SALM 115:3 - Lai (Hakha) Common Language Bible 2006

³ Kan Pathian cu vancung ah khin a um i a duhmi paoh kha a tuah ko.

Laibaibal Thiang (BSI)

³ Kan Pathian cu van ah a um i a duhmi pauh a tuah tawn.

SALM 115:3 ပူးပေါင်းရင်းမြစ်များ

1 CHANRELNAK 16:25

Zeitintiah Bawipa cu a lianngan i fak piin thangṭhat awk a si, Mi hna pathian vialte hna nakin amah cu ṭih awk a si deuh.

JOB 23:13

Amah cu thlen khawh lo a si i aho nih dah an mer khawh lai? A duhmi cu a tuah ko.

SALM 103:19

Bawipa nih a bawiṭhutdan cu vancung ah khin a hun; zeizong vialte cungah siangpahrang a si.

SALM 123:1

Bawipa, nangmah lawng kei cu kan cuan ko, na umnak hmun van lei lawng ka zoh ko.

SALM 135:6

Vancung ah siseh, vawlei cungah siseh, rili chungah siseh, rili tangah siseh, a duhmi paoh kha a tuah ko.

SALM 2:4

Bawipa nih vancung i a bawiṭhutdan cung khin a run nih hna i capo ah a saih hna.

SALM 68:4

Pathian cu hla in thangṭhat u, a min cu thangṭhat u; khuadawm aa citmi caah cun lam kha ser tuah u. Amah a min cu Bawipa a si — amah hmaiah cun i lawm tuah u!

ISAIAH 46:10

A hramthawk tein a phichuak zeidah a si te lai ti kha ka rak chim; thil um ding kha a um hlan piin ka rak chim. Kaa tinhmi cu ka tlolh bal lai lo, ka ti; tuah kaa timhmi cu a dihlak in ka tuah lai.

DANIEL 4:32

Minung bu sinin ṭhawl na si cang i ram sa sinah na um cang lai; cawtum bantukin ram kha kum sarih chung na ei lai. Cu tikah Cung Nung Bik nih hin minung hna pennak chungah hin uktu bawi a si i pek a duhmi hna sinah a pek ko dah ee, ti kha na hngalh lai,” tiah a ti.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

MATTHAI 6:9

Cucaah hi bantuk hin thla nan cam awk a si: ‘Vancung khua i a um kan Pa, Na min thiang cu upat si ko seh;

ROM 9:19

Nan lak i pakhatkhat nih nan ka thawh lai i, “Hi bantukin thil a si kun ahcun, zeitindah Pathian nih minung cu sual a phawt khawh kun? Pathian duhnak cu aho nih dah a donh khawh?” nan ti lai.

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.