SALM 110:3 - Lai (Hakha) Common Language Bible 2006

³ Na ral kha na tuk hna ni ah, na mi nih anmah lungtho tein an in chuahhnawh lai. Na tlangval hna cu zinglei dap bantukin, na sinah tlang thiang ah khan an ra chuak lai.

Laibaibal Thiang (BSI)

³ Na mi kha na ṭhawnnâk ni ah, anmah lungtho tein an i pe ko lai; â dawhmi thiannâk in zinglei khua a dei tikah na no lio cân dapti cu na ngeih lai.

SALM 110:3 ပူးပေါင်းရင်းမြစ်များ

1 CHANRELNAK 16:29

Bawipa cu amah min he aa tlakmi sunparnak cu pe ko u, Pekchanh awk rak i put u law a hmaika ah ra chuak tuah u! Thuam thianghlim in i thuam in Bawipa cu bia tuah u,

NEHEMIAH 11:2

Cun Jerusalem khua chung i va um awkah mah lungtho tein aa timmi hna cu mi zapi nih khan an lawmh hna.

SALM 29:2

Bawipa min sunglawi cu thangṭhat u, A Thiangmi Bawipa cu a langh tikah a hmaiah kun u.

SALM 96:9

A Thiang Mi cu a hung chuah tikah a hmaiah khan kun u; vawleicung mi vialte hna, a hmaiah cun a ther in ther u.

EZEKIEL 43:12

Hihi tlang cung i sak ding biakinn sawisam cu a si; a velchum in a umnak hmun cu hmun thiang bik a si lai,” a ti.

MIKAH 5:6

Annih nih an vainam in Assiria ram cu an tei lai. Assiria mi nih kan ram cu an hung chim tikah kannih cu an kan khamh lai.

LAMKALTU 1:8

Asinain Thiang Thlarau nan cung i a tlun tikah cun, ṭhawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai,” tiah a ti hna.

LAMKALTU 19:20

Cuticun Bawipa bia cu a karh chin lengmang i a ṭhang i a ṭhawng chin lengmang.

LAMKALTU 2:33

Pathian orhlei kamah khan ṭhutter a si i a Pa nih bia a kam bantuk khan Thiang Thlarau cu a Pa sin khan a hmuh; cun atu i nan hmuhmi le nan theihmi hi kannih a kan toihmi a laksawng kha a si.

LAMKALTU 2:41

Mi tampi nih a bia cu an zumh i tipil kha an in; cu ni ah cun an bu ah mi thong thum tluk an i chap.

LAMKALTU 21:20

A chimmi cu an theih tikah Pathian kha an thangṭhat. Cun Paul cu an thawh i, “Unaupa, zeitindah thil umtuning a si cu na hngalh ko. Judah mi lakah hin thong tampi a zumtu an um cang i cu hna cu Phung a ṭanh ngaingaimi an si.

LAMKALTU 4:4

Sihmanhsehlaw an chimmi a theimi mi tampi nih khan an zumh i an dihlak ah thong nga hrawng an hung si.

2 KORIN 13:4

Asi, a derthawm caah vailam ah an tah taktak, sihmanhsehlaw Pathian ṭhawnnak in a nung. Kannih zong amah derthawmnak i hrawm in kan der, asinain nanmah he kan i pehtlaihnak ah a nunnak Pathian ṭhawnnak cu kan in hrawm hna.

2 KORIN 8:12

Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.

2 KORIN 8:16

Nanmah bawmhnak ah kanmah tlukin Titas lung a thawhtertu Pathian cu lawm ko u sih.

EFESA 1:4

Vawlei a ser hlan in Pathian nih kannih cu Khrih chung i amah ta si dingin a kan thim cang, cucaah a hmaiah a thiangmi le soi awk um lomi kan si awk a si.

FILIPI 2:13

Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a ṭuan zungzal ko.

1THESALON 4:7

Pathian nih sualnak tuah lengmang dingin a kan au lo, mithiang si ding tu ah a kan auh.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

HEBRU 13:21

Cun Jesuh thihnak in a thawhtertu daihnak Pathian nih cun amah duhnak nan tuah khawhnak dingah a herhmi thil vialte cu in pe hna seh law Jesuh Khrih thawngin kan chungah a duhmi paoh cu tuah ko seh. Cun Khrih cungah zungzal in zungzal tiang sunparnak cu um ko seh. Amen.

BIAPHUAN 7:9

Cu hnuah cun khua ka hun zoh i mibu nganpi, ahohmanh nih a rel in an rel cawk lomi khi ka hmuh. Annih cu phun kip, ram kip, holh kip le hrin kip chungin a rami an si i bawiṭhutdan hmai le Tuufa hmaiah cun an dir i puan rang an i aih i tum hnah kha an i put.

BIACEIHTU 5:2

“Hruitu hna nih Israel mi cu an hrui hna i Mizapi hna nih lungtho tein an i pek caah, Bawipa cu thangṭhat ko u.

BIACEIHTU 5:9

Israel mi a haotu hna, mi lak i lungtho tein aa pemi hna leiah hin ka lung cu a um. Bawipa cu thangṭhat tuah u.