SALM 123:1 - Lai (Hakha) Common Language Bible 2006

¹ Bawipa, nangmah lawng kei cu kan cuan ko, na umnak hmun van lei lawng ka zoh ko.

Laibaibal Thiang (BSI)

¹ Aw, Nang van i a ummi, nangmah lei ah ka mit cu ka chiah tawn.

SALM 123:1 ပူးပေါင်းရင်းမြစ်များ

1 SIANGPAHRANG 8:30

Cun na salpa le na mi Israel mi hna nih hi hmun lei hoih in thla kan cam tikah, kan in nawlnak cu kan theihpiak ko; asi, na umnak hmun van khin run thei ko law, cun na theih tikah kan ngaithiam ko.

SALM 11:4

Bawipa cu a biakinn thiang chungah a um ko i a bawiṭhutdan cu van ah khin a um ko. Mi vialte kha a zoh hna i an tuahmi vialte kha a hngalh dih.

SALM 115:3

Kan Pathian cu vancung ah khin a um i a duhmi paoh kha a tuah ko.

SALM 120:1

Harnak chung ka um tikah Bawipa cu ka auh i a ka leh.

SALM 121:1

Tlang khi ka hei cuan hna i, khuazei in dah bawmhnak ka hmuh lai? ka ti.

SALM 122:1

“Bawipa inn ah kal u sih,” an ka ti tikah khan ka rak i lawm.

SALM 124:1

Bawipa kha kanmah leiah rak ṭang hlah seh law, zei huah dah kan rak huah hnga, Israel mi hna ka let tuah u!

SALM 125:1

Bawipa aa bochanmi cu Zion Tlang bantuk an si; Zion Tlang, hninh khawh zong a si lo i ṭhial khawh zong a si lomi bantuk an si.

SALM 126:1

Bawipa nih Zion i a kan kirpi ṭhan ah khan, kan mang bantuk a rak si!

SALM 127:1

Bawipa nih inn cu a sak lo ahcun, a satu hna rianṭuannak cu santlailo a si; Bawipa nih khua kha a ven lo ahcun, a vengtu hna hngilh loin an umnak cu santlailo a si.

SALM 128:1

Bawipa a ṭihmi cu mi lunglawm an si, a nawl a ngaimi cu mi lunglawm an si.

SALM 129:1

Israel, na no lio tein na ral nih zeitluk in dah an rak in hrem kha, chim tuah!

SALM 130:1

Ka awlok a chon caah nangmah cu kan auh, Maw Bawipa!

SALM 131:1

Maw Bawipa, kaa porhlawtnak kha ka hlawt cang, ka ruamkainak kha ka chuahtak cang. Thil lianngan kha biapi ah ka ruat ti hna lo, ka ca i a har tukmi thil kha zei ah ka rel ti hna lo.

SALM 132:1

Maw Bawipa, David kha philh hlah, a rianṭuanmi vialte zong kha philh hlah.

SALM 133:1

Unau rual i rem tein khuasak ṭi hi zeitluk in dah a ṭhat i a nuamh!

SALM 134:1

Bawipa sal vialte hna, ra u law Bawipa cu thangṭhat u sih, zan i a biakinn chung i rian a ṭuanmi vialte hna, amah cu thangṭhat u sih.

SALM 141:8

Sihmanhsehlaw Bawipa Pathian, kei nih cun kan bochan i nangmah chungah dornak kha ka kawl; ka thihter sawh hlah!

SALM 2:4

Bawipa nih vancung i a bawiṭhutdan cung khin a run nih hna i capo ah a saih hna.

SALM 25:15

Bawipa cu kaa bochan zungzal i thil ṭihnung chungin a ka chuah.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

ISAIAH 66:1

Bawipa nih aa thawh i, “Van hi ka ṭhutnak a si i vawlei hi ka ke chiahnak a si. Cucaah zei bantuk inn dah nan ka sakpiak khawh lai i ka umnak ding caah zei bantuk hmun dah nan ka serpiak khawh lai?

MATTHAI 6:9

Cucaah hi bantuk hin thla nan cam awk a si: ‘Vancung khua i a um kan Pa, Na min thiang cu upat si ko seh;

LUKA 18:13

Sihmanhsehlaw ngunkhuai khawltupa cu lamhlatpi ah khin a dir i vanlei hmanh zoh ngam loin a ṭang aa cum i, ‘Maw Pathian, kei misual cungah hin zaangfahnak ngei ko,’ tiah a ti.