SALM 112:9 - Lai (Hakha) Common Language Bible 2006

⁹ A herh a baumi kha siang ngaiin a pek hna, mi cung i zaangfahnak a ngeihmi cu zungzal in a hmun; amah cu a ṭhawng lai i hmaizah a si ko lai.

Laibaibal Thiang (BSI)

⁹ A phawtzamh i misifak a pêk hna; a dinnâk cu zungzal in a hmun; a ki cu upatnâk in cawisan a si lai.

SALM 112:9 ပူးပေါင်းရင်းမြစ်များ

SALM 111:3

A tuahmi thil cu upatnak le lianhngannak in a khat; a dinnak cu zungzal in a hmun.

SALM 112:3

An innchungkhar hna cu an rum an lian lai i khua awng an pem zungzal lai.

SALM 75:10

Miṭhalo mi hna ṭhawnnak cu a hrawh lai, sihmanhsehlaw miding mi ṭhawnnak kha cu a karh chin lai.

SALM 92:10

Nangmah nih fungtum bantuk ṭhawng ah na ka ser; thluachuahnak na ka pek i ka lung aa lawm.

SALM 92:11

Ka ral an sungh kha ka hmuh i miṭhalo pawl an ai len kha ka theih.

PHUNGTHLÛKBIA 14:24

Mifim hna bawi luchin cu thil a chunglei an hmuh khawhnak hi a si, mihrut hna pangpar ṭhirual cu an hruhnak hi a si.

PHUNGTHLÛKBIA 19:17

Misifak cungah zaangfahnak na ngeih ahcun Bawipa kha chaw na coih bantuk a si. Bawipa nih tling tein an cham lai.

PHUNGTHLÛKBIA 21:26

Chun nitlak in a ruahmi cu zei khi dah hei ngei ning law ti lawng khi a si ko. Sihmanhsehlaw miding nih cun mi kha a pek hna i sianh loin a um hna lo.

PHUNGCHIMTU 11:6

Zinglei ah thlaici tuh ko, zanlei zongah ngol hlah; zeicahtiah an dihlak in an ṭhat lai le an ṭhat lai lo kha na hngal lo i a zei kha dah a ṭha deuh lai ti zong kha na hngal lo.

PHUNGCHIMTU 3:6

Kawl caan a um, thlau caan a um; chiah caan a um, hlonh caan a um;

ISAIAH 32:8

Sihmanhsehlaw lihchim lomi nih cun thil a tuah tikah lihchim lo tein a tuah i a hmaanmi thil kong ah khan fek tein a dir.

ISAIAH 58:10

rawlṭam mi kha rawl nan pek hna i herhbau in khua a sami kha an herhnak nan bawmh hna ahcun, nannih an zultu hna muihnak kha chun ceu ah a cang lai.

ISAIAH 58:7

A rawl a ṭammi kha nan rawl hrawm hna u law inn ngei lo misifak kha tlun inn onh hna u. Aih awk a ngei lomi kha thilpuan ṭhen hna u law nan sahlawh le nan rualchan hna kha bawm loin um hna hlah u. Hi hi ka duhmi rawl ulh phun cu a si.

MATTHAI 6:4

nanmah lawngte nih va hngal ko u. A thli tein nan tuahmi a hmutu nan Pa nih khan laksawng an pek hna lai.

MARKA 14:7

Sifak cu nan sinah pei an um zungzal ko lai cu, bawmh nan duh tik hna paoh ah nan bawmh khawh ko ṭung hna. Kei cu nan sinah ka um zungzal ṭung lai lo.

LUKA 11:41

Sihmanhsehlaw nan hrai chung le nan kheng chung i a ummi thil kha misifak va pe hna u law nan caah zeizong vialte a thiang ko lai.

LUKA 12:33

Nan ngeihmi thil kha zuar hna u law tangka cu mi kha ṭhen hna u. A ṭet kho lomi phaisa bawm kha i zalh u law vancung ah nan ro kha khong hna u, khika ah cun mifir nih an fir kho hna lo i rungrul nih an ei khawh hna lo caah a zor lei an panh bal lai lo.

