SALM 123:4 - Lai (Hakha) Common Language Bible 2006

⁴ Mirum nih sau tuk an kan zawmhtaih cang i miporhlaw nih sau tuk an kan nihsawh cang.

Laibaibal Thiang (BSI)

⁴ Nuam ngaiin a nungmi hna nihsawh le ruamkaimi hna zohchuknâk in kan nunnâk hi a khat dih cang.

SALM 123:4 ပူးပေါင်းရင်းမြစ်များ

NEHEMIAH 2:19

Sihmanhsehlaw Horon mi Sanballat le Ammon mi Tobiah, a sinum le, Arab mi Geshum nih mah cucu an theih tikah an kan nihsawh i an kan serhsat i, “Mah hi nan tuahmi hi zeidah a si? Siangpahrang maw nan doh?” tiah an kan ti.

JOB 12:5

Harnak nan tong lo i nan ka nihsawh, a ril dengmangmi kha nan ka ṭhuat chih,

JOB 16:4

Nang le kei hi umhmun aa thleng ding si u si law nangmah bantuk hin kei zong nih ka chim khawh ve ko hnga. Bia cun kan ṭhuat len ko hnga i ka lu zong kan hrilhhnawh len ko hnga.

SALM 119:51

Mi porhlaw hna nih an ka zawmhtaih, sihmanhsehlaw kei cu na phunglam kha ka kaltak lo.

ISAIAH 32:11

Nunnuam zaang awl ngaiin khua nan sa i khuaruahharnak zeihmanh tong loin nan um; sihmanhsehlaw atu cu a ther in ther cang u. Nan puan kha i phoih dih u law nan tai ah puanchia i kaih u.

ISAIAH 32:9

Nunnuam zaang-awl in a um i khuaruahharnak zeihmanh a ngei lomi nu hna, ka chimmi hi ngai tuah u.

JEREMIAH 48:11

Mitsur hang a ne a tho bal lomi bantukin Moab hi hnahnawh lo tein a um zungzal ko; Um khat hnu um khat i tlennak kha a tong lo, Saltannak kha a tong lo; Cucaah a thawtnak kha a chungah a tang i a rim zong aa thleng lo.

JEREMIAH 48:27

Moab, Israel mi kha zeitindah nihchuak capo i na ser hna kha philh hlah. Mifir hna lakah tlaihchihmi si hna seh law cu bang, cuticun na tuah hna khah.

JEREMIAH 48:29

Moab porhlawtnak kha kan theih cang, aa porhlaw taktak ko — Aa uahnak le aa porhlawtnak le a ruamkainak le a lungpuamnak kha kan theih.

AMOS 6:1

Zion ah nuam ngaiin a ummi hna le Samaria tlang cungah harnak tong loin a ummi hna, Nan cungah ningzahnak a tlung lai. Miphun hna lak i a ngan bikbik hna sinah khin va kal u law Annih cu va tlawng tuah hna u, Israel mi hna.

LAMKALTU 17:21

(Athens khuami hna le khika i a ummi ramdangmi vialte hna cu thil thar bik kong paoh, i chimh i ruah le va ngaihnak ah an caan vialte a hmang dihmi an si).

LAMKALTU 17:32

Paul nih thihnak in thawhternak kong a chimmi kha an hun theih tikah a cheu nih an nihsawh i a cheu nih, “Hi kong hi theih ṭhan kan duh,” an ti.

LAMKALTU 26:24

Cu bantukin Paul nih a sual lonak kong a chim lioah khan Festas nih cun a hei auh chih i, “Paul, na hrut cang! Na cawn sannak nih an hruhter cang,” tiah a hei ti.

1 KORIN 4:13

Chiat an kan serh tikah thluachuah le vanluh kan pek hna; an kan hrem tikah kan in, biaziar in an kan ti tikah bia nem in kan leh hna. Kannih cu kuthnawm hnawhnak puanchia kan si ko; nihin ni tiang hrimhrim hin vawlei cung hnawmtinphor kan si ko.

1 SAMUEL 17:42

Cun Filistin mipa nih khan a hei zoh i David kha a hmuh tikah, zeite ah a rel lo; zeicahtiah amah cu mi sen tertarte, mi chuak thiam ngai, tlangval kate hi a si.