SALM 12:5 - Lai (Hakha) Common Language Bible 2006

⁵ Bawipa nih aa thawh i, “Sifakmi cu an hrem hna i retheimi cu aihram lengmang in an tuah hna caah atu cu ka ra lai i an ngaihmi himnak cu ka pek hna lai,” a ti.

Laibaibal Thiang (BSI)

⁵ BAWIPA nih, “Lamhchihmi hna le chambau in a hrum aimi hna caah, atu ka tho lai i an i ngaih ngaimi himnâk hmunah ka umter hna lai,” tiah a ti.

SALM 12:5 ပူးပေါင်းရင်းမြစ်များ

JOB 5:15

Sihmanhsehlaw ngakṭah hna cu an kaa chung khan a khamh hna i Mipam hna cu a ṭhawngmi hna kut chung khan a khamh hna;

JOB 5:21

Congoihnak a um tikah a phaw an chonkanh lai i Rawhralnak kha a rat tikah na ṭih awk a herh lai lo.

SALM 10:12

Maw Bawipa ra law ka khamh tuah! Hremmi kha philh sawh hna hlah, Pathian.

SALM 10:18

Hremmi hna le ngakṭah cu an aunak kha na theihpiak hna i anmah lei ṭanh in bia na ceih, cucaah a thi khomi minung nih hin thil ṭihnung kha an umter ti lai lo.

SALM 10:5

A rianṭuannak ah a hlawh a tling. Pathian biaceihning kha a hngalthiam lo; a ral kha a nih in a nihsawh hna.

SALM 31:19

Nangmah an ṭihtu hna caah na chiahmi thil ṭha cu zeitluk in dah khuaruahhar an si. Mi kip hmuh ah na tuahmi thil ṭha cu zeitluk in dah khuaruahhar a si, nangmah an bochanmi cu na huhphenh hna.

SALM 34:6

Santlai lomi nih amah cu an auh i a leh hna; an harnak chungin a khamh dih hna.

SALM 73:8

Midang kha zeihmanh ah an rel hna lo i thil ṭhalo lawng kha an ceih. An ruam a kai i zeitindah midang kha kan hrem khawh hna lai ti lawng kha an ceih.

EXODUS 5:2

Faro nih cun, “Bawipa cu ahodah a si?” tiah a leh hna. “Zeicahdah a bia cu ka ngaih lai i Israel mi cu ka kalter hna lai? Bawipa cu ka hngal lo; Israel mi cu ka kalter hrimhrim hna lai lo,” a ti.

PHUNGTHLÛKBIA 14:31

Misifak kha nan serhsat hna ahcun anmah a Sertu Pathian nan serhsat kha a si, nan zaangfah hna ahcun cucu Pathian biak a si.

PHUNGTHLÛKBIA 18:21

Lei nih hin thah khawhnak le nunh khawhnak ṭhawnnak a ngei, cucaah na bia chimmi theitlai cu na co a herh lai.

PHUNGCHIMTU 4:1

Cun hi vawlei cung i a um lengmangmi dinlonak hi ka zoh ṭhan. Hremmi hna cu an ṭap lengmang, sihmanhsehlaw ahohmanh nih an bawm hna lo. Anmah a hremtu hna kha thil ti khawhnak a ngeimi cu an si caah ahohmanh nih an bawm duh hna lo.

PHUNGCHIMTU 5:8

Acozah pakhatkhat nih misifak kha an hrem hna i dinnak le an hmuh awk a simi kha an pe hna lo, ti na hmuh tikah na khuaruahhar hlah; bawi paohpaoh cu an cung i a ummi bawi cio nih khan an huhphenh hna i cu hna zong cu anmah nakin a sang chin deuhmi bawi nih khan an huhphenh chin ve hna.

ISAIAH 19:20

Cu biakṭheng le lungphun cu Izipt ram chungah Ralkapbu Bawipa a um ti hngalhnak hmelchunhnak a si lai. Cuka mi hna nih hremnak an in i Bawipa kha, kan bawm tuah tiah an hal tikah annih chuahtu dingah khan mi a thlah lai.

ISAIAH 33:10

Bawipa nih miphun cu a thawh hna i, “Atu cu ka cawlcang cang lai! Zeitluk in dah a ṭhawngmi ka si kha kan hmuhsak cang hna lai.

EZEKIEL 18:18

“A pa cu mihremhmang le miramhhmang a si ko hnga i a rualchan lakah khan nuncan ṭhalo in a nungmi a si ko hnga i a ṭhat lo ruangah cun a thi ko hnga.

HOSEA 7:16

Keimah kha santlailo pathian leiah an ka mertak. Liza a dormi bantukin santlailo an si. An hruaitu hna kha porhlaw ngaiin bia an chim caah vainam in an thi lai i Izipt ram nih an nihsawh hna lai.

JEIM 5:4

Nan lo chung i rian a ṭuanmi, an nihlawh nan pek hna lomi an aunak thawng kha a thang i nan rawlṭuantu hna an aunak thawng kha Pathian Lianngan Bik Bawi i a hna chung a phan cang.

BIACEIHTU 10:16

Cucaah annih sin i ramdang pathian hna kha an hlonh hna i Bawipa kha an biak; cun Israel mi hna retheihnak ruangah khan a thin a hung ngaingai.