SALM 12:2 - Lai (Hakha) Common Language Bible 2006

² Pakhat le pakhat an i hleng i hlepar faknak hmur le lung hnih ngei in bia an chim.

Laibaibal Thiang (BSI)

² An innpa hna he biasawng an tlawrh sawhsawh i vêlhle hmurkâ le lung hnih putin bia an chim.

SALM 12:2 ပူးပေါင်းရင်းမြစ်များ

1 CHANRELNAK 12:33

Jebulun chungin, a fel taktakmi ralkap sang nga, annih cu David kha tinhmi pakhatte he bawmh awkah ral hriamnam in tling tein an i thuam.

SALM 10:7

A bia cu chiatserhnak le lih le hronak in a khat; huat awk bia le bia ṭhalo chim ah khan a khul a rang.

SALM 116:11

Ka thin a phan tuk cang i, “Ahohmanh bochan awk tlak an um lo,” ka ti lio zongah, ka zumh peng ṭhiamṭhiam ko.

SALM 144:11

A puarmi ka ral hna kut chung khan ka khamh ko, ramdangmi hna ṭhawnnak chung hin ka khamh tuah, annih cu biatak a chim bal lomi, biatak ka chim lai tiah chiat i serh hnu hmanh i lih a chim ṭhiamṭhiammi an si.

SALM 144:8

annih cu biatak a chim bal lomi, biatak ka chim lai tiah chiat i serh hnu hmanh ah lih a chim ṭhiamṭhiammi an si.

SALM 28:3

Miṭhalo hna, thil ṭhalo a tuahtu hna sinah khan sual ka phaw hlah — annih cu a bia a thlum ṭung i an lungthin vial huatnak in a khatmi an si.

SALM 38:12

Thah a ka duhmi nih rap an ka chiahhnawh i ka cungah fahnak tlunter a duhmi nih khan, kan in hloh cang lai, tiah an ka tlerh; keimah hrawhnak ding kha chun nitlak in an tim.

SALM 41:6

Keimah zoh i a rami kha lung thiang in an ra lo, ka thangchiatnak lawng kha an hlat i an chuah tikah a kenkip ah an chim.

SALM 5:9

Ka ral nih an chimmi bia cu zeitikhmanh ah zumh khawhmi bia an si lo, Zeicahtiah annih cu mi hrawh lawnglawng kha an duh; an kaa cu chilh lomi thlan bantuk a si i an bia cu hlennak bia le nal bia lawnglawng an si.

SALM 55:21

A chimmi bia cu thawhpat nakin a nal deuh sihmanhsehlaw a lung chungah cun huatnak a um; a bia cu chiti bantukin a nem, sihmanhsehlaw nam bantukin mi a chun.

SALM 59:12

An kaa chungah sualnak a um an bia cu bia sual lawngte an si; an i porhlawtnak ah cun anmah lila i foih hna seh. Annih cu chiatserhnak bia a chimmi le lihchimmi an si caah

SALM 62:4

Nan duhmi cu upatnak hmun i a ṭhutnak khan ṭhumh hi a si ko i lihchim zong hi nan duh hringhranmi a si fawn. Nan kaa cun thluachuahnak bia nan chim, sihmanhsehlaw nan lungchung cun chiat nan serh.

PHUNGTHLÛKBIA 20:19

Mi hmursau nih biathli kha a phuan tawn, Cucaah a holh tukmi cu kom hlah.

PHUNGTHLÛKBIA 20:6

Mi kip nih zumh awk tlak ka si an ti cio, sihmanhsehlaw hei hneksak tuah hna law, aho fang khi dik zumh awk tlak taktak cu an hei si!

PHUNGTHLÛKBIA 29:5

A innpa a fakmi cu a ke caah sur rap a chiahpiak a si.

JEREMIAH 7:28

Khi tikah annih cu na thawh hna lai i, ‘Hi miphun hi Bawipa an Pathian aw a ngai lo miphun an si i chimhhrinnak zong a cohlang duh lomi an si; biatak cu a thi cang, an hmur ah a cuang ti lo.

JEREMIAH 9:8

An lei cu thihnak cantiang a si, an kaa nih hlennak bia a chim; I rem ngaiin an i chawn cio. Sihmanhsehlaw an lung chung cun pakhat le pakhat i foihnak ding khua kha an khang cio.

EZEKIEL 12:24

Hi hnuah cun Israel mi hna lakah langhnak deu a um ti lai lo i lih ṭawnchommi mangihnak zong a um ti lai lo,

MIKAH 7:2

Ram chungah lihchim lomi miding pakhat hmanh an tang ti lo, Pathian sin i zumhawktlak in a ummi pakhat hmanh an um ti lo. An dihlak in an thi dih ai. Zeitik ah dah lainawnnak caan ṭha ka hmuh lai ti lawng kha an bawh cio ko, Sakaptupa nih a rap chungah foih awkah sa a hot hna bantukin, u le nau kha pakhat le pakhat i foih awkah an i hot.

ROM 16:18

Zeicahtiah cu bantuk rian a ṭuanmi cu kan Bawipa Khrih rian an ṭuan kha a si lo i anmah duhnak tu an tuah kha a si deuh. An hmurka ṭha le an mi hloi thiamnak in lungmawng zaran vialte kha an hlen hna.

1THESALON 2:5

Kan hmanmi bia kha nanmah nih nan hngalh bantukin, mi hei faknak bia men an si lo i Pathian zong nih a hngalh bantukin duhfahnak lungthin khuhnak bia men an si lo.