Misual mi nih sualnak kha voi za khat a tuah zongah a nung ṭhiamṭhiam ko. Asi, an chimmi cu ka hngalh, “Pathian na ṭih ahcun zeizong vialte a ṭha dih ko lai.

ISAIAH 3:10

Miding mi cu an i lawm lai, an caah thil a rem thliahmah ko lai. An ṭuan man kha an i lawmhpi lai.

ISAIAH 62:8

Bawipa nih biatak tein bia aa kam, a biakam cu a lianhngannak in a tlinter lai. Cu a biakam cu hihi a si: “Nan tirawl cu nan ral hna caah rawl a si ti lai lo i ramdangmi nih nan mitsur hang cu an in dinkanh ti hna lai lo.

ISAIAH 65:13

Cucaah keimah a ka bia i ka nawl a zulmi cu ei awk le din awk tampi an ngei lai nain nannih cu nan rawl a ṭam lai i nan ti a hal lai. Annih cu an lung aa lawm lai, sihmanhsehlaw nannih cu ningzahnak nan hmu lai.

JEREMIAH 22:15

Na sidar thing kha a ṭhat deuh ahcun cu nih cun siangpahrang na si kha a langhter maw? Na pa kha ruat hmanh: tlamtling tein ei awk din awk a ngeimi a si, dingte le aa ruang tein thil a timi a si, Cucaah a caah zeizong vialte a ṭha dih.

1 KORIN 15:58

Cucaah ka u le ka nau hna, fek tein dir u law zeihmanh nih in ṭhial kho hna hlah seh. Bawipa rian teimak tein nan ṭuannak ah cun i manh lo ngaiin um zungzal ko u, Bawipa rian nan ṭuanmi cu alak a si bal lo ti kha nan hngalh.

EFESA 6:3

“cu ti na tuah ahcun na caah a ṭha lai i ram chungah saupi na nung lai,” tiah chap chih a si.

DEUTERONOMI 28:11

Bawipa nih nanmah pek awkah nan pupa hna sinah chiat a rak sermi ram chungah khan Bawipa nih nan pum theitlai le nan saṭil theitlai le nan vawlei theitlai ah tam piin an rumter hna lai.

DEUTERONOMI 28:39

Mitsur dum nan ser lai i nan zohkhenh hna lai, sihmanhsehlaw a mitsur hang kha nan ding lai lo i a thei zong nan lo lai lo, zeitintiah rungrul nih a ei dih hna lai.

DEUTERONOMI 28:4

Nan pum theitlai le nan vawlei theitlai, nan saṭil theitlai, nan caw karhnak le nan tuu punzamnak cu thluachuah pek a si lai.

DEUTERONOMI 28:51

Nan rawk dih hlantiang nan saṭil tefa le nan vawlei theitlai cu an ei lai; an in hloh dih hna hlantiang in, rawl siseh, mitsur hang siseh, chiti siseh, nan saṭil karhnak siseh, nan tuurun fano hna siseh an in nganh hna lai lo.

DEUTERONOMI 28:8

Nan buk nan han le rian nan ṭuanmi kip ah Bawipa nih thluachuahnak kha nan caah nawl a pek lai i, Bawipa nan Pathian nih an pekmi hna ram chungah cun thluachuahnak an pek hna lai.