LUKA 16:9

Cun Jesuh nih cun, “Cucaah hitin kan chimh hna: vawlei cung chawva in hawikom i ser hna u, zeicahtiah chawva cu a dih tikah zungzal inn ah an umter hna lai.

LUKA 18:22

Hi bia cu Jesuh nih a theih tikah, “Pakhat te na bau kun. Na ngeihmi vialte kha va zuar law tangka cu sifakmi kha va ṭhen hna, cun vancung khua ah chawva na ngei lai; cun ra law ka zul,” tiah a ti.

JOHAN 13:29

Judas cu tangka zal tlaitu kha a si caah, a zultu a cheukhat nih cun, Jesuh nih khan Judas cu, puai ca i a herh ding changreu va cawk a fial rua, asiloah sifakmi kha zeilo va ṭhen hna a ti rua, tiah an ruah.

LAMKALTU 20:35

Zeizong vialte ah hi bantukin fak piin rianṭuannak thawngin a dermi kha kan bawmh hna awk a si ti cu kan hmuhsak cang hna i Bawipa Jesuh zong nih khan zeitindah a rak ti ti ahcun, ‘Pek leiah hin hmuh lei nakin lunglawmhnak a um deuh,’ a rak ti; cucu kan philh lo awk a si,” tiah a ti.

LAMKALTU 4:35

lamkaltu hna sinah khan an rak put hna i tangka cu a herhmi paoh kha an herh baunak ning cio ah an phawt hna.

ROM 12:13

Nan u nan nau a si a fakmi kha nan thil hrawm hna u law khual kha tluninn onh hna u.

2 KORIN 8:9

Nannih nih kan Bawipa Jesuh Khrih vel kha nan hngalh ko: a rum nain nanmah ruangah sifak ah a cang, cuti a can cu a sifahnak khan nannih kha rumter an duh hna caah a si.

DEUTERONOMI 15:11

Zeitintiah sifakmi hna cu nan ram chungah an dong bal lai lo; cu caah hi nawlbia cu kan pek hna, ram chung i a ummi nan unau, sifak le retheimi hna cu nan kut kaupi in nan samhpiak hna lai.

DEUTERONOMI 15:14

nan tuurun chungin siseh, nan phuhri chungin siseh, nan mitsur hang nennak khor in siseh, siang ngaiin nan pek lai; Bawipa nan Pathian nih thluachuah an pek hna ningin anih zong kha nan pek lai.

DEUTERONOMI 24:13

ni a tlak tikah biahrennak thil cu na khirh ṭhan lai, a puan chungah a ih i thluachuahnak an pek nakhnga; mah cucu Bawipa na Pathian hmaiah na caah dinnak a si lai.

1TIMOTE 6:18

Ṭhatnak tuah le thil ṭha tuahnak i rum le nunsian le thil ṭhenh sian kha na chimh hna lai.

HEBRU 13:16

Pakhat le pakhat i bawmh le pakhat le pakhat cung i ṭhatnak tuah kha philh hlah u; hihi Pathian lung a tongmi raithawinak a si.

HEBRU 6:10

Pathian cu miding lo a si lo. Rian nan rak ṭuanmi le nan Khrihfa hawi nan rak bawmh tawn hna i atu zongah nan bawmh ko rih hna thawngin nan langhtermi amah nan dawtnak kha a philh lai lo.

BIAPHUAN 22:11

Miṭhalo cu ṭhat lonak kha tuah lengmang ko seh, fihnung a simi cu fihnung kha tuah lengmang ko seh, miṭha a simi cu ṭhatnak kha tuah lengmang ko seh, mithiang a simi cu thiannak kha tuah lengmang ko seh,” a ti.

1 SAMUEL 2:1

Cun Hannah nih thla zong a cam i, “Bawipa cungah ka lung aa lawm; Bawipa thawngin ka thazang cu hlorh a si. Na khamhnak ah khan kaa lawmh caah, Ka ral hna cu ka kaa nih a nihsawh hna.

1 SAMUEL 2:30

Cucaah Bawipa Israel Pathian nih, “Na chungle hna le na pa chungle hna cu zungzal in ka hmaiah an lut an chuak lai,” tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.