SALM 115:4 - Lai (Hakha) Common Language Bible 2006

⁴ Annih pathian tu cu sui le ngun in sermi an si, minung kut nih a sermi an si.

Laibaibal Thiang (BSI)

⁴ An milem hna cu sui le ngun an si i minung kut chuak men an si.

SALM 115:4 ပူးပေါင်းရင်းမြစ်များ

1 SIANGPAHRANG 18:26

Cun annih nih an pekmi hna cawtum cu an i lak i an can i Baal min cu zingka in chun tiang an auh i, “Maw Baal, kan let tuah!” tiah an ti. Sihmanhsehlaw zei aw hmanh a um lo i zeihmanh nih a let hna lo. Cun an sermi biakṭheng a velchum ah cun heh tiah an i hlok.

1 SIANGPAHRANG 18:29

Cun ni cu a run i mer i thlet thawinak caan tiang an au cuahmah ko, sihmanhsehlaw zei aw hmanh a um lo; zeihmanh nih a let hna lo, ahohmanh nih zei ah a rel hna lo.

2 SIANGPAHRANG 19:18

an pathian hna cu mei chungah an paih taktak hna; zeitintiah annih cu pathian an si lo, mi kut serchommi men an si, thing le lung an si; cucaah cun annih cu hrawh an si.

2 CHANRELNAK 32:19

Cun vawlei cung miphun hna pathian, mi kut sermi a simi hna an ti hna bantuk khan Jerusalem khua Pathian cu an ti ve.

SALM 97:7

Siasal a biami vialte kha an ning a zak dih, an siasal aa porhlawmi vialte kha an ning a zak dih; pathian vialte cu a hmaiah an kun dih.

ISAIAH 37:19

an pathian kha an khangh dih hna, ti cu kan theih — sihmanhsehlaw annih cu pathian an si lo, minung nih an kut in an ser chommi thing le lung siasal menmen an si.

ISAIAH 42:17

Siasal aa bochanmi vialte le milem cu kan pathian a si tiah a timi vialte cu ningzak le hmaichia in an um lai,” a ti.

ISAIAH 44:10

Pathian bantukin biak awkah thir le dar in siasal ser rian cu pakpalawng rian a si.

ISAIAH 44:20

Cu ti a tuah cu vutcam ei sullam bantuk men a si. Ruahnak hrut a rak ngeihmi nih khan a pingah a hruai tuk cang caah bawmh khawh hmanh a si ti lo. Ka kut i kaa putmi siasal hi pathian a si hrimhrim lo ti kha a hngal lo.

ISAIAH 44:9

Siasal a sermi hna cu pakpalawng an si i a sung tuk hringhran ah an ruahmi an pathian hna cu santlailo an si. Hi pathian a biami hna cu mitcaw le mihrut an si i ningzahnak an ing lai.

DANIEL 3:5

“Maw miphun zakip le holh phun zakip hna, nannih nih muko thawng le tingtang thawng le thonglawi thawng le darkhing thawng le tummi phun kip thawng le hlasak thawng kha nan theih tikah nan bawk lai i Siangpahrang Nebukhadnezzar nih a phunmi sui milem cu nan biak lai, tiah nawl pek nan si.

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

HOSEA 8:6

Hi cawtum hi zei bantuk pathian dah a si ee? Zungthiam i an sermi pei a si ko hi, pathian a si ṭung lo; Samaria cawfa cu kuai cikcek in den a si lai.

LAMKALTU 19:26

Cun hipa Paul nih hin zeidah a tuah ti cu nanmahte nih nan i hmuh khawh i nan i theih khawh fawn ko. Aa thawh i, ‘Mi sermi pathian cu pathian an si lo,’ a ti i Efesa khua ah hin siseh, cun Asia ram chung zongah hin a dihlak dengmang in, mi tampi kha an lung a pemter hna.

LAMKALTU 19:35

A donghnak ah khua cazi nih khan mizapi cu a daihter khawh hna. A thawh hna i, “Efesa khuami hna, Efesa khua hi a liannganmi Artemis biakinn a umnak le vancung in a rung tlami lung thiang a umnak a si ti kha ahodah a hngal lomi a um?

DEUTERONOMI 4:28

Cun khika ah thing le lung in sermi pathian, minung kut sermi, hmuh zong a hmu kho lomi, theih zong a thei kho lomi, ei zong a ei kho lomi, rim zong a hnim kho lomi cu nan biak hna lai.